Wa Sarabyin: San Andrew A Shawang Myit Kaba Gaw Yak Hkak Ai Aten Ni Hta N-gun Tai Nga Ai

Wa Sarabyin Francis gaw November 30, bat 1 ya, San Andrew a Poi nhtoi shani, Constantinople na Saradaw Kaba, Patriarch Bartholomew I hpang de shagun laika langai mi shagun dat ai lam chye lu ai.

Kasa San Andrew a shawang tsawra myit kaba ai hte garum shingtau chye ai myit gaw sasana myit kaba ai hte shakut shaja gun hpai chye ai myit jasat nan rai nga ai. Dai gaw anhte yak hkak nga ai aten ni hta n-gun la hpa kaba nan rai nga ai.

San Andrew gaw makam masham a majaw zingri hkrum ai aten ni hta Karai Kasang hpe kam sham myit kaba ai hte hkam sharang lu ai kasa rai nga ai.

Chyam bra ana zingli tsin-yam hkrum sha nga ai mungkan shara nkau ni hta majan mung naw matut taw nga ai majaw yak hkak jam jau ai lam ni law law hkrum sha nga ai rai nga ai. Dai gaw masha law law a asak hpe dan la kau ya nga ai.

“Sinsa lam a matu mungdan shagu hta galaw nan galaw shakut ra nga ai. Dai zawn simsaa lam hpe lu la na matu gaw, masha hkum shagu nau na myit rawng let yak hkak ai lam ni hte shada n-kam n-hten ai lam ni, bai tara tawk lai nna hpra lu hpra sha ai lam ni hpe shazim shamyit kau lu ra na re”, ngu Wa Sarabyin tsun da nga ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-11/pope-francis-charity-of-st-andrew-encouragement-in-difficult-ti.html