Kasa Ni kaw na yu hkrat wa ai Kanu Nawku Hpung Masha ni mara dam hta na lawt lu ai Chyeju “The Apostolic Penitentiary” hte seng ai masat shagring ndau ai lam hpe 2020, December 8 ya shani kaw nna 2021 December 8 ya du hkra nhtoi masat da ya ai.
Dai shaning nhtoi laman hpe “the year of St. Joseph” San Yawsep shaning ngu mung Nawku Hpung kawn masat da ya ai hpe Wa Sarabyin Francis kaw nna December 8, bat 2 ya, “Mara n-kap Na-um Na-sin ai Nu Maria Poi” nhtoi hta ndau ya ai.
Vatican kaw na Wa Sarabyin Francis matsun ai hte maren, Myitkyina Sasana, Saradaw Ginwang hpe gan yu reng uphkang na matu, Yangon Saradaw Kaba, Cardinal Charles Maung Bo gaw Myitkyina de nhtoi 6 December shata 2020 ya shana du shang wa ai re.
Cardinal du shang wa ai shaloi San Columban Cathedral Nawku Jawng dingsi hpe dum let hkap tau la ai. Covid-19 kap bra ana byin nga ai ten re majaw, Hpung masha ni hku nna Cardinal hpe laksan hkaptau hkalum la ai lam gaw n galaw lu shi ai re.
“Akyu Hpyi let sak hkrung nga ga.”
Myitkyina Sasana,Tanghpre jau ginwang hta Deacon nnan langai bai lu jat sai rai nga ai.
Brother Patrick Nawlang Zau Jat Aung gaw December 04,2020 ya jahpawt Tanghpre mare na Sumsing Lamu A Hkawhkam Jan Nawku jawng kaw Wa Saradaw Francis Daw Tang a lata hta Deacon aya hpe hkam la lu sai.
Deacon aya hkam la ai poi hpe ya ten Covid-19 ana zinli chyambra na hpe tsang ra ai majaw jinghku jingyu ni,nawku hpung masha ni law law hte rau wu wu di di rai nlu galaw ai sha,asuya hkamja dap a matsun hte maren lamang ai hpe kadun dik ai hku galaw awng dang la lu sai.
Gaw Ningja ni mung, (COVID-19) aten ladaw hte COVID ngut ai aten ladaw hta, Gaw Ningja n re ai ni zawn sha, galaw lajang ya ai lam ni hpe hkum ding dek hkam la lu na matu, maren mara ahkaw ahkang lu ai ni rai nga ai.
Wa Sarabyin Francis gaw November 30, bat 1 ya, San Andrew a Poi nhtoi shani, Constantinople na Saradaw Kaba, Patriarch Bartholomew I hpang de shagun laika langai mi shagun dat ai lam chye lu ai.
Ndai Du Sa Ladaw hta “Myit Mada Shara” hpe shada garan gachyan ya ra ga ai. Du Sa Ladaw gaw “Ngwi Pyaw Simsa Lam Kaba” hpe myit mada lu ai ka sadi hte ningnan hpang ai ladaw rai nga ai.
Ya aten hta, Shinggan hkan n jaw n teng ai shiga ni mawng taw nga ai hte seng nna, asan sha chye lu na matu, Hpakant Ginwang up, Wa Jau James Zukdaw Zung Ding hte hkrum shaga da ai lamang hpe htum hkra yu nna, n chye shi ai ni hpe mung, bai sang lang dan ga, gam garan ya ga.
Lashio Saradaw Ginwang hta, Brothers ni marai (4) gaw, Nhtoi (19.11.2020) ya shani, Yesu a Salum Ning Sang Nawku Htingnu hta, Lashio Sasana Saguremwa Wa Saradaw Lucas Jheimphaut Dau Ze a lata hta Deacon aya hpe hkam la lu sai rai nga ai.
Dai Brothers ni gaw -
Strike na Bro. Dominic Gu Thar, Momeik na Bro. Naw Htoi, Kawng Hka na Bro. Brang San Awng hte Kut Hkai na Bro. La Tawng ni re ai lam chye lu ai.
“Hkristan ni Kabu Gara Shiga (Chyum laika) hta ru jung nga ai rai yang shinggyim wuhpung wuhpawng a nga sat nga sa htung lailen hpe kaja dik htum byin shangun lu ai,” ngu Wa Sarabyin a laika buk hpe “Il cielo sulla tserra: Amare e servire per transformare il mondo” ngu a gabaw ginlam jaw da ai.
Sign up to our newsletter and get latest news and updates straight to your inbox!
