Shiga

Sharaw Wan Hpyen Tsin Yam Hkrum Australia Mungdan Sha Ni Hte Rau, Myit Hpawm Nga Ai Lam  Wa Sarabyin Tsun
Thursday, January 09, 2020

Sharaw Wan Hpyen Tsin Yam Hkrum Nga Ai Australia Mungdan Sha Ni The Rau, Myit Hpawm Nga Ai Lam  Wa Sarabyin Tsun Dat Nga Ai Shiga 

Sharaw wan laja lana hkru hkat lam ni byin nga ai a majaw tsin yam hkrum nga ai Australia Mungdan mung chying sha ni hpe Madu Karai Kasang garum ya u ga matu akyu hpyi ya ga, nga nna January praw 8 bat masum ya shani San Peter pa kaba hta hpawng nga ai shawa hpawng kaba hpe tsun lajin lam galaw let Australia Mungdan mung chying sha ni the rau, myit hpawm nga ai, nga nna Wa Sarabyin Francis tsun dat nga ai.

Myanmar Mungdan ting na, Kahtawlik Saradaw ni a hkrumra zuphpawng galaw nga sai ( 08 January 2020 )
Wednesday, January 08, 2020

Myanmar Mungdan tinang na, Kahtawlik Saradaw ni a, Daining na matu shawng nnan lang ngu na Hkrumra Zuphpawng hpe, 2020, January shata (7) ya kaw nna, Myanmar Mungdan a Apostolic Nuncio Wa Saradaw Kaba Paul Tschang In-nam, woi awn let Missa hkungga nawng jau nhtawm zup hpawng hpang sai rai nga ai. Ndai zuphpawng hpe January shata (10) ya shani du hkra galaw sa wa na rai nga ai.

Shadau Jau Ginwang Kaw Holy Childhood Sasana Ma Kaji Ni A Feast Day Poi Galaw
Tuesday, January 07, 2020

Hkungga tsawra ai shiga madat nu wa hpu nau ni, lai wa sai bat 3 ya, December shata praw 4 ya shani gaw Myitkyina Saradaw Ginwang kata Wa Jau nnan langai bai lu la jat sai rai nna, Jau shatai poi hpe shawng de n-galaw ga ai Uma shagawng Bumga, Mali Nmai Wa Lawng, Shanglawt uphkang ginra, Kachyi Htu Mare hta labau shang langai lang hku nna awngdang ai hku galaw la lu saga ai rai nga ai.

Philipphines Mungdan Hta, " Black Nazarene " Makam Masham Poi Kaba Galaw Hyen Lajang Nga Ai Shiga
Tuesday, January 07, 2020

Shaning shagu January shata praw 9 ya shani galaw ai ‘Black Nazarene’ ngu ai Philippines mungdan a kaba dik ai makam masham poi kaba hpe simsa ai masa hte atsawm sha galaw lu hkra mungdan asuya hte makam masham ning baw ni ta gindun let hkyen lajang nga ma ai rai nga ai.

Myit Shadang Ai Lam Hpe Hting Hkang Bawng Ban Na Matu Wa Sarabyim Tsun
Monday, January 06, 2020

Iran mungdan a tsaw dik htum ai hpyen du kaba langai hpe lai was ai bat 5a ya shani Iraq mungdan hta American hpyen nbungli kaw nna baw kapaw sat kau ai lam a majaw Iran the American mungdan lahkawng lapran majan kaba byin wa na masa byin pru nga ai aten ya na zawn Wa sarabyin a tsun lajin ai lam pru wa ai rai nga ai.

Manmaw sasana hta Christmas poi hpe Galaw lai wa sai shiga ( 27 December 2019 )
Friday, December 27, 2019

Daining na, Christmas Yup tung Missa Hkungga hpe, mungkan mungdan shara shagu hta, December shata (24) ya shana galaw lai wa sai zawn, Manmaw Sasana, San Patrick Nawku Htingnu Kaba hta mung, (24) ya shana, (8:00 P.M) aten hta angwi apyaw hte galaw lai wa sai rai nga ai.

Dai Yuptung Missa hkungga lamang hpe, Ginwang up Wa Jau John Jangma Yung Wa hte rau, Wa Jau Joseph Labang Tu, Wa Jau Relly Daw La, ni kaw nna nawng jau ya let, hpung masha ni marai (1000) mi jan ram sa du shang lawm lai wa sai rai nga ai.

Shapawng Yawng Singhpo Hpunggyi/ Jau Kaba Myitkyina Kahtawlik Sasana De Sa Du Hkrum
Friday, December 20, 2019

India Mungdan, Arrunachar kaw na Shapawng Yawng Singhpo Amyu rai nga ai, Hpunggyi Kaba Urang Zau Hkawng/ Rev.A Pannasara gaw Myitkyina Kahtawlik Sasana de 2019 December 20 ya shana maga sa du jahkrum lai wa sai rai nga ai.

Wa sarabyin Francis gaw simsa lam hpe gawgap shagrau sharawt ya ai lam hta anhte hpe garum ya nga ai, nga nna UN mungkan rapdaw ninggawn amu madu tsun dat nga ai shiga
Wednesday, December 18, 2019

Wa sarabyin Francis gaw simsa lam hpe gawgap shagrau sharawt ya ai lam hta anhte hpe garum ya nga ai, nga nna UN mungkan rapdaw ninggawn amu madu Antonio Guterres tsun dat nga ai. Wa sarabyin hte sa hkrum shaga bawngban lam galaw na matu lajang nga ai UN mungkan rapdaw ninggawn amu madu Antonio Guterres kaw nna Italian shiga dap langai hte san htai galaw ai hta ya na zawn tsun dat ai lam rai nga ai.

Nawku Hpung Shiga (18 December, 2019)
Wednesday, December 18, 2019

Maw daw ni hpe Hkrismat mawn sumli lam galaw nna simsa lam a matu yan hkawm ai lam India mungdan hta galaw lai wa ma ai shiga

Myit Shuk Ai, Myit Bra Ai Lam Ni Nnga Ai Sha Madu Yesu Jaw Ya Na Kabu Gara Ai Lam Hpe Hkap La Lu Na Matu Anhte A Myit Masin Salum Hta Shara Lajang Da Nga Gaa, Nga Nna Wa Sarabyin Tsun Dat Nga Ai Shiga
Tuesday, December 17, 2019

Myit shuk ai, myit bra ai lam ni nnga ai sha Madu Yesu jaw ya na kabu gara ai lam hpe hkap la lu na matu anhte a myit masin salum hta shara lajang da nga ga, nga nna Wa sarabyin Francis tsun dat nga ai.

Quick Links