Wa Sarabyin Francis gaw mungdan shagu chyam bra nga ai Coronavirus ana zingli a majaw Chyoi Pra laban bat magam Nawku dawjau lamang hpe shawoi na hte nbung ai hku shajing shachyip ra nga ai Mungkan shara shagu kaw na Hkristan masha ni hpe Video sumla hkrung kawn shi a mungga hpe shalai ya ai.
Wa Sarabyin Coronavirus Ana Zinli Machyi Kaba Hkrum Sha Nga Ai Ni A Matu Garum Matum Alu Gaw Sharawt Dat Ai Lam
April shata praw 3 ya jahpawt 10:05 ten Vatican kawn shapoi ai shiga hta Casa Santa Marta Nawku Htingnu kaba kaw lai wa sai laban bat manga ya jawhpawt na Misa hkungga hta Coronavirus ana zingli chyambra nga sai Mungdan ni mayak mang hkang kawn lawt lu na matu Misa Hkungga nawng jau ya ai lam chye lu ga ai. Wa Sarabyin a Mungga hta Anhte a kanu Nu Maria a yawn hkyen ai lam ni hpe myit sumru yu let Anhte a Kanu tai ya nga ai Nu Maria hpe chyeju dum nga na matu anhte hpe saw shaga da nga ai.
Wa Jau Francis Lum Dau gaw lai wa sai March shata 21, bat 6 ya shani Jau prat 49 ning hpring sai rai nga ai. Wa Saradaw John Howe a lata hta Jau tai wa ai. RVA Kachin Service shiga dap hpe shawng ningnan lit la woi awn shiga shabra lai wa sai jau mung rai nga ai.
Vatican hta Covid-19, Coronavirus Ana hte seng nna, tsi jep ai lam galaw lai wa sai shiga.
Casa Santa Martha Htingnu wang kata shanu nga ai ni hta ndai ana zingli kap ai ni nnga ai nga nna ndau shagrin shana da sai. dai shara kaw nga ai ni yawng hpe tsi jep sawk shagawn ai lam galaw tim Wa Sarabyin rau shi hte ni htep htum ai magam gun ni kaw coronavirus ana kap ai lam nmu lu ai.
Wa Sarabyin: Kawsi Hpang Gara Hkrum Sha Nga Ai Ni A Matu Yaw Shada Let Laksan Missa Hkungga Nawng Jau Ya Ai
Wa Sarabyin Francis, March 28, bat 6, ya jahpawt, Casa Santa Marta Nawku Htingnu kaba hta nawng jau ai misa hkungga gaw Corona virus ana zingli tsing yam kaba a majaw kawsi hpang gara hkrum nga ai mungkan masha yawng a matu re.
Covid -19 ning hkap lam hta nawku hpung kaw na,ap nawng na masha saw shaga dat ga ai. Ap nawng na wa gaw, a sak (18-50) lapran na masha rai ra ai.
Wa Sarabyin Missa Hkungga Hta “Sak Jaw Apnawng Marai Rawng Katsi La Gring Ai Masha Ni A Matu Karai Kasang Hpe Chyeju Dum Shakawn Ai” Shiga
Casa Santa Marta Nawku htingnu hta nawng jau ai Missa hkungga hta Coronavirus Ana zingli hkrum hkra nga ai machyi masha ni hpe tinang a asak aprat hpe apnawng let yu reng gawn lajang nga ai ni yawng hpe shakawn shagrau n gun lu ai nga nna tsun dat nga ai.
Lu sha gam ladaw laban bat ( 1 ) ya jahpawt na Casa Santa Marta Nawku Htingnu hta nawng jau ai missa hkungga hta, Wa Sarabyim Francis gaw Coronavirus ana zingli myit mat na matu, lam amyu myu hku ap nawng shakut nga ai kun dinghku masha shagu a matu, makam masham lam hta, prat masa lam hta, ngang kang let, shakut hkam jan nga lu mu ga matu, akyu hpyi ya ai re.
Wa Sarabyin gaw lusha gam ladaw 4 ngu na laban shani na Madu lamu kasa kyu hpyi ai ten, “Coronavirus ana zingli mat htum u ga matu mungkan masha yawng matsan dum ai myit kaba hte si mani ai myit sat lawat bang nna shanglawm kyu hpyi nga ga” nga nna saw shaga da nga ai. matut nna mung “ndai zawn kyu hpyi ai hta myit mang langai sha hta a grin nga ga.
Sign up to our newsletter and get latest news and updates straight to your inbox!
