Shiga

Wa Sarabyin Francis : Christmas Hta Asak Hpe Jaw Ya Ai
Saturday, December 29, 2018

“Bethlehem mare hta asak hpe Karai kasang la kau la ai nrai, jaw ya ai madaw she rai nga ai, Madu Yesu dum su ushat wa kang hta shangai wa ai lam gaw, anhte tinang a prat hpe ra kadawn nga ai hpu nau ni hpe garum lakawn la ai lam galaw let sak hkrung nga na matu shadum sharin ya nga ai,” nga nna Dec 24 ya shana Hkristmas yup tung Missa hkungga hta Wa Sarabyin Francis hkaw tsun lai wa ai.

Tsunami, Panglai Maw Ru A Majaw Tsin Yam Hkrum Nga Ai Indonesia Tsinyam Hkrum Masha Ni Hte Sai Ning Htan Nga Ga Nga Nna Wa Sarabyin Lajin Lam Galaw Dat Nga Ai Shiga
Friday, December 28, 2018

Indonesai Mungdan zinlawng langai hta, shana yup pyaw nga ai aten nhprang wan bum kapaw ai lam byin pru nna, tsunami panglai maw ru adawt bun ai majaw masha law law si hkala hkrum lai wa ma ai rai nga ai. 

Nam San Yang Mare Kaw Ginlung Christmas Poi Galaw
Friday, December 28, 2018

Majan a majaw sanit ning daram koi yen da ra mat ai Myitkyina-Manmaw lam na, Nam San Yang Mare Buga masha n kau ni n-dai December shata 19 ya shani kaw nna Mare de bai wa nga sai hte maren, Mare kata hta Ginlung Christmas Poi hpe dai ni 2018 December 28 ya shani San Pawlu Kahtawlik Nawku Jawng Wang hta galaw ma ai.

Jahpawt hkying 10:00 AM ten hta Christmas Missa Hkungga hpe Myitkyina Sasana Sagurem wa, Wa Saradaw Francis Daw Tang hte Wa Jau ni marai (5) woi awn galaw ya lu sai.

Christmas Poi Byin Wa Ai Lam Hte Christmas a Lachyum
Monday, December 24, 2018

Christmas ngu ai ga si hpe dinglik yu yang, Madu Yesu ngu ai “ Christ “ hpe la nna, shawa dawtsa, shawa hpawng “ Mass” ngu ai hte pawng nna Christmas ngu shamying ai rai nna Moi prat kaw na ya du hkra n dai December 25 ya shani galaw ai lam rai nga ai.Nawku Hpung a Poi hku nna gaw ,Christmas hpe January praw 1 ya du hkra galaw ma ai.N-dai ten ni hta christmas hpe tinang htuk manu ai hku nna galaw mai nga ai.

52 Lang Na Mungkan Sim Sa Lam Nhtoi Kaba Shani A Matu Wa Sarabyin A Mungga Hpe Vatican Kaw Nna Ndau Shabra
Friday, December 21, 2018

Mung masa galaw ai, mung masa ahkaw ahkang jum tek da ai masha ni hte seng nna Wa Sarabyin tsun ai hta, “mai kaja ai mung masa lam ngu ai gaw simsa lam nga wa hkra ap nawng galaw shakut ai magam bungli rai nga ai, mung masa ahkaw ahkang jum tek da lu ai masha ni hku nna, shanhte a ahkaw ahkang hpe, tsawra shawang myit, mai kaja ai shinggyim sat lawat ni hta n pawt sharawt da nna, mung chying shawa masha ni hpe daw jau ap nawng ai magam bungli ni hta shanhte a ahkaw ahkang hpe jai lang ra na rai nga ai,” nga nna Wa Sarabyin Francis tsun dat nga ai. 

Hkristmas Lapran Indonesia Mungdan Nawku Jawng Ni Hta Shim Lam Sin Langa Masha (Security) Ni Law Law Jahkrat Tawn Ya Na Lajang Nga
Friday, December 21, 2018

Mungdan a shim lam hte seng nna tsun shaga lit hkam rai nga ai, pya da du kaba Dedi Prasetyo tsun ai hta, “dai ning na Hkristmat shim lam a matu mungdan a ginwang kaba 13 hpe madung da nna galaw na re, dai ni hta Java, Sumatra hte Bali zinlawng ni, bai sinpraw Nusa Tenggara, Dingdung Sulawesi, Maluku hte Papua zing lawng ni hpe madung da nna galaw na re” nga nna tsun dat nga ai.

