Wa Sarabyin: shinggyim wuhpung wuhpawng hta lit la lu na hpaji ninghkring ni hpe n-gun jaw da ai

“The Catholic Educational Association of the Philippines (CEAP) a shaning shagu galaw ai zuphpawng a matu Wa Sarabyin Francis mungga shagun dat ai lam chye lu ai.

Philippine mungdan na hpaji chye ai Kahtawlik nawku hpung masha ni hpaji lam hta ningtawng ai hku sharin la hkam la ma ai majaw, makam masham lam hta sakse hkam ni tai na matu Wa Sarabyin Francis saw shaga da ai. Wa Sarabyin Francis a n gun jaw mungga hpe Philippine mungdan hta 2020, September 21-25 lapran galaw ai (CEAP) Philippine mungdan na hpaji chye ai Kahtawlik hpung masha ni a hkrumra zup hpawng de Vatican Mungdan a Amu Madu Cardinal Pietro Parolin kaw nna shalai dat ya ai re lam chye lu ai.

CEAP hpe 1941 shaning hta gaw de hpang ai rai nna, Philippine mungdan kata na mung daw 17 hta nga ai hpaji jawng hte College jawng ni kaw na jawng ma 1,500 lahta de nga ai jawng ma ni dai wuhpung a malawm hku shang lawm ma ai. CEAP Philippine mungdan na hpaji chye ai kahtawlik hpung masha wuhpawng gaw The Catholic Bishops’ Conference of the Philippines (EBCP) a n pu kaw na The Episcopal Commission on Catechesis and Catholic Education (ECCCE) a yu reng ai npu hta shamu shamawt ai hpung rai nga ai.

Daining gaw, chyambra ana zingli Covid 19 tsin-yam a majaw, hkumra zuphpawng hpe online ntsa live streaming ladat hte galaw ma ai lam chye lu ai.

Wa Sarabyin Francis a mungga hpe CEAP Ningbaw, President Wa Jau Elmer Dizon kaw nna hti ya ai.

“Kahtawlik nawku hpung a hpaji hparat lam gaw san jep dinglun ai lam hpe sharin ya ai sha n ga ai; Hkristan makam hte nga sat nga sa lam hpe gaw sarawt ya ai lam ni hpe mung n gun jaw ra ai. Dai zawn sharin ya lu jang she, shinggyim wuhpung wuhpawng kata magam lit kaba ni hpe gun hpai lu na rai nna, teng man ai makam masham hpe mungkan shara shagu de sakse hkam sa wa lu na matu hpaji chye makam rawng ai shinggyim la sha num sha ni law htam wa na rai nga ai,” ngu Wa Sarabyin a mungga hta lawm nga ai.

“Ndai gaw Karai Kasang anhte a ntsa ra sharawng ai lam re”, ngu Wa Jau Dizon mung madi shadaw da ai.

Ndai shiga hpe Vatican kaw nna ndau da ya ma ai.

#vaticannews

#rvakachinservice

https://www.vaticannews.va/en/pope/news/2020-09/pope-francis-message-philippines-catholic-education-parolin.html