Covid -19 Laman No.(1) Lang Hku Na Hpung Masha Ni Hpe Sa Du Gawan Mara Raw Ya Hkawm Ai Lam

Panghkak Jau Ginwang Up Wajau Paul Lahpai Awng Dang gaw (8.10.2020) ya bat hpang mali ya jahpawt (9:30) aten Sut mai mare kaw du let hpung masha ni yawng gaw masha  nmai hpawng ai kaw na mara nlu raw mat ai majaw no.1 lang ngu na mara raw ya lam hpe galaw ai. Maraw raw ngut ai hte hpung masha ni hpe asim sha kyuhpyi ai ladat lam ni tsun dan let Misa hkungga hpe nawng ya sai rai nga ai.Misa ngut ai hte Asak kaba nna nlu hkawm mat ai hpung masha ni hpe sa gawan ai lam galaw la lu sai.

Bai shana daw (3:00)pm aten San Columban nawku jawng Namngawn mare hpung masha ni hpe mara raw ya lam bai galaw ya sai.Wajau a Mungga hta  shada akyuhpyi ya ngu gaw ahkyak dik ai lam,tinang hpe akyuhpyi ya rit ngu ai shaloi kaja wa hpyi ya ra ai lam, akyuhpyi ai shaloi kalang hpyi nlu yang n lagawn ai sha law law hpyi ra ai lam sanpra ai Monica a katsi hpe yu la ra ai lam,Akyu hpyi jet ai ngu gaw tinang nan galai shai wa re nga mungga jaw lai wa sai.

*Ndai zawn Covid byin nna hpung masha ni myitru taw aten Wajau hku na hpung masha ni hpang de sa du n-gun jaw ai lam,shadum jahprang ai hte ninghtawn kata ra kadawn nga ai lam ni hpe jahkrum bawngban ai lam ni galaw ai rai nga ai.Misa ngut ai hte sak kaba sai ni hpe gawan let mara raw ya lam chyoipra hkum namman chya ya ai lam galaw la lu sai rai nga ai.

Bai shana (6:00)pm hta gaw San Partick nawku jawng wang mai bat mare kaw du nna hpung masha ni a ra ahkyak ai lam bawngban ai. Jawng wang kata ma ni a wunkat hta ra ahkyak ai lam ni bawngban la lu sai.Myen jawng lung ai jawngma ni a matu music hte  miwa laika sharin ai hta ma ni law ai majaw shara bai gram lajang na ni bawngban lu ai.“ Ma ni moi na zawn jawng lung sa nmai ten du mat ai majaw tinang mare kahtawng na hpaji janmau lu da ni ap nawng magam gun let kanau ni hpe laika bai sharin na lam”  ni mungga jaw lai wa sai.

 Matut Nna Tara Hkaw Sara Ni A Myit Sumru Wutsawk Galaw La Lu Sai Lam

9.10.2020 ya shana (8:30) pm hta Dingsing Jau ginwang up Wajau Peter Sunday Awng hte Tara hkaw Sara/num ni marai (33) a myit sumru wutsawk hpe hpaw hpang la lu sai.

Wajau a n gun jaw mungga hta “ Sara ngu ni gaw buduza hte bung ai lam, Ju sumwum lungrawk ni hpe ganaw ai zawn  Sara ni mung shawnglam hta ngang ngang tsap let shakut ai hpe mu ai lam, hpung masha ni hpe lam shagu sha ra shatsawm namhpun kaja tai nga ra lam”  mungga jaw la sai.

Bai 10.10.2020 ya jahpawt Tarahkaw Sara ni a myit sumru Wutsawk  hta Karai mungga ngu gaw tinang nlu yang manang wa hpe mungga nlu hkaw lam,tinang hkum tinang galai shai ra lam, Covid a majaw masha hkun nan nlu hkrum jang myit nhkrum ai lam ni nnga hkra shakut ra lam, Covid hpe n kaja hku nmu sha kaja hku myit la let tinang ang ai ninghtawn kata mai byin ai ladat hte shakut ra lam n gun jaw mungga tsun let Wutsawk hpe awng dang ai hte galaw la lu sai lam hpe Loije kaw nga ai Srn.Teresa Sumlut Hkawn Bu shiga jaw ai hku na chye lu ai.