Myit Shadang Ai Lam Hpe Hting Hkang Bawng Ban Na Matu Wa Sarabyim Tsun

Wa sarabyin tsun ai hta, “Majan gaw si hkrung si htan lam hte jahten shaza lam ni hpe chyu sha byin pru shangun na re, shada hpyen ngu ai masa mu mada hkat nga ai lam ni hpe shamyit shatsai kau lu hkra, myit shadang ai lam ni hpe hting hkang da nna bawng ban jahkrum ai lam ni galaw ga” nga nna mungdan langai ngai hpe mying shatut ai lam n galaw ai sha Wa sarabyin tsun dat nga ai. De a hpang San Peter pa kaba hta du hpawng nga ai shawa hpawng kaba hpe hkring mi azim sha nga nna ndai lam a matu akyu hpyi na saw shaga ai lam wa sarabyin galaw lai wa ai.

Iran mungdan a tsaw dik htum ai hpyen du kaba langai hpe lai was ai bat 5a ya shani Iraq mungdan hta American hpyen nbungli kaw nna baw kapaw sat kau ai lam a majaw Iran the American mungdan lahkawng lapran majan kaba byin wa na masa byin pru nga ai aten ya na zawn Wa sarabyin a tsun lajin ai lam pru wa ai rai nga ai.

American hpyen nbungli the kapaw sat kau hkrum lai wa ai Iran mungdan a hpyen du kaba Qassem Soleimani gaw Quds ngu ai Iran mungdan hpyen dap a dap awn daju rai nga ai zawn, mungdan shinggan na Iran hpyen magam lam ni ma hkra hpe lit la nga ai hpa-awn hpyen du kaba mung rai nga ai. Ndai zawn shanhte a hpyen du kaba hpe American ni kapaw sat kau ya ai majaw hpyen masa the matai htang ai lam ni bai galaw na re, nga nna Iran mungdan asuya kaw nna tsun nga ai majaw mungdan lahkawng lapran majan kaba byin pru wa na masa lam ni rawt tsaw wa nga ai rai nga ai, ng anna Vatican shiga dap kaw nna shana dat nga ai.

Source - Vatican News