Cardinal Luis Antonio Tagle hpe Nawku Hpung Ginjaw Sasana Shachyam Shabra Dap a hpaw awn ning baw lit shatsam dat sai lam December praw 8 ya shani Vatican kaw nna ndau shana dat nga ai.
America Mungdan, Mungdaw shagu hta chyam bra nga ai Kahtawlik Jinghpaw Wunpawng Myu Sha Ni Yawng Sadu Shang Lawm Lu Na Matu Shana Ya Dat Ga Ai.
Hkungga Tsawra Ai Nuwa Ni, Dec 3 Ya Shani Gaw, San Pra Ai Francis Xavier A Poi Nhtoi Rai Nga Ai. Dai Hte Maren San Francis Xavier Mama Wuhpung Ni A Feastday Hte, Jubali Poi Lamang Hpe, Myitkyina Njang Dung, St Paul Nawku Jawng Wang Hta, 3 Dec 2019 Ya Jahpawt 6:30am Ten Hta, Missa Hkungga Nhpang Shi Yang, Mama Kaba Galau Bawm Win Kaw Na, Jubali Madu Ni A Labau Kadun Hpe Hti Shana Ya Let, Wajau Francis Lum Dau Woi Awn N-na, Missa Hkungga Nawng Ya Ai Hte, Jubali Poi Mung Matut Manoi Galaw La Nga Ai Rai Nga Ai
Christmas Crib ngu ai Hkrismat aten hta anhte galaw lang ai Madu Yesu shangai wa ai dumsu lawng nta kaji hte seng nna shadum matsun ai ndau laika hpe Wa sarabyin Francis ndau shapraw dat nga ai. Dec praw 1, laban shani, Italy mungdan a bum ga mare kaji langai rai nga ai Greccio ngu ai shara de sa du nga ai aten ndai ndau laika hpe Wa Sarabyin ta masat htu nna ndau shapraw dat ai lam rai nga ai.
Myanmar Mundan ting na Kahtawlik Ramma ni a hkrumzup bawngban hpawng hte majat hpaji sharin hpawng hpe Thanlyin Mare, San Francis Xavier Nawku Jawng Kaba hta galaw nga ma ai.
2019 October shata 21 ya shani kaw nna galaw hpang ai shata mi ram na sai ndai ginsup poi lamang hpe Myitkyina Edin San Luka Chyum Jawng Wang, ginsup pa hta galaw ai rai nna, hpang jahtum shani Edin hte May Myint Ramma ni ninggang kashun ai poi hta Edin ni minutes 90 hpring nna aten shajan minute mi jaw da ai laman goal langai htawng bang lu ai majaw May Myint hpe langai kaman one ze (1-0) hte dang nna 2019 San Columban Masat Gawdin Ninggang hpe Edin ni dang la lu masai rai nga ai.Edin Ramma ni hku nna lahkawng ning matut manoi ninggang lu ai lam mung rai nga ai.
Tinang hta nga nga sai tsawm htap ai hkring htawng, ra kadawn nga ai ni hpe garum madi shadaw la chye ai mai kaja ai myit masa ni hpe matut zing kyem da nga ga, nga nna Japan mungdan mung up du asuya ni hpe Wa sarabyin Francis tsun dat nga ai. Nov 25 bat langai ya shani, Japan mungdan hkring mang daju hte asuya myit su salang ni, Japan mungdan hta magam gun nga ai mungdan shagu na sum tsan hkring mang ni, mung shawa hte seng ai uhpung uhpung ningbaw ni hte hkrum shaga ai hpawng hta ya na zawn Wa sarabyin tsun dat ai lam rai nga ai.
Thailang Mungdan du gawan lam hpe shangut nna Japan Mungdan de Wa Sarabyin Francis matut hkawm sa wa sai rai nga ai.
Thai Mungdan ahkying jahpawt hkying 10 aten hta Wa Sarabyin jawn na nbungli Thai nbungli daru kaw nna rawt mat wa sai.
Thai hte Japan hkrun lam lapran hkying hkum 6 daram nbungli jawn ra na rai nna, Japan Mungdan ahkying shana maga hkying 6 aten Tokyo Haneda nbungli daru de Wa Sarabyin a nbungli du yu wa na re, nga ai.
Madu hta yup pyaw mat wa sai Columban Jau yen rai nga ai Wa Jau Colm Murphy hte Wa Jau David Wall yen a wenyi ngwi pyaw ai hta ban sa nga mu ga matu akyu hpyi ya ai lamang hpe Ndai Novembet Shata (21) ya jahpawt 9:00 am ten hta, Manmaw San Patrick Nawku Jawng na ginra nta hta Wa Jau ni, Mama ni, Tarahkaw sara ni, Nawku hpung masha ni hte hpaji jawng na sara/num ni yawng marai (300) daram shang lawm let, akyu hpyi ya ai lamang hpe awng dang ai hte galaw la lu sai rai nga ai.
Shiga jaw ai;
Mama Mary John Male Lu Mai
Wa Sarabyin Francis a du gawan sa ai lam gaw Thailand Mungdan masha ni myit mada htang da ai hta grau nna hkyik hkam kaba nga ai, nga nna Thailand Mungdan Kahtawlik Nawku hpung Social Communication Committee ningbaw tsun dat nga ai.
Sign up to our newsletter and get latest news and updates straight to your inbox!
