Wa Sarabyin: Shadut Shagyen Ai A Majaw Htawt Si Hkawm Ai Ni Hte Dum Nta Nlu Ai Ni A Matu Akyu Hpyi Ya Ai

Wa Sarabyin Francis gaw shaning shagu September hpang jahtum na laban hta sha-ang nna galaw ai “Htawt Si Hkawm Ai Ni Hte Dum Nta Nlu Ai Ni A Nhtoi” ang ai September 27, laban shani hta “Madu Lamu Kasa Akyu Hpyi” ten, shadut shagyen ai a majaw htawt si hkawm ai ni hte dum nta nlu ai ni a matu San Peter pa kaw nna akyu hpyi ya lai wa ai.

Hpyen yen tsin yam hkrum sha nga ai mungdan masha ni yawng shinglum rap ra ai tara hte madu buga de shari shadang nga ai hku bai nhtang wa lu na matu mungkan ting na kahtawlik garum matup hpung caritas ni gaw wa sarabyin hte rau galaw sa wa na lam hte  seng nna mungkan htawt sit bungli galaw masha ni hte tsinyam hkrum sha ai ni a ninghtoi shani rai nga ai Sep 27 ya shani hta Caritas Internationalis kawn tsun shana lai wa sai.

Mung kan jut shara shagu na dum nta kata hpyen yen tsin yam  hkrum sha nga ai ni yawng madu buga de shinglum  ai the bai nhtang wa lu na matu mungdan Asuya ni hku nna hyen yen jam jau hkrum nga ai ni a ra rawng ai lam yan ni hta hkark tup garum madi shadaw sa wa ra ai lam hpe madung ahkyak tawn da ra ai lam tsun shana lai wa sai rai nga ai.

Bai kahtawlik nawku hpung kaw nna mung September shata na hpang jahtum na bat laban ya shani hpe mungkan htawt sit bungli galaw masha ni the tsin yam hkrum sha ai ni a ninghtoi ngu masat tawn da ya sai rai nga ai ai. Dai ninghtoi a 106 ning hpring ladu hkrum shani hta Wa Sarabyin  Francis gaw madu yesu hkristu zawn  a tik a nang htawt sit hkrum ra ai. Forced like Jesus to flee ngu ai gabaw hpe dai shani a matu la ta san tawn da  ya sai.

May shata hta  byin ai mabyin hte seng nna Wa sarabyin gaw shi a mungga hta mungdan majan a majaw hpyen yen tsin yam hkrum sha nga ai ( IDP ) ni hpe makawp maga ra ai lam matsing nnan hpe mung tang madun lai wa sai.

Covid ana zingli a majaw jaum jau jam hkau hkrum nga ai ni the htawtsit bungle galaw shakut shaja nga aini yawng  a yak hkak ai mahkra a npawt gaw asak 83 ning hpring sai wa sarabyin a myit hta hkam sha ai lam ni a madung rai nga ai hpe tsun shapraw dan ai.

Dai shani na ningthoi hta Caritas Internationalis a  amu madu Aloysius John gaw Wa sarabyin Francis hpe tara rap ra lam a matu mung masha ni a hkrap madai ai nsen hpe ya jang jang ahkyak la ra ai lam the seng nna tsun dan ai.

Bai Aloysius John gaw munkan ting na  garum matup Caritas hpung nig aw mungdan hpyen yen tsin yam hkrum sha nga ai ni the galoi mung matut mahkai ding yang re ai lam  tsun dan ai.

Mungdan kata na htawtsit nga masha ni hpe yu gawn lajang ai ginjaw a mungkan ting hte seng ai sumtang the maren 2011ning htum maga de, shingra maka manghkang a majaw mungdan 61 kaw na , jarik 61hta shanu nga ai masha wan 45.7 daram nta kata rai mat ai lam na chye lu ai.

Ndai zawn re ai IDP yak hkak hkrum ai masha ni law htam wa ai raitim, mungkan madang hku nna ndai manghkang ni hpe garai  nlu hpa ran shi ai lam Aloysius John kawn tsun sha na lai wa sai.

Majan a majaw dum nta buga hpe htawt sit yen kau ra ai hpyen yen mung masha nig aw tara Upade the hkrak rai nna mungkan madang hku nna makawp maga da ai akyu hpe nlu hkam sha nga ma ai.

Aloysius John tsun ai hta mungdan Asuya nkau mi gaw, njaw ai Democracy mung masa ladat the shingra makau grup yin hpe jahten shaza nhtawm, lam shagu hta hpang gara hkaw hkrung lam hpe byin shangun taw nga ai hta nga..shanhte ni gaw shari shadang the hkruk tup nga lu na ahkaw ahkang ni hpe nyet kau da ma ai…

IDP ma ni hta na, nkau mi , grau nna num kasha ma nig aw jahkring hkring roi rip hkrum sha nga ma ai lam hpe chye lu ai..nga Aloysius John kawn tsun ai.

Caritas Internationalis kawn IDP masha ni buga kata hte buga shinggan de htawt sit nga ra ai ahkying aten galu wa ai a majaw a tik anang shanhte hpe kade de htawt sit shangun ai lam hpe tatut garai nlu galaw shi ai nga tsun ai.

Shingra hpye the hku hku hpang gara wa ai majaw mung masha ni shingbyi shara kata dinghku rung rai nlu mat ai hte grup yin shingra tara gaw bai galai shai wa ai hte hkyak hkyak htawt sit ra hkrum ai mung masha ni atik anang bu ga de bai lu na lam nnga ai gaw dan dawng nga ai.

Mungdan shagu na Asuya ni mung ndai tsin yam mabyin hte seng nna anhte a myi man ni hpe nyu gwi  ni ai ngu tsun lai wa ai Aloysisus John a gasi majaw Asuya the mungdan shagu na mung bawng ni kawn atik anang htawt sit hkrum ai mung shawa ni a dum nta ni hpe lawna ladan ya jang bai gaw gap  galaw ya ra ai hpe tsun shana lai wa sai.

Buga kaw na htawt sti hkrum ra mat wa ai dum nta Kata hpyen yen tsin yam hkrum ai ni yawng wag aw mung masa majan ni hpe a la wan mungkan madang hku nna ja hkring sa wa ra ai lam hpe hpyi tang shawn ma ai.

#vaticannews

#rvakachinservice

https://www.vaticannews.va/en/pope/news/2020-09/migrant-refugee-world-day-pope-displaced-person.html