Wa Sarabyin: December Shata Na Akyu Hpyi Ai Yaw Shada Lam Hpe Ndau Ya Ai

December 1, bat 2 ya shani, Online Video hku December shata a yaw shada lam hpe Wa Sarabyin Francis ndau ya ai. “Akyu Hpyi let sak hkrung nga ga.”

“Akyu Hpyi” ai a atsam kaba ai lam gaw anhte a myit masin salum hpe jasan jaseng ya ai; teng man ai lam hpe jaw ya ai; Hkristu Yesu hte nihtep grau ai hku hku hkau lu na matu n gun jat bang ya ai.

Internet, website, social media hte Radio nbung lam ni hku akyu hpyi ai “Worldwide Prayer Network” kata mungkan masha yawng rau jawm akyu hpyi na matu Wa Sarabyin Kahtawlik Nawku hpung masha ni hpe kam myit kaba hte shatsam dat ai.

Chyam bra ana zingli tsin-yam hkrum shaning hta Kawa Karai Kasang hpang de akyu hpyi ga tsun shaga lu na matu Yesu Madu a prat hpe kasi la hkan sa na matu Wa Sarabyin Francis n gun jaw da ai.

Akyu Hpyi ai hte sak hkrung sa ai gaw Yesu Madu hte hku nau lu nna, anhte a masin salum mung galai shai tsawm htap wa na re. Yesu Madu a nsen hpe madat hkam la ga; Yesu Madu a lam myit sumru nga ga. Shi hte manang zawn ga shaga let anhte a prat hpe galai shatsawm la ga. Ndai hku galaw ai gaw anhte hkum hpe Kawa Karai Kasang hpang de grau nihtep shangun ai rai nga ai.

Akyu Hpyi Ga gaw galai shai lam hpe byin shangun ai. Anhte ni lu galaw ai lam law law nga na re; raitim, akyu hpyi ai lam n nga yang gaw akyu pyu ai lam n nga na re. Gara hku akyu hpyi ra ai lam Kabu Gara Shiga hta anhte hpe sharing shaga da sai re. Yesu Madu Kawa Karai Kasang hte nihtep ai hku hkrum shaga ai lam hpe galoi n hprai ai.

Akyu hpyi ga gaw Nawku Hpung a Sasana magam rai nga ai. Nawku Hpung a Sasana magam gaw “Akyu Hpyi Ga” re. Dai majaw Karai Kasang a mungga hte akyu hpyi ai prat hta hkawm sa nga ga ngu Wa Sarabyin Francis December shata na yaw shada lam hpe tsun hpaw da ai hpe Vatican kaw  nna ndau let akyu hpyi shakut na saw shaga da ma ai.

The text of the December 2020 prayer intention:

The heart of the Church’s mission is prayer.

Prayer is the key for us to be able to enter into dialogue with the Father.

Every time we read a short passage from the Gospel we hear Jesus speaking to us.

We have a conversation with Jesus.

We listen to Jesus and we reply.

And this is prayer.

By praying, we change reality.

And we change our hearts.

Our heart changes when we pray.

We can do many things, but without prayer, it does not work.

We pray that our personal relationship with Jesus Christ be nourished by the Word of God and a life of prayer.

In silence, everyone, each one in heartfelt prayer.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-12/pope-s-december-prayer-intention-for-a-life-of-prayer.html