Cardinal Charles Bo: Du Na Ra Lata Poi hta Simsa lam a matu mye (မဲ) bang ga!

By RVA News,  1 September, 2020

Yangon Saradaw ginwang up Cardinal Charles Maung Bo gaw September 1 ya shani, shi a ndau shabra laika hta, du na ra ai Myanmar Mungdan Asuya ra lata poi hta jaw ang ai sumru dawdan lam hpe madung da nna, simsa lam jaw ai mungdan Asuya hpe lata ga ngu shadum jahprang da ai.

Mung masha yawng gaw shangai wa ai kaw nna lu la sai ahkaw ahkang hte manu dan san seng ai lit magam lu saga ai hte maren du na ra ai November shata aten galaw na ra lata poi hta teng man ai Democracy mungdan de hkawm sa wa lu hkra jaw lu ai ra lata shang lawm na matu Myanmar Mungdan, Kahtawlik Nawku Hpung Ningbaw kaw n-gun jaw da ai.

“Mung masha hkum shagu ra lata poi hta mye(မဲ) bang lu ai mying jahpan jaw da ra ai; Ra lata poi shani hta mung mye(မဲ)bang na shara hta du nga na ahkyak dik ai,” ngu September 1 ya shani na ndau laika hta n-gun jaw shadum da ai.

“Democracy mung masa lam hta Mung shawa masha ni san seng myit kaba hte shang lawm na ra ahkrak la nga ai” ngu Cardinal matut shadum da ai.

Democracy mung masa lam hta simsa lam hpe gaw de ai gaw ahkyak madung rai nga ai. Lai wa sai shaning law law ni hta simsa lam a matu nga nna, mungdan kata gap hkat majan byin lai wa sai raitim simsa lam n jaw ai sha mung shawa masha seng kaba hku si hkrum mat sai.

Mung shawa masha law law hpyen majan a majaw mare buga, sun wang, dum nta, di hkawan kaw na hkawn tawn kau da nna hpyen hprawng hprawng hkawm ra nga ai. Mungdan kata hpyen majan hte Mung shawa masha ni simsa lam n lu la ga ai.

Dai majaw, Cardinal Charles Maung Bo gaw “Simsa lam hpe jaw lu na mungdan Asuya hpe ra lata lu na gaw grai ahkyak nga ai majaw simsa lam a matu me bang ga” ngu n-gun jaw da ai.

https://www.rvasia.org/index.php/cardinal-bo-appeals-discerned-choice-during-myanmars-upcoming-elections

#rvasia

#rvamyanmar

#rvakachin