Myanmar Mungdan Hta Covid-19 A Majaw Asak Si Sum Ai Masha 100 Hpring

Myanmar Mungdan hta COVID-19 Corona Virus ana zinli numdaw lahkawng lang hku nna kapbra wa ai majaw lai wa sai bat mi, sanit ya laman hta asak si sum mat ai marai 100 du sai rai nga ai.

Bat mi laman, ana kap hkrum ai masha marai 3538 jat wa ai rai nna si ai masha 100 du wa ai sai lam, September 14 ya kawn 22 ya shani du hkra ana jep joi hkam ai masha mun mali ram kaw na marai 3538 ana kap hkrum ai ai re majaw jep hkam ai masha ni kaw na tsa lam shading 13% hta ana kap hkrum ai hpe mu lu nga ai.

Myanmar Mungdan hta  COVID-19 ana kap hkrum ai masha nnan mu hpang ai 2020 March shata 23 ya shani kawn rai yang ana kap hkrum ai masha marai 1000 mi du na matu aten shata 5 ram na ai raitim, ya nnan bai kap hkrum ai masha 5000 jan gaw shata mi n hpring shi ai bat 3 laman grai law jat wa ai lam hpe mu lu nga ai.

 2020 March shata 23 ya shani kawn rai yang ana kap hkrum ai masha marai 1000 mi du na matu aten shata 5 ram na ai raitim, ya nnan bai kap hkrum ai masha 5000 jan gaw shata mi n hpring shi ai bat 3 laman grai law jat wa

Dai zawn Corona Virus lawan ladan kap bra ai hta, law malawng gaw  Yangon Mare kaba kaw na rai nna, ana kap bra ai lam hpe shayawm lu na matu, Mare kata nga ai masha ni yawng n ahkyak jang “Stay at home” kadai mung shinggan npru hkawm na matu Mungdan hkam ja dap kawn  September 20, shana hkying 8 PM aten hta ndau da ai lam chye lu ai.

Ndau shapraw ai lam hta, dum nta kawn gat de sa yang marai 2 hta njan na, shinggan pru ai shaloi n-gup magap (Mask) hpe shakap ra na, Wuhpung Wuhpawng hte Company bungli ni hpe tinang dum nta kawn sha galaw na hte gunrai amu galaw ai  CMP jak rung ni yawng, September 24 kawn October 7 ya shani du hkra pat da na matu hte Asuya Rung magam gun ni bat lahkawng hta kalang lai lai re nna bungle galaw na matu tsun da nga ai.

Dai ndau shabra ai lam gaw September 21 jahpawt hkying 8:00PM kawn tara shang sai rai nna n hkan sa ai ni gaw tara upade hte maren ahkyak la ai hkrum na re lam chye lu ai.

Myanmar Mungdan hta Covid-19 ana kap hkrum masha yawng September 22 shani ka-ang du hkra rai yang  6471  rai nna bai mai tsai wa ai masha 1445, si ai masha 100 du sai rai nna, Asian Mungdan ni hta ana grai sawng hkra kap bra hkrum ai Thailand hte Vietnam Mungdan ni hpe lai nna tsang madang numbat 5 kaw du taw nga sai re.

Ref: The 74 Media, MOHS

Thomas