Ninghtawn shagu hta hpaw da ai wunkat hte seng nna awngdang ai lam, hkrat sum ai lam, hpa baw ningra ai lam hpe tsun bawng ban ai hta ninghtawn shagu gaw wunkat hte seng na ma ni a Shakut shaja ai lam, n'gun lu ai lam tsun bawngban ma ai.
Wa Sarabyin sakse hkam tsun dan ai hta, “Ma kanu langai mi tsun da ai; kanu langai a lit langai mi gaw, tinang a kasha ni hpe galun gahkying ya na matu rai nga ai.” “Kaga hpawmi num langai mi hpe san yu ai shaloi, shi a kasha ni gaw shi a matu ahkyak dik ai re; ngai hta lata yin nu manga lawm ai; dai lata yin nu langai mi hkra machyi jang ngai hta hkra machyi ai ai zawn kaga ngam ai yin nu ni mung hkra machyi ai; dai yin nu langai hte langai n bung ai raitim yawng gaw maren sha re ai, ngu tsun dan wa ai, ngu Wa Sarabyin sakse hkam da ai.
- Hkawp hkungga tsawra ai Nu wa hpu nau ni, ya ten Corona Virus Ana Zinli gaw, grau nna she sawng wa ai masa rai nga mali ai.
- Dai majaw, anhte nang ngai yawng grai sadi let, ndai ana zinli nhkrum sha hkra tinang hkum tinang makawp maga sadi ra nga mali ai.
-Nawku hpung a gawng malai, Tarahkaw sara ni hku nna mung ya na zawn, shadum n gun jaw, sadi ra ai lam hpe tsun shana let, akyu hpyi garum ya nga ai lam hpaw tsun da ai hpe madat hkam la ga law.
Tang madun ai - Tarahkaw Sara Ni
“The Catholic Educational Association of the Philippines (CEAP) a shaning shagu galaw ai zuphpawng a matu Wa Sarabyin Francis mungga shagun dat ai lam chye lu ai.
Chyambra ana zingli Covid -19 tsinyam hte seng nna Wa Sarabyin ka ai sharing ga ai hta “marai hkum shagu gaw tinang galaw ra ai magam hpe htep lahti lit la gun bai na matu ahkyak ai” ngu tsun shadum da ai hpe 2020, September 23 shani hta Vatican Shiga dap kaw nna ndau shabra ai hta lawm wa ai.
Austria mungdan San Polten kaw na tsi gawk hta tsi tsi hkam la sai myit hkam ja lam nlu ai ma kaji ni hte hkawn ji, brang ji ni hpe Vatican kaw hkap la hkrum shaga lai wa ai.
Myanmar Mungdan hta COVID-19 Corona Virus ana zinli numdaw lahkawng lang hku nna kapbra wa ai majaw lai wa sai bat mi, sanit ya laman hta asak si sum mat ai marai 100 du sai rai nga ai.
Bat mi laman, ana kap hkrum ai masha marai 3538 jat wa ai rai nna si ai masha 100 du wa ai sai lam, September 14 ya kawn 22 ya shani du hkra ana jep joi hkam ai masha mun mali ram kaw na marai 3538 ana kap hkrum ai ai re majaw jep hkam ai masha ni kaw na tsa lam shading 13% hta ana kap hkrum ai hpe mu lu nga ai.
Panghkak jau ginwang hta ninhtawn (7) nga ai hta na , San Petru Sara ninghtawn (wasik)mare gaw hkrunlam grai yak ai Sara ninghtawn langai rai nga ai.Covid-19 Ana Zinli byin wa ai kaw na Wajau ni nlu gawan mat ai majaw hpung masha ni garen gari hkrum nga ma ai.
Ndai shata (19.9.2020) ya shani Ginwang up Wajau Paul Awng Dang gaw hpung masha ni hpe sa du gawan lai wa sai.Wajau du na nga, na ai hte maren hpung masha ni gaw Wudang poi hpe galaw na matu hkyen lajang da ai lam chye lu ai.
Dingda Korea mungdan kata, Num shada, la shada tara shang dinghku de ai upadi shapraw ya na matu mung shawa masha ni hpyi shawn ai hpe Kahtawlik sasana, dingda Korea mungdan na Nawku Hpung woi ningbaw ni ninghkap da ma ai.
Korea mungdan na Saradaw hpawng daju kaw nna hkuk shapraw ai ndai ndau shapra laika hpe mungdan kata na nawku hpung masha ni myit hkrum ai, hkap la ma ai lam chye lu ai. Ndai zawn ninghkap ai gaw shinggyim ahkaw ahkang hta hkra wa ai majaw re ai ngu mung tsun da ma ai.
Lani mi hta sha Covid – 19 ana kap masha grai law jat wa ai lam WHO kaw nna n dau sadi jaw da ai
September 13, laban shani, hkying hkum 24 lapran, Mungkan ting hta coronavirus ana kanu kap masha 307,930 rai sai lam, masat shadang kaba dik hku matsin da ai lam Mungkan Hkam Ja Dap “World Health Organization” (WHO) kaw nna sadi jaw da ai lam Vatican kaw nna ndau da ma ai.
Sign up to our newsletter and get latest news and updates straight to your inbox!
