Shiga

Laiza Jau Ginwang Kata, Hpung Gawan Hkrum Lam Hte, Kanu Num Hpung Ni A, Ningja Jat Sharin Hpawng Galaw Nga Ai Shiga
Tuesday, January 21, 2020

Lai Za Jau Ginwang Kata Hta, Ningtau Jau Rai Nga Ai, Wajau. Mwi Hpu Naw Grawng Hku Nna, Je Yang IDP Hpyen Yen Camp Kata, Asak kaba nna,Machyi Kaba Hkrum Let, Yupra kaw galeng nga ai nawku hpung masha ni hpang de, Mara raw ya ai lam ni, Chyoipra hkum jaw ya ai lam hte, Na-man chya ya ai magam hpe galaw lai wa ai hta, Asak Kaba Sai Marai 20 Hpe Sakramentu Chyeju Kum La Jaw Ya Sai Hte, Matut Manoi Woi Chyai Lawk 1 IDP Hpyen Yen Camp Ni Hta Mung, Missa Hkungga hte, Sa Du Gawan Katsan Ai Magam Hpe Galaw Lai Wa Sai Hku Re.

Jinghpaw Kasa Press Hta (38) Ning Tup Galaw Lai Wa Sai Slg.Lazing Hka Htung A Mahkrup Madup
Tuesday, January 21, 2020

 

Nawku hpung kaw na hpaw tawn da ai Jinghpaw Kasa Press,Htang Dip Gawng hta (38) ning tup magam gun lai wa nna,2019 ning December shata htum ai hpang, bungli kaw na hkring sa mat sai Slg.Lazing Hka Htung a dum nta de Wa Saradaw Francis Daw Tang hte Wajau Francis Zukdaw Lum Dau,Jinghpaw Kasa Press lit hkam Bro.Elias Htang Sau ni 2020 ning January shata ya shani sa du chyeju dum shakram ai lam,dum nta masha ni a matu akyu hpyi shaman ya ai lam galaw lai wa sai.

Nawku Hpung Shiga ( Church News ) 21 January, 2020
Tuesday, January 21, 2020

2020, dai ning na Hkristian ni a galung gahkyin akyu hpyi lam galaw ai laban bat hta, bu htawt hkawm masha ni hpe madung da myit sumru akyu na matu ga baw lata san da nga ai shiga   

2020, dai ning na Hkristian ni a galung gahkyin akyu hpyi lam galaw ai laban bat laman hta, bu htawt hkawm tsin yam hkrum masha ni hpe madung da myit sumru akyu na matu ga baw lata san da nga ai.

Libya mungdan na yak hkak mang hkanglam ni hpe simsa ai masa hte ran hparan mahtai tam la lu matu Wasarabyin tsun lajin dat nga ai shiga
Monday, January 20, 2020

Libya mungdan na yak hkak mang hkanglam ni hte seng nna ran hparan lam galaw ai hta simsa ai masa hte ran hparan mahtai tam la lu ai masa byin tai hkra shakut na matu Wasarabyin Francis tsun lajin dat nga ai.January 19 ya, Laban shani, shani ka-ang Angelus akyu hpyi woi ngut ai hpang, Libya mungdan mang hkang hte seng nna ran hparan lam galaw na matu mang hkang hta shang lawm nga ai uhpung ning baw ni, Germany mungdan Berlin mare daju hta zup hpawng galaw nga ma ai lam hpe tsun shana dan let, ya na zawn Libya mungda

Nigeria mungdan hta hkrum nga ai Hkrsitian ni zingri zingrat lam ni hpe kadai nmu nchye ya, ntsun shaga ya lawm byin nga ma ai shiga
Friday, January 17, 2020

Nigeria mungdan hta hkrum nga ai Hkrsitian ni a zingri zingrat sat hkrum lam ni hpe kadai nmu nchye ya, ntsun shaga ya lawm byin nga ai majaw, mungkan mungdan ni mu mada ya nna garum la na matu Nigeria Kahtawlik jau langai kaw nna tsun shajin lam galaw dat nga ai.

