Myanmar Mungdan Saradaw ni a Zuphawng

Myanmar mungdan kata hpyen masa hpe tawn kau da nna, simsa lam hta arang bang na hte, Covid – 19 tsin-yam hpe rau jawm gasat na matu ra nga sai. Ra lata shaning mung rai nga ai hte myit mada shara kaba ai shaning mung rai nga ai nga nna Myanmar mungdan na Wa Saradaw ni yawng nsen hpe na lu ai.

Du na November shata hta (3) lang ngu na ra lata poi hpe bai galaw na re majaw Democracy hkrang de grau bung ai hku shatsawm sa wa na re ngu kam nga ma ai. Myanmar mung masha ni 1962 – 2011 shaning du hkra hpyan dap ni up hkang ai npu kaw nga lai wa sai rai nga ai. 2010 ra lata ladat de sit shang wa ai.

Awng San Su Kyi woi awn ai NLD party ni 2015 shaning kaw ra lata awng dang ai majaw mungdan hpe woi awn hpang wa lu ai. Raitim, myusha garan ginhka ai hte kaga mang hkang ni law law naw nga nga ai. Rohingya ni hpe myusha garan ginhka ai lam, mungdaw shanglawt lu na matu shakut nga ai ni hpe gasat ai lam ni naw nga nga ai. Ndai zawn re ai lam ni a majaw mungdan kata simsa lam n nga taw ai.

June 29 hta htuk shapraw ai ndau laika hta mungdan kata simsa lam n nga shi ai lam matu nga taw ai majaw myit npyaw ga ai ngu ka da ma ai. Jinhpaw mung daw, Rahkine mungdaw ni hta hpyan man hpaw nga ai lam ni nga nga ai.

Myanmar mung kata hta myusha shada bying ai hpyan majan gaw dai ni du hkra kadai mung awng dawm lu ai nnga shi ai. Hpyan a majaw si htum mat ai ni hte matsan jam jau hkrum ai ni sha law jat wa ai. Ramma ni mung lam dam mat ma ai hte hten rung wa mat ma wa sai. Hpyan gasat ai mungdan a n mat hkraw ai akyang hten ai yawga rai nga ai.

Refugee camp ni hta nga ai hpyan yan masha ni a shinggyim ahkaw ahkang hpe manu shadan ya na matu mung hpyi shawn da ma ai. Lanam ta hta chyambra ana mang hkang mung grau jat wa na masa nga ai majaw shinggyim nau na shada garum shingtau lam galaw ai hta yawng shang lawm ga nga nna mung shadum da ma ai. Mung shawa ni a shinggyim ahkaw ahkang hte bawng ring lam hpe madung da myit mang sa wa na matu Mungdan Asuya hte hpyen dap woi ni hpe hpyi sawn da ma ai lam hpe RVA Jinghpaw nsen shapoi dap kawn ndau dat ga ai.

Translated by Fr. Patrick Hkawng Yae