Wa Sarabyin Francis hte makam masham hpa-awn ni du na ra ai October 20, bat 2 ya shani galaw na mungkan simsa lam a matu akyu hpyi ai hpawng hta shang lawm na re lam chye lu ai. Dai akyu hpyi hpawng hta Assisi hte Fratelli tutti myit masin hte akyu hpyi sa wa na re lam chye lu ai.
“No One Is Saved Alone- Peace and Fraternity” “Kadai mung tingkyen hkye la hkrum lu na n re, Simsa lam hte nau na myit hpe bang da ga” ngu ai kabaw hte akyu hpyi hpawng hpe galaw na rai nga ai.
October 18 Ya shani gaw (94) lang ngu na Mungkan Sasana Laban rai nga ai. “Ndai gaw Mungkan shara shagu kaw nga ai Nawku Hpung masha ni Kabu Gara Shiga hkaw tsun gat htai na matu shadum nga ai” nga nna Vatican kaw nna, October 17, bat 6 ya shani na shiga hta ndau shana shabra da ma ai.
Shaning shagu galaw ai ndai Sasana laban gaw, akyu hpyi shakut na matu, sasana magam gun ni hpe garum la na matu, sasana magam gun ni hpe garum shingtau na matu, sasana magam hta sasana magam gun ni hte rau ta gintun let sasana galaw na matu kashin kamun hkam la da sai Nawku Hpung masha shagu hpe shadum jahprang nga ai; saw shaga nga ai.
Dai ning na Sasana laban nhtoi a matu October16, bat 5 ya shani, Vatican na Wa Sarabyin rung hte seng ai Shiga Dap Rung “the Congregation for the Evangelization of Peoples and the Pontifical Mission Societies for the Progagation of the Faith (PMS) hta zuphpawng nna shang lang dan ai lam hpe galaw lai wa sai lam chye lu ai.
Prang Hkudung Jau Ginwang Hta Covid-19 ana zinli a majaw jawng nlung nna mare hkan nga taw ai ramma ni hpe makam masham lam sharin ya ai dabang hpaw ya nga ai.
Dabang sa lung ai ramma ni yawng rai yang Mare kahtawng mali na ramma marai ( 31 ) re.
Sharin ya na lam ni gaw Kahtawlik Makam Masham A Lam,Kahtawlik Nawku Hpung a hkrang kumla ni a lachyum hte Asak hkrung hkawm sa ai aten hkyen lajang ra ai lam ni hpe madung sharin ya na lam chye lu ai.
Wa Sarabyin Francis gaw, October 10, bat 6 ya shani, Dante Alighieri si ai 700 ning hpring ladu hkrum shani hta, Italy mungdan, Saradaw Ginwang Kaba Ravenna-Cervia Archdiocese a dak kasa hpe hkrum shaga ai lam galaw lai wa ai. Archdiocese Ravenna-Cervia gaw Italy mungdan dingdung maga Emilia-Romagna mungdaw hta lawm ai rai nga ai.
Lai wa sai shaning 700 na, Dante Alighieri a “ga shagawp laika” gaw dai ni na aten hte mung seng nga ai ngu Wa Sarabyin tsun dan ai.
Asak kaba sai hpung masha ni hpe sa du gawan let mara raw,chyoi pra hkum jaw ai hte nam man sau chya ya ai lam hpe galaw la lu sai ...
Num sha ni gaw laika hti ma ai; sumru ma ai; yu ngwi nsen hpe madat hkam sha ma ai, ngu mung tsun da ai. Ndau zawn kaja ai lailen ni hpe “Evangelii Gaudium” (Kabu gara shiga) ga baw hte hpang da ai.
September 30, bat 2 ya shani, Wa Sarabyin Francis gaw San Pra ai masha tang na matu masha jahpan hpe bai ndau da ai. Mahkrun lam ningnan masum hpe Vatican kaw nna masat shagrin dat sai lam chye lu ai. Ndai lang ndau da hkrum ai ni gaw Mau hpa lamik kumla madun ai ni hte makam masha a majaw sat kau hkrum ai lam lahkawng hte seng ai ni rai ma ai.
2020, October 4, laban ya shani, San Peter Pa hta “Madu Lamu Kasa Akyu Hpyi” ngut ten Wa Sarabyin Francis Shi hkum nan ka da ai Encyclical laika ningan “Fratelli tutti” hpe shachyen da ya sai lam chye lu ai.
“Ndai Encyclical “Fratelli tutti” hpe kabu gara ai hte jaw ai rai nngai”, ngu Wa Sarabyin a myit dik myit pyaw ai lam hpe shadan da ai.
Sign up to our newsletter and get latest news and updates straight to your inbox!
