2021 Ning Na Nyaunglebin Nu Maria Poi Online Hku Galaw Na Matu Hkyen Nga

119 Lang ngu na Nyaunglebin Nu Maria Poi galaw na hte seng nna Myanmar Mungdan Kahtawlick Saradaw Wuhpung, Ginjaw Rung kawn hpung masha ni yawng hpe ndau shabra shana dat ai lam January shata 18 ya shani shapraw dat ma ai.

Poi shabyin shatai Komity woi awn ningbaw Cardinal Charles Bo a matsun hte maren, dai ning 2021 ning na 119 lang ngu na Nyaunglebin Maria Poi hte Novena Akyu Hpyi ai lam ni hpe online lam yan hku nna sha galaw na matu Poi Komiti ni kawn hkyen lajang nga ma ai lam chye lu ai.

2021 Frebruary praw (5) ya shani kawn (14) ya shani du hkra galaw na rai nga ai Maria Poi hpe htap htuk manu ai hku galaw na matu akyu hpyi myit dum ya ai lam, hpaji jaw ai lam, alu ja gumhpraw hku nna garum madi shadaw ai lam ni hpe mung galaw mai ai lam, Misa hpyi mayu ai Nu Wa Hpu Nau hpung masha ni hku nna Nyawng Lay Byin Ginwang Up Wa Jau Jude a Phone numbat (09-650003899) de matut mahkai nna Kpay, Wave Money ni hte shagun jaw ya mai ai lam ndau da nga ai.

Bai nna, Ndai Nyaunglebin Nu Maria Lungpu makau na Acre (1.3) dam ai Laika Sharin Jawng dingsa shara hpe mung Tara shang lu mari da sai re ai lam, dai shara hta Poi galaw ai ten akyu hpyi ai shara ni galaw jat na matu, Lamu ga shara ai lam, tsing hkai shatsawm ai lam, hka nawng lam htu nna wang nhpan kum shajip ai lam ni the Poi Komity rung the Alu hta ai shara htap lahkawng ginra nta hpe mung galaw nga ai lam chye lu ga ai.

Lai wa sai 2020 Ning hta mung, Maria poi hpe galaw na matu yawng hkyen lajang da ai raitim, Covid-19 ana zinli Myanmar Mungdan de chyam bra wa ai majaw bai jahkring kau ra mat ai re lam poi Komity ni kawn ndai da ai laika hta lawm nga ai.

Nyaunglebin Maria Poi a matu laksan alu bang mayu ai ni gaw lawu na Bank Account ni de matut mahkai nna alu bang mai ai lam chye lu ai.

KBZ Bank Account -  U Hla Win (Acc No – 2223020600293301

Viber – 095013275 (Alu gumhpraw sa ai Receive Screeshoot (အလှူငွေချလံ or Screenshoot)

Kpay, Wave Money

Fr.Jude (09650003899 ), Daw Kyu Kyu (0925055533)