Yak hkak ai dum nta ni hpe n gu hte shapre garan jaw ( 11 Sep, 2020 )

Teresa (Loi Je)

Friday, September 11, 2020

****** Buga Shiga ( Local Church News ) ******

Ndai 09 Sep, 2020 ya shani, Manmaw Sasana, Panghkak Jau ginwang, Ginwang up Wa Jau Paul Lahpai Awng Dang woi awn let hpaw ninghtan da ai Covid – 19 Commity hku nna, ya ten hta yak hkrak jam jau hkrum nga ai dum nta htinggaw ni hpe jahpan hta la nna, n gu hte shapre hpe garum jaw sai rai nga ai.

Ndai zawn jahpan hta la ai hta, Prang Hkudung Jau Ginwng na htinggaw (150), Dingsing Jau Ginwang na, htinggaw (180) the tinang Panghkak Jau Ginwang na, htinggaw (62) tup hpe masum lang numdaw hku nna, n gu hte shapre hpe garum jaw lai wa sai hpe, loi je kaw shanu nga ai Teresa Sumlut Hkawn Bu kawn RVA de kabu hpa shiga jaw ai lam, shana ya dat ga ai.

Ya na zawn yak hkrak jam jau nga ai ten, shawang tsawra myit the garum ya nga ai, Ginwang up Wa Jau Paul Lahpai Awng Dang hte, Covid – 19 Commity malawm ni yawng hpe chyeju dum nga ai lam shana dat ga ai.

Source & Photo - Teresa ( Loi Je )