Wa Sarabyin: Num Hpung Ni Gaw Simsa Lam Hte Prat Ningnan Gaw De Ai Hta Ahkyak Dik Kaw Lawm Nga Ma Ai

Wa Sarabyin a hkap la masat dingsat ai hpe hkam la lu ai htunghkring hte seng ai lam ni hpe hpaji jaw ai wuhpung ni hte hkum shaga ai shaloi num hpung ni hte seng ai lam hpe ahkyak ai lamang kaw bang da nga ai.

Dai zawn shalawm da ai gaw num hpung ni a shawng lam matu ahkyak tawn da ai majaw rai nga ai. Ndai zawn num hpung ni hpe sha ahkyak tawn da nna bawng ban sa na chyawm gaw n re ai. Ndai kaw du hpung ai ni yawng gaw Roman Curia a malawm ni rai nga ai, ngu Wa Sarabyin tsun da nga ai.

Hkung ga lara di let magam bungli arau gun hpai sa wa ga ngu mung saw shaga da ai. Bawngban jahkrup ai hta num hpung ni gaw shinggyim masha hte seng ai lam hta law law shang lawm nga ai. Num sha ni gaw laika hti ma ai; sumru ma ai; yu ngwi nsen hpe madat hkam sha ma ai, ngu mung tsun da ai. Ndau zawn kaja ai lailen ni hpe “Evangelii Gaudium” (Kabu gara shiga) ga baw hte hpang da ai.

Shada hkung ga la ra di, nbung pre ai magam bungli ni hpe galaw sa wa nna, bung pre ai shawng lam de rau du lu na ga ai ngu Wa Sarabyin tsun shadum da ai.

Laika hti a lamang a matu Wa Sarabyin a Sharin shaga laika masum rai nga ai, “Evangelii gaudium”, “Laudato si” hte “Fratelii tutti” (Hunan Fraternity for World Peace and Living Together) ni hpe lata san da ai.

Ndai masum hte gaw kabu gara shiga shachyam shabra ai hta hpan da hkrum kahpu kanau myit majing hpe jaw ya nga ai majaw lachyum nga nga ai. Bawng ban jahkrum garan gachyan ai lawm ai wuhpung a myit masa hte n bung ai ningmu ni hpe hku hkau myit kaba hte bawng ban sa wa nna bung pre ai lam hpe lu la na rai ga ai.

Hpaji hte Wenyi Lam

Ndai bawng ban ai a akyu ara gaw hpaji lam hte wenyi lam, bung pre ai hte shai hkat ai lam, shingni  hte nawku daw jau lam ni hpe bawng ban jahkrum na matu rai nga ai.

Dai masa lam hte ningpawt ninghpawng rai nga ai lam de hkawm sa lu na rai nga ai. Dai gaw n-gawn tawa hte seng ai “Universal” ting hpe ga-up da ai tsawra hku hkau ai lam hte kam hkat ai lam hpe gaw de ra nga ai.

Ndai zawn num hpung ni a nsen hpe shatsaw nna galaw ai rai yang ana kaba taw ai mungkan ga hpe tsi shamai lu na matu rai nga ai.

Hkye hkrang la ai lam hte Karai Kasang a mungga hpe hkap la nna sak hkrung nga ai wa gaw kanu Nu Maria nan rai nga ai. Num hpung ni gaw Kanu Nawku Hpung a share ninghkring ni rai ma ai. Shanhte gaw masha ni a ra kadawn ai lam ni hpe ahkak la madat ya ma ai. Tara rapra lam hpe ra sharawng ma ai hte dai lam hpe lu la hkra n-gun jaw n-gun dat ma ai.

“Nanhte gaw simsa lam hte ningnan re ai kabu gara shiga hpe gun sa ai ni tai nga mu,” ngu Wa Sarabyin n-gun jaw da ai.

Hpang jahtum hta “Nanhte a shagrit shanem ai hte atsam marai dat ai hte makau grupyin hta nga pra let mungkan ningnan hpe chye na, hkap la nna, nau na majing rawng ai myit jasat hpe gaw de lu ai myit mada shara jaw ya lu ai ni tai nga mu ga,” akyu hpyi da ya ai lam October 8, bat 4 ya shani hta Vatican kaw nna ndau da ma ai.

#vaticannews

#rvakachinservice

link

https://www.vaticannews.va/en/pope/news/2020-10/pope-francis-discourse-women-consultation-group-peace.html