Wa Sarabyin: Kanu Nu Maria Anhte Yawng Hpe Hkap Ahpum Hkap Apup La Nga Ai

Chyambra ana Covid 19 tsin-yam a majaw, September 23 – 26 lapran, shaning shagu galaw ai, Argentina mungdan kaw na Lujan Nu Maria poi hpe n galaw lu mat ai rai tim, Wa Sarabyin Francis mungga hte akyu hpyi ga hpe Video sumla gayat nna online hta shapoi da ai.

Wa Sarabyin a akyu hpyi ga gaw, “Kanu Nu Maria anhte hpe hkap ahpum hkap apup la ai hte anhte hpe galung gahkyin shangun ai” ngu ai rai nga ai.

Wa Sarabyin sakse hkam tsun dan ai hta, “Ma kanu langai mi tsun da ai; kanu langai a lit langai mi gaw, tinang a kasha ni hpe galun gahkying ya na matu rai nga ai.” “Kaga hpawmi num langai mi hpe san yu ai shaloi, shi a kasha ni gaw shi a matu ahkyak dik ai re; ngai hta lata yin nu manga lawm ai; dai lata yin nu langai mi hkra machyi jang ngai hta hkra machyi ai ai zawn kaga ngam ai yin nu ni mung hkra machyi ai; dai yin nu langai hte langai n bung ai raitim yawng gaw maren sha re ai, ngu tsun dan wa ai, ngu Wa Sarabyin sakse hkam da ai.

“Ndai gaw Anhte a Kanu Nu Maria yu lakawn ai hte hkam sha lam nan rai nga ai. Anhte ni langai hte langai n bung ga ai. Raitim, Kanu Nu Maria anhte yawng hpe hkyawm la nna, hkap ahpum apup la nga ai”, ngu Wa Sarabyin shingdaw tsun da ai.

Shi mung dai Nu Maria a poi hta akyu hpyi shang lawm lai wa yu sai lam; Shi a matu akyu hpyi ya na matu n malap na matu mung garum hpyi da ai lam hpe shi akyu hpyi shangut shaman ai lam garai n galaw shi yang tsun dan wa ai.

Lujan Nu Maria kaw akyu hpyi ai lamang hpe September 27, laban shani, Neuquen kaw na, Wa Saradaw Fernando Croxatto, Misa Hkungga naw jau let ginchyum dat shangut da sai lam Neuquen Saradaw Sasana website hte facebook laika man hta live shapoi da ma ai lam Vatican Shiga Dap kaw nna shapoi da ma ai.

#vaticannews

#rvakachinservice

https://www.vaticannews.va/en/pope/news/2020-09/pope-francis-video-message-lujan-pilgrimage-argentina.html