Wa Sarabyin: Ya Ten Na Mayak Mahkak Hpe Hparan Lu Ai Langai Sha Re Ai Lam Gaw “Yawng Rau Jawm Pawng Hpawm Na Lam” Sha Rai Nga Ai

Chyambra ana zingli Covid -19 tsinyam hte seng nna Wa Sarabyin ka ai sharing ga ai hta “marai hkum shagu gaw tinang galaw ra ai magam hpe htep lahti lit la gun bai na matu ahkyak ai” ngu tsun shadum da ai hpe 2020, September 23 shani hta Vatican Shiga dap kaw nna ndau shabra ai hta lawm wa ai.

Vatican kata hta bat shagu na shawa masha ni hte hkrum shga ai ten hta Wa Sarabyin Francis shadum da ai rai nga ai.

1929 shaning hta Wa Sarabyin Pius XI tsun shadum da ai, “lahta kaw na lawu de, bai lawu kaw na lahta de ngu ai shingra tara masa hpe lakap nna bai sang lang dan wa ai.

Dai gaw Marai hkum shagu, tinang hte seng ai magam lit ni hpe hkrak tup htep lahti hkan shatup ai gaw wuhpung wuhpawng hpe tsi shamai ai rai nga ai ngu lachyum pru ai.

“Wuhpung wuhpawng a galu kaba lam hta shang lawm galaw shakut nlu ai gaw kabai da hkrum ai majaw hte shingdu gayin da ai majaw, shing nrai, nmu jahpai hpai ai majaw rai nga ai,”

ngu Wa Sarabyin madi madun da ai.

Wuhpung wuhpawng kata hta awng dang lam n lu ai gaw, sut masa lam yan hte shinggyim nau na shada hku hkau ai hta wuhpung masha ni a makam masham hte sari sadang manu ni hpe wang lu wang la galaw lu ai ahkaw ahkang n jaw ai majaw rai nga ai.

Mung daw, mungdan ni hta wuhpung wuhpawng shagu a rawt jat galu kaba lam a matu lam hpaw ya ra ai. Shanhte a matu gaw da tara ni jaw da ai hta wuhpung wuhpawng woi awn ningbaw ni gaw masha hkum shagu a tsaw ai nem ai madang yawng hpe hkungga ya ra ai. 

Masha hkum shagu a shang lawm ai, kun dinghku shagu a shang lawm ai, wuhpung shagu a shang lawm ai, lapran kaw nga ai kasa hpung ni a shang lawm ai, nawku hpung shagu a shang lawm ai hpe manu shadan hkap la ya ra ai.  

Dai ni na ninghtoi ni hta gaw da tara ni rai nga ai shingra tara masa ni hpe hkung ga manu shadan ai lam hta gawng kya ai lam kaba jat nga ai gaw yawga ana langai zawn rai nga ai.

“Dai hta n ga, hkum hkrang hta na n-gun grau kya ai zawn san ai daw shan ni mung, n lawm n mai rai nga ai.” San Pawlu Korintu hpung masha ni hpang de shagun dat ai laika 12:22 hpe lakap nna mung matut shadum sharin shaga da ai.

Dai majaw du na ra ai shawng lam ni hta, yawng pawng hpawm nna jawm galaw ai ladat hte hkawm sa ga ngu Wa Sarabyin Francis ngun jaw shadum da ai hpe Vatican kaw nna ndau da ma ai.

#vaticannews

#rvakachinservice

Source : Vatican News