Shiga

Hka Hku Mung De Hkawm Sa Ai Ni Yawng Quarantines 14 Ya Rawng Ra Na 
Tuesday, September 15, 2020

Hkahku Mung, Mali Nmai Wa Lawng hte Mali Hkrang wa lawng de hkawm sa ai ni yawng ndai September shata 10 ya shani kawn hkamja lam jep joi quarantine rawng ra na re ai lam chye lu ai.

Myanmar Mungdan hta Covid-19 kap bra ana zinli numdaw lahkawng lang hku nna  kalang bai kap bra nga ai hte maren, Jinghpaw mung hta mung ana kap ai masha ni du wa ai majaw, Hka hku mung de ndai ana ndu pru na matu hkawm sa hkawm wa masha ni yawng, hkamja lam jep joi ai shara hta nhtoi 14 ya rawng ngut ai hpang she matut hkawm sa lu na re ai lam chye lu ai.

Panghkak Jau Ginwang Hta Hpaji Sharin Jawng N-nan Shaman La Lu
Tuesday, September 15, 2020

Hpaji Jawng N-nan Hpaw Shaman La Lu Sai Lam.

Hong Kong Cardinal: Karai Mungga hkaw tsun ai hta tingkyen ningmu ai mung masa lam tsun shapraw ai hpe koi yan ga
Tuesday, September 15, 2020

 

Hong Kong Saradaw Ginwang a apostolic administrator rai nga ai Cardinal John Tong Hon gaw “Jau ni Karai mungga hkaw tsun ai hta tingkyen mu mada ai mung masa lam hkaw tsun shapraw dan ai hpe koi yan ga ngu shadum n gun jaw da ai lam, lai wa sai shata August 28 hta htuk shapraw ai laika hta tsun da ai.

“Karai Kasang a mungga gaw hkaw tsun ai wa a tingkyen ningmu hpe hkaw tsun na matu n re ai; Karai Kasang a mungga hpe hkaw tsun sakse hkam na matu she rai nga ai,”

Covid-19 Ana Tau Hkrau Makawp Maga Lam Hte Seng Ai Interview
Monday, September 14, 2020

Covid-19 Ana Tau Hkrau Makawp Maga Lam Hte Seng Nna, Hka hku Mung Ginwang, Mali Nmai Wa Lawng de gara hku hkyen lajang da nga ma ai kun?

Masa lam hpe chye lu na matu, Mali Nmai Wa Lawng hte Mali Hkrang Wa Lawng ginra kaw magam bungli galaw nga ai Ningtau Hkam Ja Du Slg.Nbyen Tu Awng hte san htai galaw da ga ai.

Yak hkak ai dum nta ni hpe n gu hte shapre garan jaw ( 11 Sep, 2020 )
Friday, September 11, 2020

****** Buga Shiga ( Local Church News ) ******

 Ndai 09 Sep, 2020 ya shani, Manmaw Sasana, Panghkak Jau ginwang, Ginwang up Wa Jau Paul Lahpai Awng Dang woi awn let hpaw ninghtan da ai Covid – 19 Commity hku nna, ya ten hta yak hkrak jam jau hkrum nga ai dum nta htinggaw ni hpe jahpan hta la nna, n gu hte shapre hpe garum jaw sai rai nga ai.

Mung Nya Zup Hte Zup Mai Yang Kaw Quarantine Center Hpaw Da
Wednesday, September 09, 2020

 

Mali Nmai Walawng kata hkawm sa hkawm wa ai ni yawng Covid 19 tsin-yam kaw na makawp maga lu na matu Mung Nya Zup Mare hta September 8 ya shani hkamja lam jep joi dabang, Quarantine Center hpaw da sai lam chye lu ai.

Myanmar Mungdan hta, Corona Virus kap wa ai masha lani hte lani grau law jat nga ai hte maren Hkahku Mung, Mali Nmai Wa lawng de Corona Virus n kap bra lu na matu hkamja lam jep joi dabang hpe shara lahkawng kaw hpaw da ai re lam chye lu ai.

ICRC Hte MRCS Kawn Pang Sau Jau Ginwang De Malu Masha Hte Hkamja Lam Hte Seng Ai Arung Arai Ni Madi Shadaw Garum Ya
Wednesday, September 09, 2020

9 September 2020, Myitkyina

 

Covid-19 byin nga ai ten, malu masha yak hkak hkrum nga ai Pang Sau Jau Ginwang na Naga hpu nau ni hpe garum lu na matu International Committee of Red Cross (ICRC) hte Myanmar Red Cross Socities (MRCS) kawn n-gu buk 289 hte Hygen Kids 100 jaw ya ai lam chye lu ai.

Garum arung arai ni hpe  September 9, 2020 ya jahpawt, Myitkyina Sasana Ginwang up, Wa Saradaw Francis Daw Tang the Myitkyina Sasana Covid-19 ninghkap Komiti Ningbaw Wa Jau Joseph Zinghtung La Nu ni kawn hkap la lu sai re.

 

Laiza Muklum De Du Shang Wa Ai Ni Quarantine 14 Ya Rawng Ra
Tuesday, September 08, 2020

Corona Virus ana zinli kap bra ai kaw na makawp maga lu na matu, Wunpawng Mungdan Shanglawt Uphkang Dap, Ginjaw rai nga ai Laiza Mare de shang wa ai ni yawng, tinang a lusha jarik hte nhtoi 14 ya hkamja lam jep hkam dabang Quarantine rawng ra na re lam chye lu ai.

Cardinal Charles Bo: Du Na Ra Lata Poi hta Simsa lam a matu mye (မဲ) bang ga!
Sunday, September 06, 2020

 

By RVA News,  1 September, 2020

Yangon Saradaw ginwang up Cardinal Charles Maung Bo gaw September 1 ya shani, shi a ndau shabra laika hta, du na ra ai Myanmar Mungdan Asuya ra lata poi hta jaw ang ai sumru dawdan lam hpe madung da nna, simsa lam jaw ai mungdan Asuya hpe lata ga ngu shadum jahprang da ai.

Makam Masham lam hta gawng kya wa ai majaw Makam Masham sharin hpawng galaw lai wa sai shiga!
Sunday, September 06, 2020

        Chi Hpwi jau ginwang hta Miwa mungdan hte jarit rai nna masha grai kayau ai hte kaga makam masham hpung ni kaw nna adawt shahpyak ai lam a majaw hpung masha ni makam masham lam hta gawng kya wa majaw makam masham ningja jat sharin hpawng hpe  Chang Ying Hku mare San Vincent De Paul Nawku Jawng hta September 2 kaw nna 5 (2-5/9/2020) ya shani du hkra galaw lai wa sai lam Chi hpwi ginwang up Wa Jau Peter Ungsau Tang Gun tsun ai hku nna chye lu ai.

Quick Links