2020 Shaning Na Mungkan Sasana Laban Nhtoi A Matu Nawku Hpung A Sasana Magam Hpe Shachyen Ya Ai

October 18 Ya shani gaw (94) lang ngu na Mungkan Sasana Laban rai nga ai. “Ndai gaw Mungkan shara shagu kaw nga ai Nawku Hpung masha ni Kabu Gara Shiga hkaw tsun gat htai na matu shadum nga ai” nga nna Vatican kaw nna, October 17, bat 6 ya shani na shiga hta ndau shana shabra da ma ai.

Shaning shagu galaw ai ndai Sasana laban gaw, akyu hpyi shakut na matu, sasana magam gun ni hpe garum la na matu, sasana magam gun ni hpe garum shingtau na matu, sasana magam hta sasana magam gun ni hte rau ta gintun let sasana galaw na matu kashin kamun hkam la da sai Nawku Hpung masha shagu hpe shadum jahprang nga ai; saw shaga nga ai.

Dai ning na Sasana laban nhtoi a matu October16, bat 5 ya shani, Vatican na Wa Sarabyin rung hte seng ai Shiga Dap Rung “the Congregation for the Evangelization of Peoples and the Pontifical Mission Societies for the Progagation of the Faith (PMS) hta zuphpawng nna shang lang dan ai lam hpe galaw lai wa sai lam chye lu ai.

Dai shani hta Saradaw Kaba Archbishop Protase Rugambwa, “Secretary if the Congregation for the Evangelization of Peoples,” kawn (World Mission Day on Sunday) Sasana Laban hte seng ai mungga hpe hpaw hti dan lai wa ai.

Wa Sarabyin a Mungga gaw anhte marai hkum shagu a masin salum hta wenyi hkum hkrang sak hkrung lam, dai ni na prat hta Nawku Hpung hta lawm ai ngu ai lachyum hte shaga la hkrum ai lam ni hpe shadan shalen shadum jahprang ya nga ai, ngu nna dai laika hti ngut jang Saradaw kaba anhte hpe matut shang lang da ai.

Dai majaw kashin kamun hkam la da sai anhte marai hkum shagu, mungkan shara shagu hta Kabu Gara Shiga hpe sakse hkam nna Karai Kasang a shaga la ai hpe htan let hkan nang sa ga ngu mung saw shaga da ai.

Dai shani hta sha Nawku Hpung kata Wa Sarabyin Francis, April shata hta hpaw hpang da ai, ya na chyam bra ana Covid -19 tsin-yam hkrum ni hpe garum na matu, “Special Emergency Fund” a lam hpe Saradaw Kaba Giampietro Dal Toso kaw nna shang lang dan ai hte alu bang shakut na matu mung garum hpyi da ai.

He said the fund supports the missionary action of the Church, and encouraged Churches throughout the world to collaborate in this universal fund where “all contribute to the good of all.”

Stressing that there is still a lot to be done, Archbishop Dal Toso appreciated the generous donations from Churches in different countries and highlighted some other concrete examples of need in various places.

Ndai shiga hpe Vatican Shiga Dap kaw nna ndau da ma ai.

Matut nna anhte Myanmar mungdan kata masat da ai Tara Hkaw Sara ni a poi nhtoi mung rai nga ai October 18, laban shani hta Nawku Hpung masha ni yawng tara hkaw sara ni hpe shakawn shagrau, chyeju dum, akyu hpyi garum shingtau ya ai lam hpe galaw ga ngu nna Saradaw Francis Daw Tang kaw nna n-gun jaw shadum da ai lam hpe Nawku Hpung masha ni ahkyak la hkan shatup sa wa ga ngu, RVA Jinghpaw Nsen Shapoi Dap kaw nna ndau ya dat ga ai.

Chyeju Kaba Sai!

Hkristu hta,

Wa Jau Patrick Gawmaw Hkawng Yae

#vaticannews

#rvakachinservice

https://www.vaticannews.va/en/church/news/2020-10/world-mission-day-2020-pms-evangelisation-peoples.html

Add new comment

10 + 0 =