Laiza Muklum De Du Shang Wa Ai Ni Quarantine 14 Ya Rawng Ra

Corona Virus ana zinli kap bra ai kaw na makawp maga lu na matu, Wunpawng Mungdan Shanglawt Uphkang Dap, Ginjaw rai nga ai Laiza Mare de shang wa ai ni yawng, tinang a lusha jarik hte nhtoi 14 ya hkamja lam jep hkam dabang Quarantine rawng ra na re lam chye lu ai.

Corona Virus ana zinli Myanmar Mungdan kata hta  lahkawng lang numdaw hku nna kalang bai kap bra jat wa ai hte Jinghpaw Mungdaw makau grup yin ni de du hkra lawan ladan kap bra nga ai lam ni a majaw, grau nna gaw, Covid-19 ana kap ai masha the hkrumzup ai lam nnga ai, Maigan hte Mungdan kata bu  hkawm ai lam mung nnga ai, tinang a Mare dum nta kaw sha nga ai ni hta mung ana kumla n madun ai sha Corona Virus kanu kap ai lam jep mu ai majaw tsang ra ai ngu myit nna ya na zawn galaw ai re lam chye lu ai.

Laiza Muklum de

September praw 9 ya shani kawn du shang wa ai kadai raitim, Mai Sak Pa Check Point gate shinggan kaw nna du shang ai rai jang, hkamja lam jep hkam dabang kaw 14 ya hkam la ngut ai hpang Mare de shang lu na re

ai lam, Mare kata hkawm sa ai ni yawng mung n-gup magap Mask shakap nna sha pru hkawm ra na re lam September praw 8 ya jahpawt Laiza TV shiga dap kawn ndau shabra dat ai hte maren chye lu ga ai.

Ya dai ni 2020 September 8 ya, jahpawt hkying 8:00AM du hkra rai yang, Myanmar Mungdan hta Corona Virus ana kap hkrum ai masha marai 1,610, ana a majaw si hkrum ai marai 8, bai mai tsai wa ai masha marai 388 rai nna ya ten hta machyi masha 1,213 tsi tsi lajang nga ai lam, ana lawdik htum kap hkrum ai ginra ni gaw Yangon Mare kaba hta marai 738 hte Yahkai Mungdaw hta marai 565 re.

Jinghpaw Mungdaw na masha marai 2 ana kap hkrum ai raitim, Yangon kaw sha quarantine galaw nna  tsi tsi lajang la nga ai re lam Mungdan hkamja lam hte Ginsup Lam Hkringmang dap kawn ndau da ai hte maren chye lu ga ai.

Thomas