Wa Sarabyin Kawn San Pra Ai Masha Ningnan Tang Na Masha Jahpan Ningnan Bai Ndau Da

September 30, bat 2 ya shani, Wa Sarabyin Francis gaw San Pra ai masha tang na matu masha jahpan hpe bai ndau da ai. Mahkrun lam ningnan masum hpe Vatican kaw nna masat shagrin dat sai lam chye lu ai. Ndai lang ndau da hkrum ai ni gaw Mau hpa lamik kumla madun ai ni hte makam masha a majaw sat kau hkrum ai lam lahkawng hte seng ai ni rai ma ai.

Shawng de ndau da sai mying jahpan rawng, marai 7 kaw na marai 5 hpe gaw “A Lu Ai Masha” ngu masat da lu sai rai nga ai. Dai marai 5 hta na marai 4 gaw makam masha a majaw sat kau hkrum ai rai nga ai; langai gaw hpung masha rai nna, shi hta e, mau hpa lamik kumla ni hpe mu lu ai rai nga ai.

Mau hpa lamik kumla madun ai, Gaetana Tolomel (shr) Nuccia gaw Italian mungdan na Kahtawlik hpung masha rai nga ai. Shi gaw 1936 April 10 ya shani shangai dai daw ai rai nna, 1997 January 24 shani Madu hta yup pyaw mat ai re lam chye lu ai. Shi hpe “A Lu Ai Masha” tang na matu sawk sagawn taw nga sai rai nga ai.

Wa Sarabyin ndau ai, ndau laika ningnan gaw Spain mung masha Francesco Castor Sojo Lepez hte shi a manang maria masum rai ma ai. Shanhte ni yawng gaw, 1936 – 1938 shaning lapran hta Kahtawlik Makam masha hpe n ju n dawng ai ni a sat kau hkrum ai ni rai ma ai. Shanhte mung “A Lu Ai Masha” tang na jahpan kaw lawm ma ai.

Spanish Servant of God mying hkam la ai Francisca Pascisca Pascual Doenech gaw “the  franciscan Sisters of the Immaculate” sasana mama hpung hpe gaw de da ai wa rai nga ai. Shi gaw 1833, October 13 ya shani Spain mungdan, Moncada kaw shangai wa nna, 1903 April 26 ya shani Madu hta yup pyaw mat ai rai nga ai.

Bai Kaga marai langai mung “Spanish Servant of God mying hkam la ai Maria Dolores Segarra Gestoso rai nna :the Missionary Sisters of Christ the Priest” hpung hpe gaw de ai wa rai nga ai. Shi gaw 1921, March 15 hta Spain mungdan, Melilla kaw shangai nna, 1959, March 1 ya shani si mat ai rai nga ai.

Translated by Fr. Patrick Gawmaw Hkawng Yae

#vaticannews #rvakachinservice

Source : Vatican News