Tarahkaw Sara ni hte Tara Laika gaw galoi mung arau rai nga ra ai. Tara Laika gaw Karai Mungga hpe nsen shapraw ya ai. Tarahkaw Sara ni gaw Chyum laika hte htep lahti rai nga ra ai.
Mungdan shagu na ningbaw ningla ni mung ndai lam hte seng nna hpandap ni hpe shadum sadi jaw ai lam ni galaw da ma ai lam nga ai. Mung shawa masha ni ra lata nna Asuya ningbaw tai wa na ni hpe bai dat ya na hte shanhte lu la ang ai daru magam arawng aya bai ap jaw na matu mung hpyi shawn da ma ai lam Vatican Shiga Dap kaw nna mung ndau da ya ma ai.
January 27, laban bat masum ya shani, “shawa masha ni hte hkrum shaga ten,” Wa Sarabyin Francis, anhte marai hkum shagu a matu ka da ai chyum laika hpe hpaw hti nna akyu hpyi let sak hkrung hkawm sa ai gaw ahkyak ai ngu sumru woi da nga ai.
2019 December shata hta Miwa Mung, Wuhan Mare kawn chyam bra hpang wa ai Covid-19 Corona Virus kap bra ana zinli gaw dai ni ten du hkra matut byin nga ding yang rai nga ai re. Virus byin ai aten ladaw laning mi jan wa sai raitim, ana hpa tsep kawp makawp ninghkap lu ai lam n galaw lu shi ai rai nna, ya ten hta Mungkan Mungdan nkau ni hkan ana hpe tau hkrau makawp maga lu na tsi ni hpe masha shagu gu gu ra ra htu lu na matu hkyen lajang nga ma ai.
Dr. Martin Luther King Jr, a prat hta awng dang lai wa ai shagrau masat dingsat galaw ai lam hpe madi shadaw ai lam Wa Sarabyin Francis masat masa galaw ai laika hpe shagun dat ai lam January 18, bat langai ya shani Vatican Shiga Dap kaw nna ndau da ma ai.
Dr. King a shinggyim masha ni lapran simsa lam hte htingram lam, bai, rap ra hkam sha lam ni a matu galaw shakut shaja ai lam hpe Wa Sarabyin hkum nan shakawn shagrau da ai lam rai nga ai.
Poi shabyin shatai Komity woi awn ningbaw Cardinal Charles Bo a matsun hte maren, dai ning 2021 ning na 119 lang ngu na Nyaunglebin Maria Poi hte Novena Akyu Hpyi ai lam ni hpe online lam yan hku nna sha galaw na matu Poi Komiti ni kawn hkyen lajang nga ma ai lam chye lu ai.
Caritas Indonesia (Karina) woi awn let Indonesia Mungdan kata Sulawesi mungdaw a sinna maga nga ai Makassar Saradaw Ginwang hta lamu ga n-nang nawn kaba lai mat ai wa lam...
January 12, bat lahkawng (2) ya shani Vatican Shiga Dap kaw nna ndau ai hta daining 2021 shaning na Lu Sha Gam Ladaw shang ai Wanwu chya nhtoi hta wanwu hpe gara hku chya ra ai lam hpe “The Congregation for Divine Worship” kaw nna matsun da ya ai.
Ndai matsun hte maren Mungkan ting magam gun nga ai Jau ni yawng hkan shatup sa wa na matu mung n gun jaw shadum da ai.
Covid-19 kap hkra Ana Zinli a majaw masha law law nmai hpawng de nga ai ten hta Yinjang Jau Ginwang kata na hpung masha ni a Nawku daw jau ai lam hta shakut shaja nga ai lam
Shaning shagu January 18 – 25 lapran galaw ai Hkristan Nawku Hpung shagu na Nawku Hpung masha ni galung kahkying gumding lam a matu bat mi tup hpawng de akyu hpyi ai aten bai du wa sai rai nga ai.
Daining 2021 shaning na matu manoi ga gaw “Abide in my love and you shall bear much fruit”, “Ngai a tsaw ra myit hta noi nga mu, shing rai jang nanhte apu asi law law si wa lu na mara ai” ngu ai rai nga ai (Yawhan 15:5-9).
Sign up to our newsletter and get latest news and updates straight to your inbox!
