Shiga

Panghkak Jau Ginwang Hta San Columban Hpe Shakawn Shagrau Ai Chyeju Dum Poi Galaw Lai Wa
Monday, November 23, 2020

Hkrisatu Hkawhkam Poi Nhtoi rai nga ai, lai wa wa sai laban shani, Panghkak Jau Ginwang, San Paul Nawku Jawng hta, San Columban Hpe shagrau ai  Chyeju dum Poi galaw lai wa sai lam chye lu ai.

 

Shaning shagu ndai poi hpe wu wu di di galaw ai raitim daining gaw Covid -19 Ana Zinli a majaw nlu galaw mat sai re. Ginwang Up Wajau mung, Sara ninghtawn, Buga shagu de nmai du gawan mat ai raitim Loije Buga hta  Ginwang Up Wajau Paul Lahpai Awng Dang sa du let Missa Hkungga Nawng Jau ya lai wa sai lam chye lu ai.

Wa Sarabyin: Ramma Ni E Hkristu Madu Sak Hkrung Nga Let Up Hkang Nga Ai Hpe Nanhte A Prat Hte Jahtau Let Sakse Hkam Mu
Monday, November 23, 2020

Tsaw ra ai Ramma Ni E Hkristu Madu Sak Hkrung Nga Let Up Hkang Nga Ai Hpe Nanhte A Prat Hte Nsen Shapru Jahtau Let Sakse Hkam Mu ngu Wa Sarabyin Francis, Hkristu Hkawhkam poi laban shani, du na shaning 2021 na Hkristu Hkawhkam Poi laban nhtoi hta tinang Saradaw Ginwang hta Mungkan Ramma Nhtoi masat dingsat poi galaw na matu lit shatsam dat let n gun jaw dai ai hpe Vatican Shiga Dap kaw nna ndau da ma ai.

Wa Sarabyin: Romania Wan Hpyen Hte Philippine Hka Hpyen Tsin-yam Hkrum Masha Ni A Matu Akyu Hpyi Ya
Wednesday, November 18, 2020

Wa Sarabyin Francis gaw Philippine mungdan na hka hpyen tsin-yam hkrum masha ni hte Romania mungdan na wan hpyen tsin-yam hkrum masha ni a matu akyu hpyi ya nga ai gaw shanhte hte nihtep ai lam rai nga ai .

Philippine Mungdan Hta Typhoon Laru Kaba 2 Lang Byin Ai Hpang Philippine Caritas Kaw Nna Garum Ningtum Hpyi Da Ai
Monday, November 16, 2020

“Yawng hpe hkye la ga. Aten gaw grai ahkyak taw nga ai. Asak shagu gaw ahkyak ai.

Wa Sarabyin Francis Hte Joe Biden Yan Phone Hte Hkrum Shaga
Monday, November 16, 2020

Sarabyin Rung Shiga Dap a Director tsun ga hte maren Wa Sarabyin Francis hte American Gum San Magam ningnan lung na Joe Bidan yan, November 12, bat 4 ya shani hta phone hte hkrum shaga hkat sai lam November 13, bat 5 ya shani na Vatican Shiga Dap hta ndau da ma ai.

American Mungdan Kata Ra Lata Poi Ngut Ai Hpang Galung Kahkying Gumding Lam A Matu Atsam Dat Na Ra Taw Nga Ai
Monday, November 16, 2020

Wa Sarabyin tsun ai “unity” galung kahkyin gumding lam gaw “uniformity” bung pre ai lam hpe tsun ai n rai nga ai. “Unity” galung kahkyin gumding ai lam gaw n bung pre ai ni myit hkrum hkap la hkak nna dai n bung pre ai ni rau pawng hpawm ai lam rai nga ai.

Myusha hkum sum hpa, htunghking hkum sum hpa, makam masham hpung amyu myu, yawng myit hkrum let mungdan kalu kaba wa hkra rau jawm galaw lu na matu gaw de da ai gaw n bung pre ai ni shada makawp maga da na matu rai nga ai. Dai gaw grau nna ngang kang ai hkrang masa rai nga ai.

Bawm Tsin Yam Hpaji Jaw Lamang (Landmine Awareness Program)_( 15 November 2020 )
Sunday, November 15, 2020

Anhte a Mungdan kata hta, dinghku majan byin ai gaw, lai wa sai 2011 Ning, June shata (9) ya shani kaw nna, daini na ten du hkra rai nga ai. Dai majaw, anhte buga ginra ni hkan Majan a majaw ngam nga ai Bawm, Machyu Pala ngam ni grai naw nga taw ai re. Dai hkrit hpa tsin yam ni kaw nna tau nau makawp maga lu na matu, Bawm Tsim Yam Hpaji Jaw Lamang hpe gam garan ya dat ga ai.

“Global Rosary” Hti Ai Hta Jaw Bang Ai Alu Hpe Akyu Hpyi Sa Ai Ni Hpe Daw Jau Ya Ai “Mary’s Meals” Hta Jai Lang Ai
Sunday, November 15, 2020

Online ntsa Global Rosary hti ai Africa hte India kaw na sasana ma ni lawm ma ai hte, Roma, Poland, Myanmar hte Haiti mungdan na ni mung lawm ma ai lam chye lu ai.

Yangon Sasana a Matu, Ningtau Saradaw Nnan Bai Lata Dang Dat ai Shiga ( 10 November 2020 )
Tuesday, November 10, 2020

Yangon Saradaw Ginjaw Ginwang a matu, Msgr.Wa Jau Noel Saw Naw Aye hpe Ningtau Saradaw hku nna, 2020 ning, November 10 ya shani nhtoi, hta Wa Sarabyin Francis hku nna, lata dang dat sai rai nga ai.

Spain Mungdan Na, Hkristu Madu A Matu Si Hkam Lai Wa Ai Joan Roig Hpe “A Lu Ai” Masha Tang Ai Shiga
Tuesday, November 10, 2020

Spain mungdan kata majan hta makam masham a majaw sat hkum ai Joan Roig y Diggle hpe November 7, bat 6 ya shani, “A Lu Ai Masha” shatai na matu lata san da hkrum ai lam chye lu ai.

Dai shani na Misa Hkungga hpe Barcelona Saradaw Ginjaw Ginwang, Cardinal Juan Jose Omella y Omella kaw nna woi awn nawng jau ai lam chye lu ai.

Joan Roig gaw asak 19 ning hta makam masham a majaw sat hkrum ai rai nga ai.

Joan Roig gaw spain mungdan kata majan hta sat kau hkrum ai masha marai 2000 hta na nawku jawng hta shareng shagrau hkung ga jaw hkrum ai wa rai nga ai.

Quick Links