Nang Hpam malu masha tsin yam hkrum ai ni hpe Nanghpam Tsimyam kaw na lawt lu na matu, tsawm htap ai prat nnan hpe gaw gap ya lu na matu hpaw tawn da ai Myitkyina,Chyet Pawng Shan Lawk kaw na Prat Nnan Gaw Gap Giran, Masat Yang (8) Jawng Yu Poi hpe November shata 12 ya shani galaw ma ai.
Myitkyina Sasana hte Ireland Nawku Hpung a lapran matut mahkai ai lam hta grau grau mahkri shawn hku hkau ai lam lu la na matu hte Shingyim Wuhpung Uhpawng galu kaba bawngring lam ni hta grau masan sa ai hku ta gin dun let rau jawm galaw sa wa lu na matu yaw shada let du sa.
Nuclear dat nsa ni a majaw shinggyim masha ni hte makau grup yin shingra tara ntsa byin hkrum wa lu mai ai hkrit hpa lam ni hpe sawk sagawn lam galaw nga ai, hpung tang hpaji ning hkring Committee a magam bungli ni hpe shakawn shagrau ai lam Vatican tsun dat nga ai. Ndai Committee gaw UN Mungkan rap daw kaw nna hpaw shatsam da ai uhpung rai nga ai.https://bit.ly/2PnQxW0
“Shada hkungga kam hpa myit ngu ai nnga ai rai yang simsa lam ngu ai nnga mai ai, simsa lam gaw gap ai ngu ai magam bungli hta tara upadi ni hpe hkungga hkan nang hkan sa hkra galaw ai, uhpung uhpawng ni a lapran, masha ban kaji kaba langai hte langai a lapran, n bung ai htung hking lai len ni a lapran shada da hkrum shaga bawng ban tsun shaga jahkrum la ai lam ni lawm nga ai, shada kam hpa myit ngu ai lam nga wa hkra galaw ai lam hta nam bat langai ngu na ahkyak lam kaba gaw shada hkungga hkat ai lam rai nga ai, mung masa galaw ai ngu ai hta, Shinggyim masha a shawng lam gam maka, Mungkan ga a shang lawm gam maka, dai hta shanu nga pra nga ai kaji dik ai, nkung dik ai ni yawng shanhte hte seng ai lam ni hta byin ang ai lam ni byin tai nga lu hkra lajang ya ai lam ni yawng lawm nga ai” nga nna Wa Sarabyin a simsa lam matsun laika hta tsun da nga ai.
Jews masha ni hpe nju ndawng myit rawng ai masa lam hte seng nna Wa Sarabyin tsun ai hta, “Jews masha ni hpe nju ndawng ai myit lai masa dai ni na prat uhpung uhpawng ni tha matut naw mu mada lu nga ai, Hkristaian ni hte Jews masha ni gaw npawt langai sha rai nga ga ai majaw, Hkristain langai gaw Jews masha ni hpe nju ndawng ai myit lai rawng ai masha n mai tai ai, ngu nna law law lang ngai tsun yu ai, Jews masha ni hpe nju ndawng ai myit lai masa ni mat hkoi mat hkra jawm shakut ai lam she anhte galaw ra na rai ga ai” nga nna Wa Sarabyin tsun dat nga ai.
Myitkyina, Manmaw , Lashio hte Mandalay Saradaw Ginwang kata na kan bau magam bungli hte hpaga htingga galaw taw nga ai Num/La Ni a (19) Lang "Myit Sumru Akyu Hpyi (Wut Sawk) hte Majat Hpaji Sharin Hpawng" hpe 2018 November shata 19-20 ya laman Alam Wudang Bum Lagaw hta galaw sa wa na re lam chye lu ai.
ၾကံ႕ခိုင္ဖြံ႕ၿဖိဳးေရးပါတီ kaw Slg.Si Hu Dwi gaw 23000 jan,KDP kaw na Slg.Gum rawng Awng Hkam gaw 19000 jan hte NLD kaw nna Jan,Yam Hkawn gaw 18000 jan lu ai re lam chye lu ai.
License nnga ai Shaprai Masum (သံုးဘီး) Motor Cycle Ni Hpe Myitkyina မိုးလံုေလလံု Ginsup Pa hta Lai wa sai November Praw (1) kaw na (23 ) du hkra hpang jahtum da galaw ya nga ma ai lam chye lu ai.
Ramma ni hpe lakawn la ai lam hta music, shing-ni hpaji hte gin sup hpa lam ni hpe asung jashawn jai lang ra ai lam ni hpe mung tsun madin madun da nga ai.Myit hkrum ndau laika a daw lahkawng ngu na hta gaw, ramma ni ngu ai gaw Madu Yesu hkum nan shanu nga ai shara ni rai nga ai ngu ai lam hpe tsun madin madun da nga ai.
Ali ahti rai nna gau ngwi taw nga ai Nawku hpung hpe nnan bai gram ya ai lam galaw ya ai majaw ramma ni hpe chyeju dum ai, Sasana magam ngu ai gaw jet ai grin ai kabu gara lam hpe jaw ya lu ai lam rai nga ai majaw ramma ni galaw shang lawm ra na lam nan rai nga ai, Sasana magam ngu ai hte matut hkrit shawn nga ai lam gaw karai kasang a magam gun na matu shaga la ai lam rai nga ai, kashin gamun hkam la sai ni yawng gaw chyoi pra san seng ai lam hta hkawm sa na matu shaga la hkrum ai ni hkra rai nga ai, ngu ai lam ni hpe tsun madi madun da nga ai.
“N-bungli hkrat agrawp mat ai shiga na lu ai majaw myit n-pyaw yawn hkyen lawm nga ai, si hkrum mat sai ni hte yawn hkyen hkrum nga ai dum nta masha ni yawng a matu akyu hpyi ya nga ai, Indonesia Mungdan hte, hkye mawoi lam galaw ai hta shang lawm garum nga ai ni yawng hpe wa Karai Kasang n-gun atsam jaw shaman ya nga u ga,”
Sign up to our newsletter and get latest news and updates straight to your inbox!
