Hpu Nau Ni Hpe Yu Lakawn Ai Gaw Tinang Hkum Hpe Yu Lakawn Ai Re

          Canada mung Vancouver, British Colombia hta shanu nga ai Judi Fairholm gaw Ma ni hpe lanu lakawn makawp maga ai lam hta 35 ning bungli galaw ai Jan rai nga ai. Shinggyim masha ni hpe akyu jaw shamu shamawt ai hta Ma kaji ni hpe makawp maga hpung a aya kaba lu ai Sarama kaba mung rai nga ai

Shi gaw Sr Bernadette Mary hte hkrum shaga ai lamang hta Covid-19 ana zinli gaw nta e nga ai ma kaji ni hpe hkum shan, myit, sari sadang makru daw jahten ya ai du hkra, hkra machyi wa na kumla ni hpe madi madun tsun shapraw wa ai. Dai hta n ga, Covid-19 makawp maga ninghkap ladaw laman Online ni hpe sawt ai hku akyu shasawn let amyat htuk ai lam ni kaw na makawp maga ra na lam, hte kanu kawa ni mung ndai Covid-19 lockdown hta akyu kaja tam ra ai lam hpe hpaji jaw da ai.

“Covid 19 makawp maga ninghkap ai ladaw gaw Ma kaji ni hpe amyat hkuk lu na matu hkang shajup ai masa she byin wa ai.  Covid 19 ana zinli hpe mung tsang ra, Ma kaji ni hten run lam mung matut manoi byin wa nga ai. Nshawp ai, nhkru ai Kanu Kawa ni, jinghku jingyu ni hte yu lakawn ai ni a lapran hta Ma kaji ni gaw dingbai dingna jaw ai ni hte rau nga ra ai mabyin masa gaw grai tsang ra ai” nga nna Judi tsun ai.

Ma kaji ni a arawn alai shai wa ai hpe mung sadi sahka let maja yu na matu ahkrak wa sai. Shanhte grai pawt chye wa sai kun? Galoi mung maja let sam maram ai hte ma kaji ni hpe madat ya, chye na ya ai gaw shanhte hpe garum madi shadaw ai lam rai nga ai.

Ma kaji a arawn alai tsun shaga ai kumla ni hpe lapran/kaga masha langai hku madat chye na ya let hpa majaw ning re ai, ngu nna mahtai hpaji jaw ya ra ai.

Lockdown laman hta Online hta gasup nga ai, n wawm sai, nga na sha nmai ai. Ma ni Online lang ai aten hte shanhte a lai asam ni hpe reng hkang yu lajang na Kanu Kawa ni a myit tsang hpa mung tai wa ai.

Ndai aten hta Kanu Kawa ni hte kashu kasha ni hkrumzup let bawngban aten jaw ai lam gaw kaja dik ai mahkrun lam re ai. Ram part hta tsang ra ai lam, shakut manoi ra nga ai lam, ahkaw ahkang ni hte n htap n htuk ai lam ni hpe bawng ban let woi awn la na Kanu Kawa ni a lit kaba rai nga ai.

Kashu kasha hte tinang a dinghku a matu tinang hkum nan shadawn sharam koi gam ra ai. myit npyaw, pawt sindawng ai lapran shading sharai, myit n gun atsam ban la lu hkra, myit marai hpring let hkawm sa sakse hkam chye ra ai.

Kanu Kawa ni kashu kasha ni hpe myit mada lam pra pra chye shangun lu na matu : Kashu Kasha ni hpe – lit la shangun let n gun jaw ra ai. Mawn mawn galaw ai kyang lailen ni hpe shaman na matu tara masat let sharin shaga ya ra ai.

Kanu kawa ni Ma ni hpe tara masat let sharin shaga ai gaw Ma ni tengman ai myit hte hkawm sa lu na marai bang ya ai re, nga nna Judi madi shadaw hpaji jaw sai.

#rvakachinservice

#vaticannews

https://www.vaticannews.va/en/world/news/2020-06/child-protection-safegu...