Shiga

Mungkan Ting Hta Gap Hkat Majan Jahkring Na Matu “Dawsa Dingsa Ai Lam Hkum Nga Ga” Mungkan Masat Dingsat Nhtoi Hta UN Kaw Nna Bai Shadum Da Ai
Tuesday, October 06, 2020

“Dawsa Dingsa Ai Lam Hkum Nga Ga” mungkan masat dingsat nhtoi hpe 2007 June 15 ya shani na UN Gerneral Assembly shani masat shagrin da ai re lam chye lu ai.

2020 shaning na matu “International Day of Non-violence” “Dawsa Dingsa Ai Lam Hkum Nga Ga” a shiga madung gaw hpyen majan gasat ai lam hkum nga ga! Yawng a hpyen rai nga ai Covid 19 ana kanu ni hpe sha rau jawm gasat ga!, ngu ai shiga rai na re ngu Guterres ndau da ai.

“Chyambra ana zingli tsin-yam hkrum ten hta awng dang taw ai wa langai sha nga ai; dai gaw ana kanu hkum nan rai nga ai; dai majaw chyambra ana kanu hpe shazim kau lu na matu mungkan shara shagu na gap hkat majan hpe jahkring da ga”, ngu mung shadum da ai.

Wa Sarabyin A Sharin Shaga Ai Encyclical Laika Ningnan Langai Hpe Bai Shachyen Da Ya Ai
Monday, October 05, 2020

“Ndai Encyclical “Fratelli tutti” hpe kabu gara ai hte jaw ai rai nngai”

Fratelli tutti a lachyum gaw english ga hku fraternity and social friendship ngu ai rai nna, anhte jinghpaw ga hte “nau na mahku mahkau hte shinggyim kanawn mazum lam” ngu lachyum rai na re.

Kachyihtu Jau Aseng Hta Hpung Woi Tara Hkaw Sara/num Ni A Myit Sumru Akyu Hpyi Hpawng Galaw
Friday, October 02, 2020

Kahtawlik Sasana, Myitkyina Saradaw Ginwang, Kachyihtu Jau Aseng hta Tara hkaw Sara/num ni a 2020 shaning na myit sumru akyu hpyi hpawng (wutsawk) hpe September 25 – 29 lapran galaw la lu sai lam chye lu ai.

September 25 ya shani manam du hpang ma ai rai nna, myit sumru akyu hpyi hpawng hpe September 26 hte 27 lahkawng ya tup, Htingnan Jau Ginwang, ginwang up, Wa Jau Paul NSau Gum Dan kaw nna woi awn la ya sai.

Wa Sarabyin: Shadut Shagyen Ai A Majaw Htawt Si Hkawm Ai Ni Hte Dum Nta Nlu Ai Ni A Matu Akyu Hpyi Ya Ai
Thursday, October 01, 2020

Wa Sarabyin: Shadut Shagyen Ai A Majaw Htawt Si Hkawm Ai Ni Hte Dum Nta Nlu Ai Ni A Matu Akyu Hpyi Ya Ai

Wa Sarabyin Francis gaw shaning shagu September hpang jahtum na laban hta sha-ang nna galaw ai “Htawt Si Hkawm Ai Ni Hte Dum Nta Nlu Ai Ni A Nhtoi” ang ai September 27, laban shani hta “Madu Lamu Kasa Akyu Hpyi” ten, shadut shagyen ai a majaw htawt si hkawm ai ni hte dum nta nlu ai ni a matu San Peter pa kaw nna akyu hpyi ya lai wa ai.

Hong Kong Cardinal: Gasu Kabrawng Ai Lam Byin Nga Ai Shinggyim Wuhpung Wuhpawng Kata, Kam Sham Ai Ni Yawng Galum Gahkyin Nga Na Matu Saw Shaga Da Ai
Thursday, October 01, 2020

Nawku Hpung kata garan ginhka na lam byin shangun ai ningmu shai ai madin ni hpe n mai jaw ai lam; Nawku Hpung daju rai nga ai Vatican kaw na matsun ai hte maren hkawm sa ai gaw shara shagun na Nawku Hpung masha ni yawng galum kakhyin ai tai nga ai re ngu mung matut shadum da ai.

