RADIO VERITAS ASIA (RVA) SHIGA SHAPOI DAP MAGAM GUN NI MYANMAR MUNG MASHA NI HTE RAU RAI NGA GA AI

Karai Kasang a ngwi pyaw sim sa ai hte nau na myit majing hte shakram dat ga ai!

Myanmar mungdan kata yak hkam jam jau nga ai ndai aten ni hta, mung shawa masha ni shinggyim ahkaw ahkang hte teng man rapra sim sa lam lu na matu shakut nga ai mung shawa masha ni hpe RVA magam gun ni yawng n gun jaw madi shadaw nga ga ai.

Ya na zawn re ai mung masa lam a majaw yak hkak jam jau hkrum nga ai mung masha ni sim sa lam lawan dik ai hku lu la mu ga, RVA magam gun ni Myanmar mung shawa masha ni hte rau sha rai nga ga ai hte akyu hpyi let mung shang lawm nga ga ai.

Ya na masa lam hte seng nna, Cardinal Charles Bo (Myanmar) a “statement” ndau laika hpe mung madi shadaw ga ai.

“Ya byin nga ai ai mung masa lam kaw nna prinem htingram ai mung masa lam de du wa lu la hkra seng ang ai ni shada man hkrum, hkrum shaga jahkuk shatsawm jahtap la ga,” ngu Cardinal Charles Bo, seng ang ai ni hpe shadum hpaji jaw da n-gun jaw da ai rai nga ai.

Simsa lam gaw anhte shinggyim masha ni a lata hta nga ai hpe RVA magam gun ni kam ga ai. Simsa lam de hkawm na matu lam langai sha nga ai. Cardinal Charles Bo, February 3, 2021, hta mungdan shagu na wuhpung wuhpawng ni hte rapdaw hpung ni hpe ndau shana ai mungga hta tsun da ai hte maren, “Democracy mung masa lam gaw simsa lam hpe jaw ai nhtoi rai nga ai.”

Wa Sarabyin Francis a akyu hpyi ga hte rau sha, Myanmar mungdan kata mung shawa masha ni yawng a akyu ara kaba matu, myit kraw lawan kata kaw nna nan, tara rapra lam hte mungdan simsa lam hpe jaw ya ai democracy myit jasat bang let Myanmar mung masha ni hte rau Myanmar mungdan simsa lam a matu akyu ya nga ga ai.

“Dai Mai Kaja Ai Lam Gaw Sim Sa Ai Lam Galaw Ai Ni Sim Sa Ai Hta Gat Hkai Nna Shabyin Shapraw Dat Ai Apu Asi Rai Nga Ai.” (Yaku 3:18)

Hkristu Hta,

Wa Jau Victor F. Sadaya, CMF

General Manager

RVA

Translated by Fr. Patrick Gawmaw Hkawng Yae