San Yawsep Gaw Azim Sha Rai Nna Ma Yesu Hpe Bau Kaba Ai Wa Rai Nga Ai, Nga Nna Wa Sarabyin Tsun
Friday, December 21, 2018

Wa Sarabyin tsun ai hta, “San Yawsep gaw makam masham grai kaba ai wa, tara hkan sa ai wa, bungli grai shakut shakut galaw ai wa, shagrit shanem ai wa, Maria hpe tsawra ai wa rai nga ai, shi n chye na ai lam ni byin pru hkrum kadup wa ai aten nhkap la na matu nnan daw hta shi galaw lai wa ai raitim, shi galaw gun hpai sa ra na magam bungli hpe Karai Kasang shaleng ya ai shaloi gaw, kadai hpe mung aput angun tsun mara shagun ai lam ni n galaw ai sha azim sha rai nna shi galaw ra ai lit lamang ni hpe gun hpai ai wa rai nga ai.

Cardinal Charles Bo Shangai N'htoi Kumhpa Lu Ai Gumhpraw Sen (500) Jan Hpyen Yen Ni Hpe Garum Na
Tuesday, December 18, 2018

Myanmar Mungdan na Kahtawlik Saradaw Kaba Cardinal Charles Bo  a Asak (70) ning hpring shangai n’htoi hta hkam la lu ai gumhpraw lap 46,751,300 Kyats (sen mali tsa kru shi sanit mun manga hkying mi masum tsa), American Dallor 3590, Euro gumhpraw 675, Singapore Dollar 100 re ai lam chye lu ai.

Saradaw Kaba a shangai n'htoi kumhpa hku nna hkam la lu ai dai gumhpraw ni yawng (sen manga tsa jan) hpe  tau hkrau shana da sai hte maren, Jinghpaw Mung hte Sammung hkan nga ai hpu nau hpyen yen ni hpe garum madi shadaw mat wa na re ai lam chye lu lu ai.

MMA Mungkan Champion Atsam Ningtawn Awngla Nsang A Labau Shang Hkrangbung Magri Sumla Hte Shagrau Sha-A Hpawng Lamang Galaw
Tuesday, December 18, 2018

N-dai Nsang Awng La a labau shang Magri sumla galaw ai hte seng nna, Wunpawng Htunghking Hpung Ginjaw Ningbaw Duwa Dagung kawn sang lang dan ai hta, Awng La Nsang a hkrang bung magri sumla hpe galaw da ai lam gaw, ya kaba wa na ma ni kasi la nna, Mungkan madang hku ningtawn ai ginsup ninghkring ni law law paw pru wa na hte nanghpam kaw na ginsup lam de myit shang myit lawm ai ni  law wa na matu hte ninggun ja wa Nsang Awng La hpe labau shang myit dum nga lu na matu yaw shada let hkrang shapraw galaw ai re lam chye lu ai.

2019 Ning Mungkan Ramma Nhtoi gaw Makam Masham Shaleng ai Poi Kaba Rai na re
Friday, December 14, 2018

Du wa na 2019 ning Jan shata Panama mungdan hta galaw na lajang nga ai Mungkan Ramma nhtoi poi kaba gaw makam masham shaleng ai poi kaba rai na re, Wa Sarabyin hte shi gun sa wa na America ka-ang Mungdan ni a matu myit mada lam ni hpe ala nga saga ai, nga nna Panama Saradaw kaba José Domingo Ulloa tsun dat nga ai.

Lai wa sai bat lahkawng ya, December 11 ya shani Roma Mare hta galaw ai Mungkan Ramma nhtoi poi kaba hte seng nna shajin lam galaw ai lam ni hpe shiga dap ni de tsun sang lang lam galaw ai lamang hta lahta na zawn Panama Mungdan Saradaw kaba tsun dat ai rai nga ai.

Quick Links