Mungkan Simsa Lam Lu Na Matu Mungdan Shagu Hta Akyu Hpyi Ai Hpawng Hta Masha Shagu Shang Lawm Ga Ngu Wa Sarabyin Saw Shaga

Mungkan Simsa Lam Lu Na Matu Mungdan Shagu Hta Akyu Hpyi Ai Hpawng Hta Masha Shagu Shang Lawm Ga Ngu Wa Sarabyin Saw Shaga

Wa Sarabyin Francis hte makam masham hpa-awn ni du na ra ai October 20, bat 2 ya shani galaw na mungkan simsa lam a matu akyu hpyi ai hpawng hta shang lawm na re lam chye lu ai. Dai akyu hpyi hpawng hta Assisi hte Fratelli tutti myit masin hte akyu hpyi sa wa na re lam chye lu ai.

“No One Is Saved Alone- Peace and Fraternity” “Kadai mung tingkyen hkye la hkrum lu na n re, Simsa lam hte nau na myit hpe bang da ga” ngu ai kabaw hte akyu hpyi hpawng hpe galaw na rai nga ai.

Dai akyu hpyi hpawng hpe Roma na Capitoline Hill kaw nga ai Aracoeli na San Mary Nawku Htingnu kaba hta Hkristan makam masham hpung shagu na dak kasa ni sa du hpawng de let ndai akyu hpyi hpawng byin tai wa hkra ndau shana shachyam shabra ai lam hpe woi awn lajang sa wa na re lam chye lu ai.

Akyu Hpyi Hpawng hpe gaw Capitoline Hill na Michelangelo Pa hta galaw sa wa na rai nna, mungdan shagu na makam masham hpung dak kasa ni hte mungdan ningbaw ningla ni hpawng de akyu hpyi sa wa na re lam, Vatican Press Office kaw na htuk shapraw ai hta ndau da ma ai.

Wa Sarabyin Yawhan Pawlu II gaw 1986 shaning hta ndai zawn akyu hpyi hpawng galaw na re lam San Egidio sasana hpung a 34 lang ngu na hkrum zup zuphpawng hta tsun da ai lam labau hta rawng nga ai ngu Wa Sarabyin Francis a sharin shaga laika “encyclical rai nga ai “Fratelli tutti hta ka da ai.

Dai majaw mungkan simsa la a matu akyu hpyi na ndai akyu hpyi hpawng hpe Assisi hte Fratelli tutti myit masin hte akyu hpyi sa wa na re lam ndau da ai rai nga ai.

Covid -19 ana tsin-yam ninghkap ai hpe hkap la hkan sa ai masin hku, ndai akyu hpyi lamang hpe mungdan myusha ga 8 hte web hte social media lam ntsa kaw nna live shapoi sa wa na re lam mung chye lu ai.

Makam masham n bung ai ni yawng gaw Karai Kasang a kashu kasha ni hkrai rai ga ai hpe myit dum let Wa Sarabyin a masum ngu nga sharin shaga laika “third encyclical letter, ‘Fratelli tutti’” a matsun hte maren nau na majing myit masin hte maren, wuhpung kata hta tara rap ra lam a lu la na matu akyu hpyi sa wa na re lam tsun da ma ai.

Du na October 20, bat 2 ya shani hta mungdan shagu hta, makam masham hpung shagu na hpung woi hpa-awn ni gaw simsa lam a matu tinang nga ai mungdan hta akyu hpyi nga na ma ai. Muslims, buddhists, hte Eastern chuch na makam masham hpung ni a dak kasa ni gaw Capitoline Museums (madun gawknu) kaw hpawng de akyu hpyi na ma ai lam Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-10/pope-prayer-peace-interreligious-st-egidio-community-rome.html

Add new comment

13 + 7 =