Shiga

Bangladesh mungdan Chittagon Saradaw Sasana kaba lit hkam Saradaw kaba Archbishop Moses Costa gaw July 13 ya shani bawnu sai htaw nna n-nga mat sai lam Bangladesh Saradaw hpung ningbaw Cardinal Patrick D’Rozario ndau da ai. Saradaw Kaba Costa gaw coronavirus ana kap ai majaw June 15 hta tsi tsi hkam la yu sai lam chye lu ai. Asak 70 rai sai dai Saradaw gaw Kahtawlik Saradaw ni hta shawng nnan Coronavirus ana kanu kap hkrum ai Saradaw mung re lam chye lu ai. Bangladesh mungdan kata Saradaw ni a npu kaw nga ai Kahtawlik Hpung hkam ja dap (commission) a ningbaw mung re lam chye lu ai.

Mare kaba law malawng hta mungdan Asuya hku nna, lockdown ngu ai pat shing dang ai lam ni hpe shayawm wa dingyang rai nga tim, Mungkan ting hta covid 19 ana zinli a majaw kanbau bungli lam shagu hta hkrat sum dingyang rai taw ai. India mung sinpraw Jharkhan mungdaw Rachi Saradaw Sasana gaw, grau yak hkak nga ai ni hpe garum kahtau bungli galaw nga ma ai.

Covid – 19 tsin-yam hkrum ai ni hpe garum nga ai (World Food Programme) Mungkan malu masha garum pahtau hpung ni hpe alu jaw bang garum mu ga matu Wa Sarabyin Francis, shi hkum nan atsam dat garum lawm nga ai re ngu Vatican Shiga Dap kawn ndau da nga ai.

Nna shi ai aten hta, Wa Sarabyin Francis gaw Covid -19 mayak mayak hkrum nga ai ni hte ni ni htep htep nga lai wa rai nna, Euros 25,000 World Food Programme (WFP) Mungkan Malu Masha Garum Pahtau hpung hpe alu jaw bang ya lai wa sai rai nga ai.

“Covid 19 makawp maga ninghkap ai ladaw gaw Ma kaji ni hpe amyat hkuk lu na matu hkang shajup ai masa she byin wa ai.  Covid 19 ana zinli hpe mung tsang ra, Ma kaji ni hten run na mung matut manoi byin wa nga ai. Galoi mung maja let sam maram ai hte ma kaji ni hpe madat ya, chye na ya ai gaw shanhte hpe garum madi shadaw ai lam rai nga ai.

Lockdown laman hta Online hta gasup nga ai, n wawm sai, nga na sha nmai ai. Ma ni Online lang ai aten hte shanhte a lai asam ni hpe reng hkang yu lajang na Kanu Kawa ni a myit tsang hpa mung tai wa ai. Ndai aten hta Kanu Kawa ni hte kashu kasha ni hkrumzup let bawngban aten jaw ai lam gaw kaja dik ai mahkrun lam re ai.

Kanu Kawa ni kashu kasha ni hpe myit mada lam pra pra chye shangun lu na matu : Kashu Kasha ni hpe  lit la shangun let n gun jaw ra ai. Mawn mawn galaw ai kyang lailen ni hpe shaman na matu tara masat let sharin shaga ya ra ai. Kanu kawa ni Ma ni hpe tara masat let sharin shaga ai gaw Ma ni tengman ai myit hte hkawm sa lu na marai bang ya ai re.