Nawku Hpung Shiga

July 5, laban shani, Dominican Republic Mungdan (President) Gum San Magam nnan lata nga sai Shiga!

 (Mordern Revolutionary Party) Prat masa hkan party hpung kaw na Luis Abinader, Covid-19 ana jep mu ai lam nnga ai majaw lai wa sai shata hta kaw mung masha ni a nsen hkap la daw dan ai shaloi, Mung Shawa Hking Mang dingsa Gonzalo Castillo hta masat 20 lai jan grau ai lam chye lu ai.

Castillo gaw lai wa sai 16 kawn up hkang wa ai Dominican Gumsan magam mungdan party na (candidate) tang da hkum ai wa rai nga ai.

Shawng lang na ra lata poi hta dang da ai rai nna lahkawng lang ngu na hta npru mat ra hkra Candidate mye masat tsa shadang 50% lai jan nna lu ra ai. Gumsan Magam dingsa Leonel Fernandez gaw ra lata poi hta no. 3 kaw nga taw ai. shawng na lang ra lata poi hta dang da ai Gumsan Magam dingsa Danilo Medina gaw gawda tara a majaw ndai aten hta part da hkrum nga ai.

Chyambra ana zingli a majaw hkawm sa hkawm wa lam yak taw nga ai hte masha jahpan hta yak taw nga ai lam mung chye lu ai. Akyang byak ai lam hpe gasat na matu ahyak ai.

Ra lata ai lam hta  Lahta Rapdaw malawm 190 hte Lawu Rapdaw malawm 32 hpe mung mye bang sa wa na re lam Vatican kawn ndau da nga ai.

Francis Mungdan hte kaga Mungdan Asuya ni Cornavirus Ninghkap Hpung ni hpe kanawng n gun jaw ai shiga

Pyintik Tara Rung langai mi gaw coronavirus chyambra wa ai hte seng nna ningpawt ninghpang lam tam sawk sagawn nga sai. Ndai zawn ndau ai lam gaw Europe dan hte shawng de Soviet Union ningbaw ningla ni lapran sawk sagawn mahtai tam ai lam hta shaja hkat ai lam tsaw grau wa ai lam chye lu ai.

Pyintik mungdan hta Covid 19 a majaw masha 30,000 si mat sai lam mungdan Asuya kawn tsun da ai. Covid – 19 hpe sadi maja nga na matu Pyintik new prime Minister Jean Castex kawn sadi jaw da ai.

Wa Sarabyin: Gap hkat majan Mungkan ting jahkring mu ngu shadi jaw ai shiga

Wa Sarabyin Francis gaw Chyambra ana Covid- 19 tsin-yam hkrum sha nga ai mungkan masha ni hpe garum ai tai u ga, Mungkan ting gap hkat majan hpe tsep kawp jahkring da na matu UN shinglam Council kawn mahtai tam daw dan sa wa na re ngu myit mada ai ngu tsun da ai.

Wa Sarabyin Francis gaw Mungkan ting gap hkat majan hpe jahkring na matu chyambra Covid – 19 tsin-yam hkrum ten galang bai kahtap tsun shadum shadi jaw wa ai.

“Gap hkat majan jahkring na matu hpyi shawn da ai gaw shakawn gring ai rai nga ai. Dai zawn gap hkat majan jahkring ai rai yang she, ahkyak hkyak ra kadawn taw nga ai shingyim nau na shada garum shingtau ai lam hta sinlum simsa ai hte wang lu wang la galaw sa wa lu na re,” ngu Wa Sarabyin Laban shani na Madu Lamu Kasa Akyu hpyi ngut ai hpang tsun ai.

July 1 ya shani na (United Nations Security Council) UN Shimlam Council hta lawm ai ni yawng gaw zuphpawng hta bawngban ai gap hkat majan jahkring na matu hte kaga zuphpawng mahkyen yawng hpe myit hkrum da ma ai. Dai zuphpawng hta Lak Nak lang Hpyen Hpung yawng Covid -19 majan hpe jawm gasat na matu hpyi shawn da ma ai.

UN Amu Madu Daju (UN Secretary-General), Antonio Guterres kawn March 23 hta tang shawn da ai gap hkat jahkring na lam hpe Council malawm ni yawng madi shadaw ma ai.

March 29, Laban shani, Madu Lamu Kasa Akyu hpyi ten hta Wa Sarabyin kawn UN daw dan Myit hkrum ai ndai lam hpe hkan sa na matu lak nak lang hpung ni hpe hpyi shawn da sai rai nga ai.

Lai wa sai Laban hta mung Chyambra ana Covid- 19 tsin-yam hkrum sha nga ai mungkan masha ni hpe garum ai tai u ga, Mungkan ting gap hkat majan hpe tsep kawp jahkring da na matu UN shinglam Council kawn mahtai tam daw dan sa wa na re ngu myit mada ai hte bai hpyi shwn da nga ai.

Ya na myit hkrum daw dan ai lam ta tut ya ya nan, mung masha ni ra kadawn ai hpe akyu pru akyu rawng ai hku hkan shatup sa wa na re hpe myit mada ai lam matut tsun da ai. UN Shimlam Council mahtai tam no. 1 na n-gun rawng ai lahkam gaw simsa ai shawng lam a matu rai u ga” ngu akyu hpyi ginchyum dat da ai.

https://www.vaticannews.va/en/world/news/2020-07/presidential-election-in-dominican-republic-on-sunday.html

https://www.vaticannews.va/en/world/news/2020-07/france-and-other-governments-pressured-over-coronavirus-response.html

https://www.vaticannews.va/en/pope/news/2020-07/pope-implement-global-ceasefire-effectively-and-promptly.html