San Yawsep Shaning Masat Ya Ai Kanu Nawku Hpung Indulgence Chyeju Hkam La Mai Na Matu Lajang Da Ya Ai

image from Vatican website

Kasa Ni kaw na yu hkrat wa ai Kanu Nawku Hpung Masha ni mara dam hta na lawt lu ai Chyeju “The Apostolic Penitentiary” hte seng ai masat shagring ndau ai lam hpe 2020, December 8 ya shani kaw nna 2021 December 8 ya du hkra nhtoi masat da ya ai.

Dai shaning nhtoi laman hpe “the year of St. Joseph” San Yawsep shaning ngu mung Nawku Hpung kawn masat da ya ai hpe Wa Sarabyin Francis kaw nna December 8, bat 2 ya, “Mara n-kap Na-um Na-sin ai Nu Maria Poi” nhtoi hta ndau ya ai.

Dai gaw Nawku Hpung a Kamhpa shara San Yawsep ngu masat ai 150th ning ladu hkrum ai shaning masat dingsat ai hte Mara N-kap Na-um Na-sinn Ai Nu Maria Poi hpe Nawku Hpung kata poi kaba hku galaw na matu masat ai shaning masat ding sat hku masat ai re lam chye lu ai.

Ndai shaning gaw Nawku Hpung a kamhpa shara, Yesu Madu up hkang bau sin ai kawa San Yawsep hpe hkap la kamhpa na matu Hpung masha ni hpe ap ya ai shaning ngu mung tsun mai nga ai.

Ndai ladaw laman hta, kamsham ai hpung masha ni akyu hpyi ai hte, sumsing mungdan na Nazareth kun dinghku a kawa hte hpa-awn San Yawsep a garum shingtau ai hpe hkam la nna mai kaja magam bungli galaw shaja let, n-gring ai mungkan ga hta matsan hku kaw nna lawt lu hkra shakut nga ra ga ai.

San Yawsep hpe hkung ga lara di ai lam

Ndai masat shagrin ai ai tara shang laika hpe “the Major Penitentiary of the Apostolic Penitentiary” hte seng ai hpa-awn, Cardinal Mauro Piacenza hte “the Regent” Fr. Krzysztof Nykiel kaw nna seng htu masat shagrin da ai lam chye lu ai. Ndai gaw Nawku Hpung labau hta San Yawsep a magam gaw Karai Kanu hte rau matut ngang grin nga ai lam hpe shadan shalen ai rai nga ai.

Dai gaw “the Magisterium of the Church” ngu ai Nawku Hpung labau hta Nawku Hpung kawa sape ni kaw nna yu hkrat wa ai Karai Mungga hte seng nna sharin shaga ai lam gaw labau dingsa hte labau ningnan hta San Yawsep hte seng ai sutgan lam hpe matut sawk sagawn nga ai rai nga ai.

Dai majaw Nawku Hpung a ndai masat shaning hpe Wa Sarabyin kaw nna masat shagrin ndau ya ai rai nga ai. Dai gaw Nawku Hpung myit mada da ai yaw shada lam hpe hkam la lu na matu rai nga ai.

Hpring Tup Ai Indulgence Chyeju Hkam La Lu Ai Lam

Kanu Nawku Hpung gaw Indulgence chyeju hte seng nna “Plenary Indulgence” hpring tup ai indulgence chyeju hte “Partial indulgence” adaw achyan indulgence chyeju ngu ai lam yan lahkawng hku hkam la lu ai lam sharin shaga da ai.

Indulgence chyeju ngu ai gaw anhte ni Karai Kasang a mara dat hkyam sa hpe hkam la sai rai tim, dai raw dat hkyam sa ya ai mara dam gaw naw hkam la ra na rai nga ai. Ga shadawn, mungdan tara tawt lai nna, shing nrai, htunghking tara ni hpe tawt lai ai ni hpe mara dat ya ai; chye na ya ai; hkap la ya ai; Raitim, hkyuk htawng rawng ra ai; myusha lam yan hku hparan yang htunghkying masa hte shatsawm shahtap ra ai. Dai zawn shatsawm shahtap ai hta tawt lai ai tara, shing nrai, masa hta hkan nna shawa ai lam ni galaw ma ai. Dai zawn shawa ra ai hpe galang bai shaprai kau ya ai hpe tsun ai rai nga ai.

- Hpring Tup Ai Indulgence chyeju hpe hkam la na matu ndai masat da ai nhtoi laman hta, San Yawsep a lam hte rau Madu Yesu Sharin Ya Ai Akyu Hpyi Ga hpe n-law htum minute 30 (meditate) myit sumru akyu hpyi ra ai. San Yawsep gaw makam masham ngang kang ai wa rai nna anhte hpe mung makam ngang kang na matu saw shaga nga ai.

Kawa Karai Kasang a kashu kasha hku, hku hkau lu na matu, sadi dung ai hte akyu hpyi lu na matu, Karai Kasang myit ra ai lam hpe sumru let shi hpe madat mara hkan shatup sa wa na matu tam mu la u ga yaw shada ai rai nga ai.

