Hpang da hkrum nga yawng nga pra ladaw shaning hte seng ai hpe madat hkam la mai ai Podcasts hpe Columban Sasana Hpung kaw nna shalat shapraw dat ya ai

photo from Vatican WebsiteSeason of Creation ( September 1 - October 4)

Hpang da hkrum nga yawng nga pra ladaw shaning (Season of Creation) hte seng ai lam ni hpe masha law law Internet lam hku madat hkam la mai ai nsen file rawng ai Podcasts hpe Columban Sasana Hpung kaw nna shalat shapraw da ya ai lam August 28, bat 5 ya shani hta Vatican kaw nna ndau da ma ai.

“The Season of Creation” gaw Kahtawlik Nawku Hpung kata, Wa Sarabyin kaw nna, Nawku Hpung masha ni madung da sumru akyu hpyi, hkan shatup sa lu na matu yaw shada let masat da ai nawku daw jau ladaw a ga baw ginlam rai nga ai.

“The Season of Creation” nhtoi hpe 2020 September 1 ya shani hta, “hpang da hkrum nga yawng nga pra a matu mungkan akyu hpyi nhtoi” ngu ai masat dingsat nhtoi hte hpang na rai nna, 2020 October 4, grupyin shingra hpaji ninghkring ni a kam hpa shara, San Francis Assisi a poi nhtoi du hkra matut manoi rai na lam chye lu ai.

Htunghking lu ai Hkristan masha ni yawng gaw ndai shata mi na matu san da ai “Season of Creation,” hpan da hkrum nga yawng nga pra ladaw hta akyu hpyi magam, grupyin san sen ai magam, hte hpan da hkrum yawng hpe makawp maga shatsawm jahtap ai magam hte seng ai magam ni hpe ta tup hkan galaw shatup na matu saw shaga da hkrum saga ai.

Mungkan ga a matu Jubilee shaning hte seng nna, Columban Sasana Hpung ni “Hpan da hkrum nga yawng nga pra hte seng ai ladaw a lam” hpe August 31, bat 1, ya shani kaw nna Podcast mara hpang na re lam chye lu ai.

Washongton, Ireland, US, England, Philippines, Hong Kong, Dingda Korea, hte Myanmar mung ni kaw Sasana shang nga ai Columban Sasana Hpung a “Justice, Peace and Integrity of Creation (JPIC) rung ni kaw nna Nsen hte mung sumla hkrung nsen hte mung shapoi sa wa na lam chye lu ai.

San Columban Sasana Hpung hpe 1917 shaning, Jau Edward Galvin hte Jau John Blowick yan Ireland mungdan hta hpang wa ai. San Columban Sasana Hpung mying hpe shawng de Europe kaw nna Ireland kaw Sasana shang let, 615 hta nnga mat sai San Columbanus (shr) Columban a myit hpe lakap nna gaw de da ai hpung rai nga ai.

28 August 2020, 16:26

https://www.vaticannews.va/en/church/news/2020-08/columban-missionaries-season-creation-podcasts-pakistan.html

#vaticannews

#rvakachinservice

Add new comment

10 + 3 =