Korea mungdan Cardinal Sak Hkrung Nga Lu Na Matu Simsa Lam Gaw De Ga Nga Tsun Shadut Dat Ai Shiga!

Korea Mungdan, Seoul Saradaw Ginjaw Ginwang Up Archbishop, Cardinal Andrew Yeom Soo-jung gaw June 9, bat 4 ya shani, (21) lang ngu na South Korea mungdan Kahtawlik Rapdaw hpung a matu Misa hkungga nawng jau lai wa sai rai nna masha 43 sa du sa lawm ma ai lam chye lu ai.

Misa hkungga hta matsan mayan ni hte atsam n’nga sai ni hpe garum shingtau la na matu mung masa galaw nga ai ni hte rau jawm galaw nna simsa lam hta sak hkrung nga lu u ga shingyim asak hpe makawk maga ga ngu saw saga da ai.

San Peter htingnu hta Lai wa sai March 27 hta Wa Sarabyin htuk shapraw ai “Urbi et Orbi” “mare hte Mungkan” ngu ai akyu hpyi ga hte lai wa sai 2019, “World Day of Peace” “Mungkan simsa u ga nhtoi” hta Wa Saradaw Francis a mungga “garum shingtau ai lam hta laklai grau ai hku galaw sa wa ga” ngu ai lam hpe sumru nna chyambra nga ai Covid 19 ana tsin-yam hpe gasat shamyit kau na matu saw saga da ai re.

Kahtawlik lahta rapdaw magam gun ni myit hpawn let mung masha yawng hpe gahkring gumding ai hku woi awn sa wa lu na hpe mung myit mada ai nga nna Koria, Seoul Sasana lit hkam Cardinal Yeom tsun ai nga nna Vatican Wedsite kaw ndau da ma ai hpe RVA Jinghpaw nsen shapoi Dap kawn shalai ndau ya dat ga ai.

10 July 2020, 17:13

https://www.vaticannews.va/en/church/news/2020-07/south-korea-cardinal-yeom-mass-catholic-congressmen-national-ass.html

Add new comment

6 + 8 =