Coronavirus Ngu Ai Ana Zinli Chyam Bra Nga Ai Majaw Mi Wa Gum San Mungdan Hta Nawku Jawng Ni Pat Da Ra Nga Ma Ai Shiga
Coronavirus ngu ai ana zinli chyam bra nga ai majaw Miwa gum san Mungdan shara law law hta Nawku jawng ni la pat da nga ma ai hte, ndai lai wa sai laban shani hta Missa hkungga laban nawku ni n lu galaw lai wa ma ai.
Australia mungdan nawku hpung kaw nna shingra tara tsinyam lam ni hpe jawm manga ai magam lam ni hta rau mahkri shawn magam bungli jawm galaw na wuhpung langai hpe hpaw ning htan dat nga ai shiga
Australia mungdan hta sharaw wan hkru hkat ai mang hkang hte matut manoi rai nna tsinyam lam ni law law byin hkrum nga ai masa a majaw, Australia mungdan Kahtawlik nawku hpung kaw nna shingra tara tsinyam lam ni hpe jawm manga ai magam lam ni hta rau mahkri shawn magam bungli jawm galaw na wuhpung langai hpe hpaw ning htan dat nga ai.
Miwa gumsan mungdan asuya hkamja dap kaw nna January 26 laban shani ndau shana ai lam hta, “ndai Coronavirus ngu ai ana zinli a chyam bra wa shangun lu ai n gun gaw grau kaba wa ai zawn rai nga ai majaw, ana byin kap hkrum na masha jahpan matut grau law jat wa na masa nga nga ai” nga nna tsun shana da ai lam mung nga nga ai.
Wuhan Corona Virus Ana Zinli Kap Bra Ana Hte Seng Nna, Ana makawp maga lu na matu Mungdan Hkam Ja Dap Kawn Ndau Laika Shapraw Dat Ai Shiga
Wuhan Corona Virus Ana Zinli Kap Bra Ana Hte Seng Nna, Ana zinli hpe tau hkrau makawp maga lu na matu hkan sa ra ai lam ni hpe Shang Lawt Uphkang Rung, Mungdan Hkam Ja Dap kawn January 26, laban shani ndau laika shapraw dat ma ai.
‘Auschwitz-Birkenau’ Ngu Ai Nazi Ni A Masha Sat Dabang Dawm Kau Ai Ladu Hkrum Nhtoi Hta, Myit Dum Akyu Hpyi Lam Galaw Na Matu Wa Sarabyin Tsun Lajin
Nazi ni masha nat sat sharu lam galaw lai wa ai ‘Auschwitz-Birkenau’ ngu ai masha sat dabang dawm kau lu lai wa ai 75 ning ladu hkrum nhtoi shani hta, dai lam ni hpe myit dum akyu hpyi lam galaw na matu Mungkan masha ni yawng hpe Wa Sarabyin Francis kaw tsun lajin dat nga ai.
(4) lang ngu na Myitkyina Saradaw Ginwang Ramma ni a hkrum zup hpawng kaba (Youth Congress) hpe 2020 April shata 25 ya kaw nna May 1 ya shani du hkra Myitkyina,Edin San Luka Chyum Jawng wang hta galaw sa mat na rai nga ai.
Mediterranean pang lai grup yin Mungdan hkan na saradaw ni hte hkrum bawng ban lam galaw na matu ya du wa na Febuary shata hta Italy Mungdan a dingda maga na Bari ngu ai Mare de Wa Sarabyin Francis sa du na re, nga ai.
January 21 bat lahkawng ya shani Vatican kaw nna ndau shapraw ai shiga hta, Bari mare de Febuary 23 ya jahpawt Wa Sarabyin sa du gawan na re, nga nna ndau shapraw dat nga ai.
KBC Ap nawng Saranum yan rai nga ai, Saranum Maran Lu Ra hte Saranum Tangbau Hkawn Nan Tsin yan Roi Rip Zingri Sat Hkrum ai (5) ning Ladu hkrum myit dum Akyu Hpyi Hpawng hpe, 2020, January 19 (Laban) ya shana maga de Hkying 1: 30 Pm ten Jaw Bum, Myikyina hta galaw lai wa ai.
Ndai KBC hpaji magam dap na ap nawng Saranum yan gaw lai wa sai 2015 ning January shata 19 ya shana Mung myit sinli ga, Kawng Hka Mare hpung wang kata,shan lahkawng nga ai nta hta zingri sat kau hkrum ai rai nna, ya dai ni (5) ning du tim teng man tara rap ra ai mahtai (တရားခံ) n pru shi ai re lam chye lu ai.
Lai Za Jau Ginwang Kata Hta, Ningtau Jau Rai Nga Ai, Wajau. Mwi Hpu Naw Grawng Hku Nna, Je Yang IDP Hpyen Yen Camp Kata, Asak kaba nna,Machyi Kaba Hkrum Let, Yupra kaw galeng nga ai nawku hpung masha ni hpang de, Mara raw ya ai lam ni, Chyoipra hkum jaw ya ai lam hte, Na-man chya ya ai magam hpe galaw lai wa ai hta, Asak Kaba Sai Marai 20 Hpe Sakramentu Chyeju Kum La Jaw Ya Sai Hte, Matut Manoi Woi Chyai Lawk 1 IDP Hpyen Yen Camp Ni Hta Mung, Missa Hkungga hte, Sa Du Gawan Katsan Ai Magam Hpe Galaw Lai Wa Sai Hku Re.
Nawku hpung kaw na hpaw tawn da ai Jinghpaw Kasa Press,Htang Dip Gawng hta (38) ning tup magam gun lai wa nna,2019 ning December shata htum ai hpang, bungli kaw na hkring sa mat sai Slg.Lazing Hka Htung a dum nta de Wa Saradaw Francis Daw Tang hte Wajau Francis Zukdaw Lum Dau,Jinghpaw Kasa Press lit hkam Bro.Elias Htang Sau ni 2020 ning January shata ya shani sa du chyeju dum shakram ai lam,dum nta masha ni a matu akyu hpyi shaman ya ai lam galaw lai wa sai.
Sign up to our newsletter and get latest news and updates straight to your inbox!
