Jinghpaw Wunpawng Nawng Nang Chyum Dakasu (KTCS), Chyum jawngma ni hte magam gun ni marai ( 100) jan gaw ( 16 Feb 2020 ) daini Myitkyina,San Columban Nawku Jawng kaba de Makam Masham Nawku Dawjau lamang hpe sa du hka ja ai hku nna shang lawm lai wa ma ai.
Lashio Sasana Ginrun Sagurem wa, Wa saradaw nnan Lucas Dau Ze hte saradaw kaba Philip Lasap Za Hawng yan hpe Daidaw Buga Pang Pau Jau aseng na Nawku Hpung masha ni hte dum nta masha ni kabu gara hkap tau hkalum la ma ai. 15, Feb, 2020
shiga hte sumla ; Wa Jau John Lum Thun Awng
Mediterranean panglai kata na zinlawng mungdan rai nga ai Malta mungdan de ya du wa na May shata 31 ya shani hta Wa Sarabyin Francis sa du gawan na re, nga nna Vatican kaw nna ndau shana dat nga ai.
Tsawra ai Nu Wa Hpu Nau ni, Myitkyina Sasana kata kaw nga ai, Mali Nmai zup, Tanghpre Mare na Hkam kaja lam a Kanu, Chyoi pra ai Nu Maria shagrau poi hpe 2020 Frebruary praw 10 ya kawn 12 ya shani du hkra galaw nga ga ai re.
(23) lang ngu na ndai Nu Maria Shagrau Poi hte hpawn, dai ning gaw Tang Hpre Mare de Kahtawlik Sasana shang ai (75) ninghpring ai shaning mung rai nga ai.Dai hte maren, ndai (75) ninghpring Lungseng Jubali Poi hpe alak mi hku nna Wunpawng htunghking Manau Dum let chyeju shakawn kabu awlaw ai lamang hpe mung galaw nga ai rai nga ai.
Syria asuya hpyen hpung ni kaw nna majan baw kasat ai lam ni bai galaw nga ai majaw tsin yam jam jau hkrum nga ai Syria mungdan Dingdung-sinpraw maga na mungchying sha ni hpe makawp maga la ya na matu mungkan mungdan ning baw ni hpe akroi anoi lajin ai lam Wa sarabyin Francis bai galaw dat nga ai.
(9.2.2020) ya shani hta Lashio Saradaw Ginwang, Kut hkai Jau aseng, npawt shut mara nkap ai Nu Maria, Nawk ku htingnu kaw Reparation Mama Wuhpung hta magam gun nga ai, MaMa Kaba Martha Daw shi Pri Htap hte MaMa Maria Thein yan a Mama tai ai (25) ning hpring gumhpraw Jubali poi Missa hkungga hpe Wa saradaw Lucas Dau Ze woi awn let Jau ni marai (10) hte Wuhpung shagu de na Mama ni, Brother ni Myitsu kanu kawa ni hte buga na nawku hpung masha ni yawng marai (200) jan sa du shang lawm chyeju shakawn la lu sai lam kabu hpa shiga shana ya dat ga ai.
Myanmar mungdan hta, daining htum wa maga de, bai galaw na rai nga ai Ra Lata Poi galaw na matu lajang shajin taw nga sai rai nga ai. Mung masa galaw nga ai ni a matu, Ra lata poi langai mi sha raitim, mung chying sha ni a matu gaw, mungdan kata hta, shing gyim sari hte hkrat yawng a matu akyung rawng, rawt jat galaw kaba wa lu na matu hkawmsa ra na, hkrun lam langai rai nga ai.
(60) Lang na Rawt Malan Ninghtoi Wunli Sharawt Akyu Hpyi Hpawng Hpe Wunpawng Amyu Sha Mung Bawng Rap Daw ( WMR ) woi awn nna Myitkyina,Jaw Bum hta galaw la lu sai.
Coronavirus ana zinli a majaw masha marai 400 jan si hkrum lam byin nga ai Miwa gum san mungdan de Vatican kaw nna tsi myi man magap sen- 7 daram shagun jaw dat ya nga ai. Masha wan 1,300 jan shanu nga ai Miwa gumsan mungdan hta tsi myiman magap ni dum hprut nga sai, nga ai shiga ni pru wa ai hpang ya na zawn Vatican kaw nna tsi myiman magap ni shingyin nna Miwa gumsan mungdan de shagun jaw ya ai lam rai nga ai.
United Nation International Child Emergency Fund ngu ai Mungkan ting na ma ni hte seng ai ahkyak ahkyak garum ningtum wuhpung Unicef hte Myanmar Mungdan Kahtawlik Nawku Hpung Shinggyim garum ningtum hpung KMSS ni pawng hkawm let rau jawm galaw sa wa na Hka hte makau grup yin san seng lam (Wash Project) ngu ai ရေနှင့်ပတ်၀န်းကျင်သန့်ရှင်းရေး၊ တကိုယ်ရေသန့်ရှင်းရေးဆိုင်ရာစီမံကိန်း masing masa hpe hkrang shapraw galaw sa wa lu na matu tau hkrau jahkrum bawngban ai hpawng hpe lai wa sai January 31,2020 ya shani Myikyina, Awng Nan San ColumbanNawku Jawng, Jau ni a zuphpawng gawk hta galaw lai w
Sign up to our newsletter and get latest news and updates straight to your inbox!