Vatican sumtsan hkring mang rung hta amyu shayi num langai hpe ningtau sumtsan hkring mang lit shatsam dat. ( 16 January, 2020 )
Thursday, January 16, 2020

Wa sarabyin kaw nna Vatican sumtsan hkring mang rung hta amyu shayi num langai hpe ningtau sumtsan hkring mang lit shatsam, dat ai shiga

Wa sarabyin Francis kaw nna Vatican sumtsan hkring mang rung hta Dr. Francesca Di Giovanni ngu ai amyu shayi num langai hpe ningtau sum tsang hkring lit shatsam dat nga ai.

Tara hkaw Sara Magam Gun (50) Ning Hpring Sara Kaba Pawlu Nhpum Zau Krang a Jubali Poi Galaw
Wednesday, January 15, 2020

Shatapru Jau Ginwang, Nawng Nang, Rosana Sara Gaiwang kaw shanu nga ai Sara Kaba Pawlu Nhpum Zau Krang hte Sara Jan Jawdoi Lu Nan yan a Tara Hkaw Sara Magam Gun (50) ning hpring Ja Jabali Poi hpe Nawng Nang, Rosana Mare, San Pawlu Nawku Jawng hta January 15, 2020 bat 2 ya shani galaw lai wa sai.

RVA De Laika Hte Matut Mahkai Wa Sai Kum Hpa Lu Ai Ni Hpe Ndau Shana Ai Lam
Wednesday, January 15, 2020

Hkristu hta hkungga tsawra ai  RVA shiga madat nga ai nu wa hpu nau ni lai wa sai ten hta ndau ya lai wa sai hte maren 2019 ning hta RVA Jinghpaw Nsen shapoi dap de laika sumpu hte online Facebook,gmail hte Wechat ni kaw nna laika ka matut mahkai wa ai hta laika no law dik marai shi hpe kumhpa jaw na ngu ndau da ai hta 2019 ning hta RVA Jinghpaw Nsen shapoi dap Matut mahkai laika ka wa ai marai 170 jan laika matut mahkai lai wa sai re.Dai hta na laika ka law dik No 1 kaw nna 10 du hkra lu ai ni hpe RVA Jinghpaw Nsen shapoi dap kaw nna lak san kumhpa shagrau na ga ai.Dai majaw laika ka law d

Nhprang Wan Bum Kapaw Tsin Yam Hkrum Masha Ni Hpe Garum Na Matu Philipines Saradaw Tsun Lajin Dat Nga Ai Shiga
Tuesday, January 14, 2020

Nhprang wan bum kapaw ai lam a majaw htawt sit nga ra ai tsin yam hkrum masha ni hpe, garum la ga nga nna, Manila mare daju a dingda maga na ‘Lipa’ ngu ai saradaw ginwang a ginwang up saradaw Gilbert Garcera kaw nna tsun lajin lam galaw dat nga ai.

Madu Yesu Kashin Kamun Hkam La Ai Poi N' htoi Shani Hta Ma kaji Ni Hpe Wa Sarabyin Kashin Kamun Jaw Ya
Monday, January 13, 2020

Madu Yesu Kashin Kamun Hkam La Ai Poi Nhtoi Shani Hta Ma Kaji Ni Hpe Wa Sarabyin Gashin Gamun Jaw Ya Ai Shiga

12 January 2019, Vatican

Shaning shagu lai htung nga ai hte mren Yawhan Baptista a lata hta Madu Yesu Kashin kamun hkam la ai poi laban Missa hkungga hpe ‘Sistine Chapel’ ngu ai Vatican na nawku htingnu hta Wa Sarabyin Francis Missa hkungga nawng ya let, ma kaji ni marai 30 jan hpe mung kashin kamun jaw hkam ya lam galaw lai wa ai.

Quick Links