Shiga

(19 ) Lang Ngu Na Chyihpwi Jau Ginwang Ramam Dabang Galaw Nga Ai Shiga
Wednesday, March 24, 2021

19 ) Lang Ngu Na Chyihpwi Jau Ginwang , Chang Yin Hku Mare, San Vicent De Paul Nawku Janwg Wang Hta, 2021, March 22 – April 8 Ya Shani Du Hkra, Ginhtawng Ramma Dabang Hpe, Brother Paul Naw Bu Tu Hkum Kaw Na Woi Awn Let, Ginwang Up Wa Jau Peter Tang Gun, Clay Center Kaw Na Sara/num Ni, DYC Ramma Ni Hte, Chyihpwi Jau Ginwang Kata Na Ramma Marai ( 80 ) Shang Lawm Let, Ramma Dabang Hpe Hpaw Hpang Galaw Taw Nga Sai Rai Nga Ai.

Congratulations Monsignor.Francis Lum Dau
Sunday, March 21, 2021

 

RVA Jinghpaw nsen shapoi dap hta  labau shang shawng nnan  magam gun lai wa sai Wa Jau kaba Monsignor Francis Zukdaw Lum Dau a Karai magam gun jau tai ai ( 50 ) ning hpring Ja Jubali chyeju shakawn nhtoi shani hpe  kabu gara chyeju dum ga ai.

Myanmar Mung Shawa Masha Ni A Shinggyim Ahkaw Ahkang Dip Da Hkrum Ai Prat
Thursday, March 18, 2021

Vatican Shiga Tsun Ai Myanmar Mung Shawa Masha Ni A Shinggyim Ahkaw Ahkang Dip Da Hkrum Ai Prat

  Myanmar mungdan kata mung shawa masha ni a shinggyim ahkaw ahkang dip da hkrum ai ngu United Nations na shinggyim ahkaw ahkang hpaji ninghkring ni sawk sagawn nna UN Human Rights Council de March 11, bat mali ya shani, tang shawn da ma ai hpe Vatican Shiga Dap kaw nna ndau da ya ma ai.

Wa Sarabyin: Philippines Mungdan De Kahtawlik Sasana Shang Ai (500) Ning Hpring Ladu Hkrum Misa Hkungga Nawng Jau Ya
Tuesday, March 16, 2021

Kabu pyaw ai lam gaw tinang hkum hpe ap nawng ai hta sha nga ai. Anhte tsaw ra magang jaw lu magang rai nga ai. Dai majaw hpring tsup ai kabu pyaw lam gaw, Karai Kasang Shi a Kasha shingtai anhte hpe jaw ya ai zawn, anhte ni tinang hkum hpe ap nawng let daw jau ai lam rai nga ai .

Wunpawng Amyusha Ni A Gawng Malai Mungmasa Lam Hta Shamu Shamawt Lu Na Matu KPICT Ngu Ai Wuhpung Hpaw Ninghtan Da
Tuesday, March 16, 2021

Ya byin nga ai Mungmasa Manghkang ni hta hkan nna, Pranwan aten hta Wunpawng Amyusha ni a gawng malai, ra ang ai wuhpung ni hpe matut mahkai bawngban sa wa na matu "Wunpawng Amyusha Mungmasa Ginrat Hpung" (Kachin Political Interim Coordination Team: KPICT) hpe hpaw shabawn dat sai lam chye lu ga ai.

 

Hungary De Misa Hkungga Sa Nawng Jau Na Wa Sarabyin Francis Hpe Hungary Saradaw Ni Kabu Gara Hkap Tau La
Monday, March 15, 2021

Wa Sarabyin Francis Iraq Mungdan kaw nna March 8, bat langai ya shani Vatican de bai nhtang wa ai shaloi nbung li ntsa shiga dap kaw na ni hte hkrum shaga ai lamang hta du na September shata hta International Eucharistic Congress “Mungkan Mungdan Misa Hkungga Zuphpawng Kaba” ginchyum dat shangut ai Misa Hkungga nawng jau woi na matu Budapest de sa du na lam tsun dan wa ai lam chye lu ai.

 

Wa Sarabyin: Iraq Hkrun Lam Lahkawng Ya Shani, “Abrahamic Religions Dakkasa Masum Hte Hkrum Shaga Ai”
Friday, March 12, 2021

March praw 5 ya shani Vatican kaw na jahpawt 7:45 AM, aten hta nbungli hte rawt ai.

 

Wa Sarabyin Francis Italy kaw na Iraq hte nbungli hte hkawm sa ai shaloi, Greece, Syprus, Palestine, Israel, Jordan ni hpe lai sa wa ai rai nna mungdan langai lai shagu shakram ga tsun let dai mungdan a matu akyu hpyi ya lai wa ai lam Vatican kaw nna shi a shakram akyu hpyi ga hte rau ndau da ma ai.\

Iraq mungdan aten 2:00 PM, aten hta “Middle Eastern nation of Iraq” de du shang wa ai.

 

Vatican Amu Madu Cardinal Pietro Tsun Dan Ai Wa Sarabyin A Iraq Hkrun Lam
Friday, March 12, 2021

Wa Sarabyin Francis Iraq Mungdan De Sa Kawan Ai Gaw Iraq Na Nawku Hpung Hte Ni Htep Ai Kumla Madun Ai Rai Nga Ai Ngu Cardinal Pietro Parolin Tsun Da Ai

 

Wa Sarabyin Francis a Iraq de hpung kawan ai hkrun lam hte seng nna Vatican Shiga Dap kawn hkrum shaga ai “interview” hta Vatican Amu Madu Cardinal Pietro Parolin a ningmu hpe Vatican kaw nna ndau da ya ma ai.

 

Shi tsun ai hta “Wa Sarabyin Francis a Iraq hkrun lam gaw dai mungdan na nawku hpung masha ni hte ni htep ai kumla kaba nan re ai” nga ai.

 

Wa Sarabyin: Iraq Hkrunlam Mali Ya Ngu Na Shani, Labau Shang Iraq Hkrunlam Ngut Ai Hpang Iraq Mungdan Hpe Shakram let Vatican De Bai Nhtang Wa
Friday, March 12, 2021

Wa Sarabyin Francis Iraq mungdan de March 5 ya shani hkawm sa hpang ai rai nna praw kru, pru sanit ya nhtoi ni hta mungdan kata na mungdaw law law de hkawm sa let mungdan gumsan magam hte rau mungdaw hkringmang daju ni, bai makam masham hpung shagu na hpung woi hpa-awn ni hte rau mung shawa masha law law hte hkrum shaga ai lam hte nawku daw jau ai lam ni hpe rau galaw lai wa ma ai.

Iraq Mungdan Na Nawku Hpung Hte Hkristan Wuhpung Ni A Lam (Daw Lahkawng)
Thursday, March 11, 2021

 

Shim Lum Lam N Nga Ai Hkristan Wuhpung Wuhpawng Ni Jahkrit Shama Hkrum Dingyang rai Nga Ai.

Quick Links