Wa Sarabyin A Sharin Shaga Ai Encyclical Laika Ningnan Langai Hpe Bai Shachyen Da Ya Ai Shiga

Wa Sarabyin A Sharin Shaga Ai Encyclical Laika Ningnan Langai Hpe Bai Shachyen Da Ya Ai

2020, October 4, laban ya shani, San Peter Pa hta “Madu Lamu Kasa Akyu Hpyi” ngut ten Wa Sarabyin Francis Shi hkum nan ka da ai Encyclical laika ningan “Fratelli tutti” hpe shachyen da ya sai lam chye lu ai.

“Ndai Encyclical “Fratelli tutti” hpe kabu gara ai hte jaw ai rai nngai”, ngu Wa Sarabyin a myit dik myit pyaw ai lam hpe shadan da ai.

“Wa Sarabyin Francis, Bat kyu ya shani Assisi kaw du nga ai lam gaw ndai encyclical, Fratelli tutti, laika buk hta ta masat “seng” htu na matu re ai, ngu tsun dan wa ai.

Fratelli tutti a lachyum gaw english ga hku fraternity and social friendship ngu ai rai nna, anhte jinghpaw ga hte “nau na mahku mahkau hte shinggyim kanawn mazum lam” ngu lachyum rai na re.

Ndai Encyclical, Fratelli tutti, hpe shawng na Encyclical, Laudato si, ka shapraw lu hkra myit nyen jahpaw ya sai San Prancis hpe lup da ai shara hta Karai Kasang kaw ap nawng da ai lam mung chye lu ai.

“San pra ai Wa Sarabyin Yawhan Pawlu XXIII hte San pra ai Wa Sarabyin Yawhan Pawlu II yan tsun da ai hte maren, aten ladaw hta hkan nna, shinggyim masha shada da nau na tsaw ra myit hte hpan da hkrum nga yawng nga pra hpe yu reng ai gaw simsa lam hte rawt jat galu kaba lam de hkawm ai rai nga ai,” ngu Wa Sarabyin Francis sang lang da ai.

Nawku Hpung kata, kam sham ai ni a lapran hte shinggyim masha yawng a lapran San Francis shang lawm garum ya u ga, Wa Sarabyin Francis ndau da ai laika jahtum hta tsun da ai.

October 4 ya shani gaw, September 1 ya shani hpang ai “Season of Creation” hpan da hkrum nga yawng nga pra hte seng ai ladaw jahtum ai nhtoi rai nga ai. “Laudato si” ngu ai mungkan ga hpe makaw maga ai lam hpe wuhpung wuhpawng law law hpaw da nna mungkan ga hpe gaw sharawt shatsawm shahtap ai lam galaw na hpe ahkyak la na matu n gun mung jaw da ai.

Scotland mungdan na Stella Maris foundation a 100 ning hpring ladu hkrum nhtoi a matu mung Chaplines hte volunteers hku ap nawng nga ai ni hpe n gun jaw da ai.

Bai, “A Lu Ai Masha” tang na matu Chioggia Saradaw ginwang na, Jau Olinto Marella a mying jahpan hpe lai wa sai bat 6 yan shani ndau da ai. Shi hpe Matsan mayan ni hte n gun lagaw n rawng ai ni a kam hpa shara ngu shamying sa wa na matu mung myit da ai lam nga sai lam tsun da ai.

Vatican kaw sin ai Swiss Guards ni a kun dinghku nta masha ni hte manaw manang ni hpe mung myit dum ya ai hte n gun jaw ai lam hpe galaw lai wa sai. “Vatican kaw ap nawng nga ai ramma ni gaw mau hpa atsam nga ai ni rai ma ai’, ngu mung shakawn da ai. Shanhte gaw Vatican kaw shaning law law ap nawng nga ma ai; nkau ni gaw lahkawng ning,  masum ning, mali ning ap nawng ma ai. Swiss Guards ni hpe ta lahpawk dum shagrau, akyu hpyi ya ga ngu hpyi shawn da ai hpe Vatican Shiga Dap kaw nna ndau da ma ai.

#vaticannews

#rvakachinservice

link

https://www.vaticannews.va/en/pope/news/2020-10/pope-francis-fratelli-tutti-introduce-angelus-fraternity-friend.html