Mali Nmai Walawng kata hkawm sa hkawm wa ai ni yawng Covid 19 tsin-yam kaw na makawp maga lu na matu Mung Nya Zup Mare hta September 8 ya shani hkamja lam jep joi dabang, Quarantine Center hpaw da sai lam chye lu ai.
Myanmar Mungdan hta, Corona Virus kap wa ai masha lani hte lani grau law jat nga ai hte maren Hkahku Mung, Mali Nmai Wa lawng de Corona Virus n kap bra lu na matu hkamja lam jep joi dabang hpe shara lahkawng kaw hpaw da ai re lam chye lu ai.
9 September 2020, Myitkyina
Covid-19 byin nga ai ten, malu masha yak hkak hkrum nga ai Pang Sau Jau Ginwang na Naga hpu nau ni hpe garum lu na matu International Committee of Red Cross (ICRC) hte Myanmar Red Cross Socities (MRCS) kawn n-gu buk 289 hte Hygen Kids 100 jaw ya ai lam chye lu ai.
Garum arung arai ni hpe September 9, 2020 ya jahpawt, Myitkyina Sasana Ginwang up, Wa Saradaw Francis Daw Tang the Myitkyina Sasana Covid-19 ninghkap Komiti Ningbaw Wa Jau Joseph Zinghtung La Nu ni kawn hkap la lu sai re.
Corona Virus ana zinli kap bra ai kaw na makawp maga lu na matu, Wunpawng Mungdan Shanglawt Uphkang Dap, Ginjaw rai nga ai Laiza Mare de shang wa ai ni yawng, tinang a lusha jarik hte nhtoi 14 ya hkamja lam jep hkam dabang Quarantine rawng ra na re lam chye lu ai.
By RVA News, 1 September, 2020
Yangon Saradaw ginwang up Cardinal Charles Maung Bo gaw September 1 ya shani, shi a ndau shabra laika hta, du na ra ai Myanmar Mungdan Asuya ra lata poi hta jaw ang ai sumru dawdan lam hpe madung da nna, simsa lam jaw ai mungdan Asuya hpe lata ga ngu shadum jahprang da ai.
Chi Hpwi jau ginwang hta Miwa mungdan hte jarit rai nna masha grai kayau ai hte kaga makam masham hpung ni kaw nna adawt shahpyak ai lam a majaw hpung masha ni makam masham lam hta gawng kya wa majaw makam masham ningja jat sharin hpawng hpe Chang Ying Hku mare San Vincent De Paul Nawku Jawng hta September 2 kaw nna 5 (2-5/9/2020) ya shani du hkra galaw lai wa sai lam Chi hpwi ginwang up Wa Jau Peter Ungsau Tang Gun tsun ai hku nna chye lu ai.
106 Lang Na Mungkan Bu Htawt Sit Hprawng Shingbyi Hkawm Ai Ai Ni Hpe Myit Dum Ai Masat Nhtoi A Matu Lajang Ai Lam Hta Wa Jau Jumhpawk Noel Naw Lat Shanglawm da ai lam chye lu ai.
2020 September 27 ya shani ang ai "106 Lang Na Mungkan Bu Htawt Sit Hprawng Shingbyi Hkawm Ai Ni Hpe Myit Dum Ai Masat Nhtoi" a matu Wa Sarabyin Rung, Vatican kawn hkyen lajang nga ai lam hta Myitkyina Sasana na Wa Jau Jumhpawk Noel Naw Lat gaw, Myen Mung ting a malai shang lawm nga ai lam chye lu ga ai.
Panghkak Jau Ginwang, San Columban Sara Ninghtawn kata hta, ya ten tinang Wunpawng Mungdan Shanglawt Jawng ni Jawng hpaw taw nga ai ten, Myen Jawng lung nga ai Jawngma ni gaw, wam wam dam dam byin taw nga ai majaw, Ginwang up Wa Jau Paul Lahpai Awng Dang a matsun hte maren, Jawngma ni marai (60) jan hpe Miwa laika hte Nsi nut (Music) hpaji ni hpe sharin ya nga sai. Ndai sharin dabang hpe shanglawt jawng sha ahpaw nga yang, sharin dabang mung hpaw nga na re lam chye lu ai.
Manmaw sasana panghkak jau ginwang kata ramma sharin hpawng August 25 ya shani kaw nna 30 ya shani du hkra Panghkak jau ginwang Loi Je San.Pawlu Nawku jawngwang hta galaw lai wa sai lam Teresa Sumlut Hkawn Bu shiga jaw ai hku nna chye lu ai.
Hpang da hkrum nga yawng nga pra ladaw shaning (Season of Creation) hte seng ai lam ni hpe masha law law Internet lam hku madat hkam la mai ai nsen file rawng ai Podcasts hpe Columban Sasana Hpung kaw nna shalat shapraw da ya ai lam August 28, bat 5 ya shani hta Vatican kaw nna ndau da ma ai.
Wa Sarabyin Yawhan Pawlu I a Sarabyin tai ai 42 ning hpring masat dingsat hku, Foundation’s Scientific Committee malawm ni hkum shaga lu ma ai hpe myit dik ai lam tsun da ma ai.
Sign up to our newsletter and get latest news and updates straight to your inbox!
