Buga Nawku Hpung Shiga (Local Church News)_4 September 2020

Panghkak Jau Ginwang, San Columban Sara Ninghtawn kata hta, ya ten tinang Wunpawng Mungdan Shanglawt Jawng ni Jawng hpaw taw nga ai ten, Myen Jawng lung nga ai Jawngma ni gaw, wam wam dam dam byin taw nga ai majaw, Ginwang up Wa Jau Paul Lahpai Awng Dang a matsun hte maren, Jawngma ni marai (60) jan hpe Miwa laika hte Nsi nut (Music) hpaji ni hpe sharin ya nga sai. Ndai sharin dabang hpe shanglawt jawng sha ahpaw nga yang, sharin dabang mung hpaw nga na re lam chye lu ai.

Ndai sharin dabang hpe 25 Aug, 2020 ya shani kawn hpaw hpang sai lam dai buga kaw shanu nga ai Jan Teresa Hkawn Bu hpaw tsun da nga ai. Dai majaw, Myanmar mungdan ting hta nga ai anhte a kashu kasha jawngma ni yawng mung, daining na hpaji ladaw hpe majoi aten jahtum kau ai lam n nga ai sha, chye da mai ai hpaji lama ma hpe hka ja nga ga, nga nna n gun jaw dat nga ai.

source and photo - Teresa Hkawn Bu