“Matsan mayan masha ni hte machyi makaw hkrum ai machyi masha ni hpe shawang tsawra myit kaba the yu lakawn lam galaw ai lam gaw n gun kaba dik ai sasana majen je ai lam langai rai nga ai,” nga nna Wa Sarabyin Francis tsun dat nga ai.
Du wa maw nga ai machyi masha ni a Mungkan masat nhtoi kaba shani a matu lai wa sai bat lahkawng ya shani tsun shaga ai mungga hta, lahta na zawn Wa Sarabyin tsun dat ai lam rai nga ai.
( 71 ) ninghpring jinghpaw Mungdaw n htoi hta, Htunghking Hpung ginjaw hku nna woi awn let lahkawng ya Manau Nau na re lam, dai hte maren, Januray praw 8 ya shani mung , Manau shamawn shakyang ai lam galaw lai wa ma ai.Poi Masum ya laman, Jinghpaw Htunghking Kahprek Karite Shingjawng Poi, Fusal Shingjawng Poi, Pite Kyaw Shing Lonn, U Mun Gayat (Batmenton) shingjingaw Poi, Ballyball, hte Manau Shayi shingjawng Poi, Jinghpaw Wunpawng sha ni a htunghking ka hkrang hpan 6 hte rau kaga Myen Sam myu sha ka hkrang ni, yu ngwi pyin ra lamang ni hte Shana Shat Manhkrum Daw sha poi ni hpe Htunghking Hpung Ginjawng kaw nna woi awn galaw mat na re ai lam chye lu ga ai.
N-dai zawn shata mi hta kalang Ramma Ginlung Missa Hkungga woi galaw ai lam a yaw shada ai lam gaw, Ramma ni ten shagu, shara shagu Karai Wa hte sak hkrung hkawm sa chye na matu, Ramma ni shada da hkrum zup let grau nna hku hkau lam lu na matu, Makam masham hpe manu shadan nna sak hkrung hkawm sa na matu re ai lam chye lu ga ai.
“Ru yak, mang hkang lam ni hkrum hkra wa ai aten ni hta, anhte kanu rai nga ai, Nu Maria hpang de gayin wa ga, hpa majaw nga yang Nu Maria gaw anhte yawng hpe Karai Kasang a kashu kasha ni ngu nna mu mada nga ai, kaga hpu nau ni yawng mung Karai Kasang a kashu kasha ni rai nga ma ai, ngu ai masa anhte mu mada nna shanhte hpe tsawra myit madun lu hkra Nu Maria anhte hpe garum ya nga ai” nga nna Wa Sarabyin Francis tsun lai wa ai.
Dai magam bungli masing hpan 5 ni gaw, tara arap ra lam, bai htingram hkat lam, Buga nga baw sang masha ni a ahkaw ahkang hte seng ai lam, simsa lam a matu tsun shaga jahkrum bawng ban lam, Asia dan ting wunli lu nga mu nga mai lam , ndai lam ni hpe madung da galaw sa mat wa ra na re, nga nna, Asia dan Saradaw ni a rap daw ning baw lit magam hpe ndai January praw 1 ya shani kaw nna hkap la gun hpai hpang wa sai rai nga ai Myanmar Mungdan Yangon Saradaw kaba Cardinal Charles Bo kaw nna ndau shapraw ai lam galaw dat nga ai.
Nawku Hpung hpe tsun mara shagun lam matut manoi galaw nga ai Philippines Mungdan gum san magam Duterte a ga ni hpe hpa hkum sawn ya mu, nga nna Philipines Saradaw kaba Socrates Villegas tsun dat nga ai.
Philippines Mungdan Saradaw uhpung rap daw a ningbaw u sa mung rai, Lingayen-Dagupan Saradw ginwang a saradaw kaba mung rai nga ai, Saradaw kaba Socrates Villegas a Jan praw langai ya shani tsun shaga ai, shaning nnan mungga hta lahta na zawn tsun dat ai lam rai nga ai.
am hpam malu masha hpe tsep kawp dawm kau mayu ai ni kadai raitim Amyu Hpung N-gin hka sa du tsi lajang la mai ai lam, mying jahpan ni hpe 2019 January shata praw 8 ya kaw nna 15 ya shani hpang jahtum da hkap la na re ai lam laika htuk shapraw dat ma ai.
Putao Jau Ginwang, Wang Hkai Mare hta kaga makam masham hpung hku Nawku ai Hpunau Lisu Myusha ni, Kahtawlik Makam Masham Hpung de shang wa ma ai.
Shang wa ai masha ni hta, masha kaba marai ( 5 ) hte ma ni yawng marai ( 12 ) tup rai nna 2019 shaning nnan shani January praw 1 ya hta Kashin Kamun hkam la nna Kahtawlik makam masham Nawku hpung de hpung shang jat ai re lam chye lu ga ai.
Ya na zawn Tengman ai makam masham hpe lu la sai Hpung Masha nnan ni law jat wa ai majaw anhte ni yawng Karai Kasang hpe chye ju dum mai nga ai.
Shangai wa ai Madu Yesu gaw anhte a matu Simsa lam hpe gaw de ya lu ai shaman chye ju ndai hkritsmas shaning nnan ten hta anhte yawng hpe jaw ya u ga hte Mungdaw Simsa Lam , Nam hpam malu masha tsep kawp mat mat hkra pat jasan magam bungli hta makam masham amyu ru sai n-gin hka yawng myithkrum myit ra let shang lawm shakut na matu, bai nna Kahtawlik Nawku Hpung gaw lam shagu hta grai myit hkrum myitra re ai Nawku Hpung re ai lam,n dai hpe katsi la nna Nawku Hpung ni hte Wuhpung wuhpawng ni yawng shada myithkrum myit ra rai Mungdaw simsa lam hta shanglawm let Mung shawa ni ra lata da ai anhte Mungdan Asuya ni galaw shakut nga ai tengman rap ra ai Federal Democracy Mungdan gaw gap ai hta shanglawm shakut ga'
Bai matut nna mung, Ya ndai hkrang hku nna sha bai ka lajang n htawm tang shawn ai lam galaw nna htinggaw 17 sha n-ga , Mare masha yawng bai wa nga lu na matu mung anhte myit mada ai. Seng ang ai de mung dai hku tsun ai.
Sign up to our newsletter and get latest news and updates straight to your inbox!
