Wa Sarabyin: Covid-19 Tsin-Yam Hkrum Nga Ai Ni Hte, Ni htep Ai Hku Matut Nga Ai Lam Madun

Wa Sarabyin Francis

Covid – 19 tsin-yam hkrum ai ni hpe garum nga ai (World Food Programme) Mungkan malu masha garum pahtau hpung ni hpe alu jaw bang garum mu ga matu Wa Sarabyin Francis, shi hkum nan atsam dat garum lawm nga ai re ngu Vatican Shiga Dap kawn ndau da nga ai.

 

Nna shi ai aten hta, Wa Sarabyin Francis gaw Covid -19 mayak mayak hkrum nga ai ni hte ni ni htep htep nga lai wa rai nna, Euros 25,000 World Food Programme (WFP) Mungkan Malu Masha Garum Pahtau hpung hpe alu jaw bang ya lai wa sai rai nga ai.

Wa Sarabyin alu galaw ai lam hpe lai wa sai bat manga ya shani hta galaw ai lam (the Dicastery for the Promotion of Integral Human Development) Shingyim Bawngring Lam hte matut manoi ai ai Roma rung kawn tsun dan ma ai. Dai rung kawn htuk shapraw ai ndau laika hta

 

 “Ya hte ten hta Wa Sarabyin dai zawn galaw nga ai gaw Chyambra ana zingli hkrum sha nga ai ni hte, matsan jam jau hkrum nga ai ni hte, ni htep ai hku nga nga ai lam dan dawng nga ai rai nga ai.”

Wa Sarabyin a alu galaw ai lam gaw Roma mung na Discastery rung mahkrun lam hku shalai ai lam galaw ai. Sarabyin Rung Hkrang masa hte galaw sa wa ai hpe tsun dan ai rai nga ai.

 

Wa Sarabyin gaw Covid -19 tsin-yam hpe gasat sat shamyit kau na matu galoi mung madi shadaw ai wa rai nga ai.

 

Covid -19 tsin-yam hkrum ten hta, grau nna, hkam ja lam hte seng ai makawp maga tsi arung arai yak hkak chyam chya nga ai mungdan ni hpe nsa marawp jak 35 alu galaw da sai rai nga ai. Ja gumhpraw hku na mung Euro Seng 20 daram garum da sai rai nga ai. Ndai zawn galaw ai gaw, grau nna, Covid -19 tsin-yam hkrum ai ni hte matsan jam jau nga ai ni hte ni ni htep htep nga ai hkrang kumla nan rai nga ngu mu mada let RVA Jinghpaw Nsen Shapoi Dap kawn ndau dat ya ga ai.

 

03 July 2020, 15:04 Source : Vatican News

Add new comment

9 + 0 =