Panghkak Jau Ginwang Ninghtawn Shagu na Tarahkaw Sara Ni A Zuphpawng Galaw Ai

Panghkak jau ginwang San Paul nawku jawng wang hta 28.9.2020.jahpawt 9:00 (am) hta ginwang up Wajau Paul Awng Dang hte tarahkaw sara/num ni marai(18) Bro langai mung lawm let zuphpawng galaw ai.Zuphpawng hta ninghtawn shagu hta hpaw da ai wunkat hte seng nna awngdang ai lam, hkrat sum ai lam, hpa baw ningra ai lam hpe tsun bawng ban ai hta ninghtawn shagu gaw wunkat hte seng na ma ni a Shakut shaja ai lam, n'gun lu ai lam tsun bawngban ma ai.

San pio sara ninghtawn lit hkam Saranum kaba Ja Nan tsun ai hta “ Covid a majaw nawku jawng nlung yang grau nmai ai lam ni mu majaw Laban nawku hpe pang hte pang nawku ai lamang galaw ai lam tsun mat wa ai.”

Ninghtawn shagu hpaw da wunkat hta ndai October shata Rosary hti shata hta mara raw chyoipra hkum Sakramentu nlu shi ni hpe tara laika sharin na lam bawngban mat wa sai re.Wajau tsun ai hta “ tara laika sharin ai shaloi kanu kawa ni mahtang tara laika nchye majaw sharin ai ladat hta ma ni hpe bat mi hta kalang sanpoi san na matu nta laika jaw dat ai shaloi kanu kawa ni hte rau jawm galaw jang kanu kawa ni mung tara laika chye mat na matu yaw shada ai lam, Misa hkungga galaw shaloi daw hte daw a lachyum chye na hkra sharin ya na lam Wajau Paul Awng Dang kaw nna tarahkaw sara/num ni hpe matsun lai wa sai. Sara/num ni hpe Wajau kaw na n'gu,sau,shapre garum jaw let zuphpawng hpe shangut la sai lam Loije kaw nga ai Teresa Sumlut Hkawn Bu shiga jaw ai hku na chye lu ai.