Shiga

Italy Mungdan hte Vatican lapran myit hkrum ta masat htu nna Vatican Mungdan ngu byin tai wa ai hpang kaw nna nsen shapoi hpang wa ai Vatican Radio nsen shapoi dap gaw, n-dai February 12 ya shani nsen shapoi hpang ai shaning 88 ning ladu hkrum sai rai nga ai. 

Tanghpre mare na Hkamja Lam A Kanu ( Loourdes ) Nu Maria Poi hta Wa Saradaw Francis Daw Tang mung sa du lawm sai hte Jau Ginwang shagu na Wajau ni,Ma Ma ni,Tara Hkaw Sara/num ni  law law sa du shang lawm ai hpe mu lu ai,Manmaw, Hpakant,Mohnyin,Mogaung,Danai,Chihpwi hte Lashio Sasana hkan na hpung masha ni mung sa du ai hte akyu hpyi sa lawm ai nawku hpung masha ni yawng Mun mi daram nga ai lam poi shabyin shatai Komiti ni tsun maram da ai kaw na chye lu ai.

Asia Bibi ngu ai Kahtawlik shayi sha hpe Muslim makam masham hpe n gawn nsawn jahpoi asawng ai lam ni galaw ai ngu mara shagun nna si ari jaw je yang ai lam galaw na matu Islam hpung masha ni shawk shawn da ai lam hpe, Pakistan Mungdan Tara rung daju hta January 29 ya shani tara agyi kaba Asif Saeed Khosa kaw nna Asia Bibi  hta tsep kawp mara nnga ai lam  daw dan ya dat nga ai

Mali zup madin dim ai lam gaw makau grup yin shingra tara, ginra masa yawng hpe hten run lam byin pru shangun lu mai ai majaw n galaw na matu seng ai myit su ni yawng hpe lajin ai lam galaw dat ai hte, n-dai gaw tinang a hkum hpe tinang sat si ai lam, mung chying sha ni yawng hpe si ari je yang dat ai lam tai na re, nga nna Myanmar Mungdan Yangon Saradaw kaba Cardinal Charles Bo tsun sadi jaw lam galaw dat nga ai.