Nawku Hpung gaw democracy up hkang masa hpe madi shadaw ai re. Wa Sarabyin Francis a apostolic exhortation laika Evangelii Gaudium hta shinggyim masha ni a simla lam, tara rapra lam, nau na shada tsaw ra hkung ai lam ni nga hkra mung masha langai hpra hta lit nga ai ngu ka da ai.

Panghkak Jau Ginwang Ninghtawn Shagu na Tarahkaw Sara Ni A Zuphpawng Galaw Ai
Tuesday, September 29, 2020

Ninghtawn shagu hta hpaw da ai wunkat hte seng nna awngdang ai lam, hkrat sum ai lam, hpa baw ningra ai lam hpe tsun bawng ban ai hta ninghtawn shagu gaw wunkat hte seng na ma ni a Shakut shaja ai lam, n'gun lu ai lam tsun bawngban ma ai.

Wa Sarabyin: Kanu Nu Maria Anhte Yawng Hpe Hkap Ahpum Hkap Apup La Nga Ai
Tuesday, September 29, 2020

Wa Sarabyin sakse hkam tsun dan ai hta, “Ma kanu langai mi tsun da ai; kanu langai a lit langai mi gaw, tinang a kasha ni hpe galun gahkying ya na matu rai nga ai.” “Kaga hpawmi num langai mi hpe san yu ai shaloi, shi a kasha ni gaw shi a matu ahkyak dik ai re; ngai hta lata yin nu manga lawm ai; dai lata yin nu langai mi hkra machyi jang ngai hta hkra machyi ai ai zawn kaga ngam ai yin nu ni mung hkra machyi ai; dai yin nu langai hte langai n bung ai raitim yawng gaw maren sha re ai, ngu tsun dan wa ai, ngu Wa Sarabyin sakse hkam da ai.

Corona Virus Ana kawn lawt hkra sadi ga. ( 28 sep, 2020 )
Monday, September 28, 2020

- Hkawp hkungga tsawra ai Nu wa hpu nau ni, ya ten Corona Virus Ana Zinli gaw, grau nna she sawng wa ai masa rai nga mali ai.

- Dai majaw, anhte nang ngai yawng grai sadi let, ndai ana zinli nhkrum sha hkra tinang hkum tinang makawp maga sadi ra nga mali ai.

-Nawku hpung a gawng malai, Tarahkaw sara ni hku nna mung ya na zawn, shadum n gun jaw, sadi ra ai lam hpe tsun shana let, akyu hpyi garum ya nga ai lam hpaw tsun da ai hpe madat hkam la ga law.

 

Tang madun ai - Tarahkaw Sara Ni

 

Wa Sarabyin: shinggyim wuhpung wuhpawng hta lit la lu na hpaji ninghkring ni hpe n-gun jaw da ai
Sunday, September 27, 2020

“The Catholic Educational Association of the Philippines (CEAP) a shaning shagu galaw ai zuphpawng a matu Wa Sarabyin Francis mungga shagun dat ai lam chye lu ai.

photo from Vatican Website
Wa Sarabyin: Ya Ten Na Mayak Mahkak Hpe Hparan Lu Ai Langai Sha Re Ai Lam Gaw “Yawng Rau Jawm Pawng Hpawm Na Lam” Sha Rai Nga Ai
Thursday, September 24, 2020

Chyambra ana zingli Covid -19 tsinyam hte seng nna Wa Sarabyin ka ai sharing ga ai hta “marai hkum shagu gaw tinang galaw ra ai magam hpe htep lahti lit la gun bai na matu ahkyak ai” ngu tsun shadum da ai hpe 2020, September 23 shani hta Vatican Shiga dap kaw nna ndau shabra ai hta lawm wa ai.

Quick Links