Ginwang Up Wa Jau Hpung Gawan Let Wudang Bum Poi Galaw

Panghkak jau ginwang hta ninhtawn (7) nga ai hta na , San Petru Sara ninghtawn (wasik)mare gaw hkrunlam grai yak ai Sara ninghtawn langai rai nga ai.Covid-19 Ana Zinli byin wa ai kaw na Wajau ni nlu gawan mat ai majaw hpung masha ni garen gari hkrum nga ma ai.

Ndai shata (19.9.2020) ya shani Ginwang up Wajau Paul Awng Dang gaw hpung masha ni hpe sa du gawan lai wa sai.Wajau du na nga, na ai hte maren hpung masha ni gaw Wudang poi hpe galaw na matu hkyen lajang da ai lam chye lu ai.

Dai shani na Missa Hkungga hta Wajau kaw nna hpung masha ni hpe shinggan de nau nra yang npru na matu mung, ahkyak na pru ra yang mung mask hpe atsawm jai lang na matu mask hpe mung garan jaw ai lam ni galaw lai wa sai lam hpe Loije kaw nga ai  Teresa Sumlut Hkawn Bu shiga jaw ai kaw na chye lu ai.

Elizabeth