Shiga

Hkawp Hkungga ai Nuwa hpu nau ni, Madu hta yup pyaw mat wa sai Wa Saradaw Kaba Paul Zinghtung Grawng a Wenyi ngwi pyaw ai hta ban sa nga na matu, lawu na lamang mahkyen hte maren, Myitkyina Sasana Sagu rem wa, Wa Saradaw Francis Daw Tang hte Wa Jau ni Misa Hkungga Nawng Jau mat wa na re lam chye lu ai. Anhte Sagu hpung masha ni yawng mung, ten shagu na, Misa hta nlu shang lawm ai raitim, aten hpe yu nna myit masin hte shang lawm akyu hpyi ya ga ngu, saw shaga dat ga ai law.

Wa Sarabyin Francis shanu shingbyin nga ai Vatican htingnu hta magam gun ai “Swiss Guard” langai hta coronavirus ana kanu kap ai hpe jep chyoi sagawn da lu ai lam bat kyu ya shani htuk shapraw ai ndau laika hta tara shang ndau da ma ai.

Anhte Asia dan kaw nga ai ni kaja wa sha ahkyak la nna Wa Sarabyin a mungga “Fratelli tutti” hpe shachyam shabra ga. Ndai zawn shachyam shabra ai gaw anhte a lahpa galai na ban prat masha ni hpe lam hpaw ya ai tai na re,” ngu October 12 ya shani na Cardinal Charles Bo a shagun laika hta rawng nga ai.

“Dai Mungkan ting hte seng ai hpaji lam yan ni rawt jat wa na matu gaw, mungdan kata na shinggyim wuhpung wuhpawng ni hta ra ahkrak ai lam ni hpe sam maram yu let, rau jawm shakut sa wa ra ga ai”