- San Yawsep a kasi ningli hpe hkan nna matsan dum lama ai magam galaw let wenyi lam hta hkawm sa ai ni mung Indulgence chyeju hpe hkam la lu ai. Anhte galaw ai mai kaja bungli lit magam ni hpe htauli htau la myit kaba hte sadi dung let simsa ai hku gun hpai lu na matu San Yawsep anhte hpe n gun ban ya ai re ngu masat shagrin laika hta lawm ai.

- Kun dinghku nta masha ni, bai mahtan da ai num hte la yan Rosary hti akyu hpyi ai lam hpe rau galaw ai rai yang mung indulgence chyeju hpe hkam la lu ai. Tsawra myit kaba hte akyu hpyi ai gaw Hkristan kun dinghku masha shada nihtep hku hkau ai hte pawng hpawn ai lam hpe gaw de ai rai nga ai.

- San Yawsep makawp maga ya ai shingnyip n-pu hta shani shagu na magam bungli hpe kang ka galaw gun hpai ai rai yang indulgence chyeju hpe hkam la lu ai. Shani shagu magam bungli ni hpe tam ai hta, magam bungli hpe galaw gun hpai ai hta, San Yawsep hpe kam hpa ai myit hte shi a akyu hpyi htinglu htinglai hpe hkam la nna teng man jaw ang ai magam bungli ni hpe tara ai hku galaw ai rai yang hpring tup ai indulgence chyeju hpe hkam la lu ai.

- San Yawsep Hpe Hkung Ga Shakawn Ai Litany” “the Litany to St. Joseph (for the Latin tradition)hpe tsun ai lam, shing n rai, “the Akathistos to St. Joseph” (for the Byzantine tradition) hpe tsun ai lam, bai nawku daw jau ai lamang hta lawm ai San Yawsep kaw akyu hpyi htinglu htinglai ai lam ni (for the persecuted Church ad intra and ad extra), zingri zingrat hkrum ai Hkristan ni hpe shalawt ya ai lam ni hpe galaw ai marang e, hpying tup ai indulgence chyeju hpe hkam la lu ai. Hpa majaw nga yang, “Chyoi Pra ai Htinggaw Egutu (Egypt) mung de hprawng hkawm mat ai hkrun lam hta shanhte ni hkrit tsang hpa hkrum ai shaloi, shoi chyum hkum shaloi, nni nkyi hkrum ai shaloi, jam jau hkrum ai shaloi, hprawng makoi hkawm ai shaloi, ningdang kau ya hkrum ai shaloi, kabai kau da hkum ai shaloi zawn re ai aten ni hta Karai Kasang gaw shanhte hte rau rai nga ai majaw rai nga ai.

- Bai, San Yawsep hpe hkung ga shakawn nna makam masha myit kaba hte akyu hpyi htinglu htinglai ai rai yang mung hpring tup ai indulgence chyeju hkam la lu ai. Grau nna, March 19 shani, May 1 ya shani, bai, “Chyoi Pra ai Htinggaw poi shani” hte San Yawsep hte seng ai Laban (according to the Byzantine tradition) shani, shata shagu na praw 19 ya shani hte bat shagu na bat 3 ya shani, bai Latin tradition kaw nna masat da ai San Yawsep hte seng ai poi shani ni hta, ga shadawn,  “San Yawsep a lu nit ga” ngu myit dum shagrau sha-a akyu hpyi ga ni hpe tsun ai rai yang hpring tup ai indulgence chyeju hkam la lu ai.

“makau grupyin hta nga ai ni a sak prat hpe makawp maga ya na matu” San Yawsep kaw San Teresa,  myit dum akyu hpyi htinglu htinglai lai wa ai lam hte “hkying ban hta nga taw ai anhte Hkristan nawku hpung hte htuk manu ai ningnan ni hpe jat bang nna bai hpang ai hta garum ya ai San Yawsep” ngu ai lam ni hpe masat htuk shapraw ai laika hta shalawm da ma ai.

Covid-19 ana zingli tsin-yam kaw nna hkam ja wa na matu yak hkrak jam jau nga ai lapran, hpring tup ai indulgence chyeju a marang e machyi makawp hkrum nga ai ni, asak kung dinggai dingla ni, si maw ai ni hte rau tinang dum nta kaw nna lam de n mai le tara kata kaw rawng nga ai ni yawng hpe shamai shalawt ya u ga. Ndai hpring tup ai indulgence chyeju hpe hkam la lu na matu shakut shaja ai a marang e, sanhte ni ganing re shut hpyit mara kaw na rai tim, raw dat ai hkrum mu ga

Jau ni mung Mara Raw Sakramentu hte Misa Hkungga nawng jau ai nawku dau jau magam ni hta lit nga ai hte maren htep lahti galaw ai a marang e, machyi masha ni hpe tsawra myit kaba hte daw jau lu mu ga.

Vatican Shiga Dap kaw nna ndau da ma ai.

Shiga madat ni yawng indulgence chyeju hpe hpring tup hkam la lu mu ga!

Anhte RVA Jinghpaw Nsen Shapoi Dap magam gun ni akyu hpyi ya nga nngai.

Chyeju kaba sai!

 

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/vatican-city/news/2020-12/apostolic-penitentiary-plenary-indulgence-year-st-joseph.html

 

Add new comment

8 + 1 =