Hong Kong Cardinal: Karai Mungga hkaw tsun ai hta tingkyen ningmu ai mung masa lam tsun shapraw ai hpe koi yan ga

Hong Kong Saradaw Ginwang a apostolic administrator rai nga ai Cardinal John Tong Hon gaw “Jau ni Karai mungga hkaw tsun ai hta tingkyen mu mada ai mung masa lam hkaw tsun shapraw dan ai hpe koi yan ga ngu shadum n gun jaw da ai lam, lai wa sai shata August 28 hta htuk shapraw ai laika hta tsun da ai.

“Karai Kasang a mungga gaw hkaw tsun ai wa a tingkyen ningmu hpe hkaw tsun na matu n re ai; Karai Kasang a mungga hpe hkaw tsun sakse hkam na matu she rai nga ai,”

Shinggyim wuhpung hte seng ai lam ni hpe shinggyim masha akyu ara a matu tsun shapraw ai gaw anhte hpe garum ya lu ai rai nna, kalang marang mungga a matu mung akyu rawng chye nga ai.

Dai gaw kam sham ai hkristan masha ni sakse hkam ai lam rai nna, dai hta hkawm sa lu na matu galai shai lam mung rai nga ai.

Raitimung, “n’ju n’dawng ai myit hte manghkang byin shangun ai ga si ni gaw Hkristan ni a nawku dawjau magam hte n hkuk dik ai.

Jau ni a nga sat nga sa lam hte shanhte a hkaw tsun ai mungga yawng hpe Hkristan masha ni hkap madat, yu la taw nga ma ai re.

“Mungga hkaw tsun shagu, Jau ni sadi maja ra ai; zen ra ai; zen zen ja ja rai ra ai,” ngu Cardinal John Tong shadum da ai ai hpe RVA kaw nna ndau da ma ai.

#rvanews

#rvakachinservice
https://www.rvasia.org/index.php/hong-kong-cardinal-tells-priests-avoid-personal-political-views-homilies

Translated by

Fr. Patrick Gawmaw Hkawng Yae